مادو أزيك يا قمره عاملة ايه و اخبار البيبى تمام و بنوتك بخير طمنينا عليكى و ولا يهمك زهقينا بس نطمن عليكى يا عسل و و فكرة حلوة بتاعت خطبة الجمعة ان شاء الله نحاول نطبقها


ريهام ...........زلسه يا جميل اله المستعان ربنا يعافينا و يعفو عنا يارب

هايا ...........الف سلامة اجر و عافية و طهور متخافيش خدى بالك من نفسك و هتبقى زى الفل و اخبار النمل ايه يا قمر ان شاء الله يكون راح

حنون........... ازيك يا جميل على فكرة شفت اللى قلتى عليه و بجد نفسى غمت عليااااااااااااا من القرف حسبنا الله و نعم الوكيل ربنا يهدينا جميعا و يرحمنا برحمته

بالمناسبة انا عملت البيتى فور اللى فى توقيعك بس طلع مش مضبوط قوى اكيد انا اللى معرفتش اعمله عارفة اولا معرفتش استخدم الماكينة بتاعت البيتى فور حسيت انها العجينة لازقة فيها و مش بتطلع منها و كمان لما دخلتها الفرن على الرف بعد 15 ساعة خفت اطلع البتى فور لحسن يكون نى و خصوصا انه مش احمر و لا حاجة طيب اعرف ازاى انها استوى معلش استحملينى شوية

بالنسبة ليومياتى بقى اقصد اسبوعياتى ترنضبق البيت و الشبابيك و الأرضيات و مسح و غسيل و نشيير و هكذا
عملت من كام يوم بيض كان ظريف عملت بيض عيون بالزبدة عادى و قبل ما يجمد اوى قمت قطعت علية جبنة شيدر ساحت ليه و طلع ما شاء الله جميل و طعمة جديد

و عملت شيش طاووق تبلته بزبادى و كاتشب و مسطردة و كعلقة خل و شوية توم و سماق و ملح و فلفل و حطينة فى اعواد مع الفلفل و الطماطم و بعدين حمرنة فى صينية و بعد ما استوى ولعت فحمة جامد و حطيتة عليها على الزيت و غطيت طلع طعمه من فضل الله تحفة و مشوى خالص
و عملت كيكة التمر و بالمكسرات و صوص التوفى بس انا عملته شيكولاتة
و طبعا البيتى فور بتاع كهرمانة و بس كده و سنوافيكم بكل جديد ان شاء الرحمن

ازيك يامنمن.....بصي عشان العجينة متكونش نااااااعمة اوي زيادة عن اللزوم قطعة الزبدة ال 200 جرام شيلي منها قطعة صغنونة كدة متحطيهاش كلها حتة مثلا بمقام صباع او ازيد سنة (صباع بالعرض مش بالطول) فاهماني؟؟لان كمان صفار البيضة بيزيد من نعومة العجينة بكدة مش هتلاقي العجينة ملزقة وهتنزل من الماكينة بسهولة ان شاءالله
كمان هو مبياخدش سوا في الفرن خالص لو الحرارة متوسطة هياخد من 8:10 دقايق 12 دقيقة بالكتير انتي افتحي الفرن عادي واقلبي واحدة وشوفي ضهرها لو لقيتي خد لون ذهبي كدة يبقي استوي خلاص لانه مش هيحمر من فوق وخصوصا لو بالشوكولاتة لازم تشوفي ضهره وتسبيه اما يبرد لانك لو مسكتيه وهو سخن هيتفتفت جربي الابيض الاول وبعدين دخلي صاج الشوكولاتة عشان تكوني عرفتي الوقت لان زي مابقولك الشوكولاتة كدة كدة غامق
ان شاءالله يطلع المرة الجاية مظبوط جدا

السلام عليكم ورحمة الله وبركاته

صباحكم فل وورد وياسمين
وحشتوووووووووووووونى اوى من امبارح وكان نفسى ادخل ارغى شويه بليل بس ماما وبابا كانو عندى واول ما مشيو النهارده جيت جرى عليكم



هههههههههههههههههههه

والله يا عطر ضحكت موت من كلامك ....... انتى عسوله خالص بس الحمد لله انك اطمنتى قبل ما تنامى هههههههههه

وبعدين برينتر مين يا بنتى هى مش هتقتنع اصلا وخلاص

وبعدين ايه الاشاعه الى انتى هتطلعيها عليا دى يا بنتى انا بطوطه عشان البط ربنا يسامحك يا انوج هههههههه

صباح الفل
سلامى لكل البنات
النت عندى تقيل اوى ويا دوبك قدره اتابعكوا قراءة
لمييا من امبارح بحاول ارد عليكى بس النت مش راضى يشتغل كويس انا بعتذر كان نفسى افيدك فى موضوع الكادر بس للاسف انا معنديش اى فكره خصوصا انى مكتبات

بوتا ..... جزاكِ الله خيرا يا قمر والحمد لله ربنا عداها على خير

ايمان ........... ربنا ييسر لك كل امر عسير ويفتح عليكِ ويلهمك الصواب يا رب

لمياء يا حبيبتى .......... روقى كده وخلاص هدى بما انها وزيره قررت معاقبة المهمومين فعايزين يا اختى نلايمها ونحتفظ بمكانا هنا معاهم ههههههههه

الرمال الناعمه ...... جزاكِ الله خيرا على المقالات

ام سوسو ........ شفاكِ الله وعفاكِ يا حبيبتى

زوجه مصريه ....... ازيك يا قمر وانا مش وصلنى حاجه منك ع الخاص

منى ......... ربنا ييسر لكم الاحوال يا حبيبتى وتوكلى على الله واستغفرى كتير وربنا عالم الخير فين

ام شهاب ........ ازيك يا حبيبتى ...... صباحك فل

ميرو ......... وصفك لعلاقتك بجوزك بجد حسسنى بالتوتر

يا جميل يا قمر انا اعتقد ان الشغل والضغوط هى الى عامله فيكى كده لانك ايام ما كنتى متوتره فى الشغل ده كان مأثر عليكم سلبى ولما الامور اتحسنت بقيت احسن بينك وبين جوزك

يعنى الموضوع متوقف على حالتك المزاجيه وطبعا لو الاحساس ده واصل لزوجك يبقى اكيد متضايق وحاسس انك بحالات ساعه تروح وساعه تيجى ههههههههه

حاولى تفصلى يا ميرو لان زوجك ملوش ذنب والمشكله ان فى الحالات دى لما الواحد بتتغير للاحسن للاسف الزوج بيبقى متأكد انها كلها كم يوم وترجع ريمه لعادتها القديمه فبتلاقيه مش فارقه معاه التغيير ( المؤقت ) ده

وانتى ماشاء الله كنتى وصلتى لمرحله ممتازه فى التغيير وبنفسك قلتى ان ده أثر على علاقتكم تأثير إيجابى ......... وانا افتكر ان الى بوظ التغيير ده المشاكل الى حصلتلك فى الشغل ورجعنا تانى من اول السطر

يبقى الراجل ذنبه ايه ؟؟؟؟؟؟؟؟؟؟