السلام عليكم ورحمة الله وبركاته

ميرسي جدا ليكم كلكم يا بنات ربنا يكرمكن جميعا

ام البنات معلش تلاقي حالته النفسيه سيئة بس ان شاء الله ربنا يتم شفاه على خير ويطمنكم عليه

منمن النمل راح خالص الحمد لله شغلت سورة البقرة 3 ايام ورا بعض قل جدا وبعدين في الاخر رشيت ريد على الباقي وسبتي الشقة ونزلت اختفى خالص من فضل الله

لومي سلامة همك الف سلامة طهور ان شاء الله ربنا يعفو عنه

مرمر حمد على سلامتك يا جميل انتي عارفة ما شاء الله العدد بئى كبير فممكن الواحد ينسى ومياخدش باله عموما انا بقترح نعين حد مسئول عن الغياب والحضور واللي مش هيجي يدفع غرامة

ام سوسو صحتك عاملة ايه دلوقتي

البنات الجديدة اهلا بيكم معانا

بنات كنت عايزة اسأل بتحط البن على ايع عشان يتحط على الشعر على زيت ولا كريم يا ريت اللي جربت تفيدني

فيميل ازيك يا جميل وازي ولادك

شوفي بالنسبة لبنتي كنت بوديلها زبادي واكل مطبوخ طازة يوميا الصبح يعني تفاحة مسلوقة في ميتها - رز وخضار مسلوق - شوربة عدس في برطمان - ورك فرخة مسلوق ومتنسر على مكرونة مسلوقة - شوربة لسان عصفور ومتنسر فيها يا لحمة يا فراخ وبيضه مسلوقة وبعد كدة كنت بودي التفاح طازة ومبشور واؤلها تفطرها بيه قبل ما يسود وبصراحة ما شاء الله الدادات في الحضانة كانو مساعدني وسايبني اجيب اللي نفسي فيه بس اهم حاجة يكون طازة عشان الفيتامينز بتاعته

هدى...ربنا يصبرك يا حبيبتى ويخفف عن والدك

ما شاء **** يا هايا اية السرعة دى انا محظوظة كدة متشكرة جدا على ردك وربنا يبارك فى عيالك يعنى كدة بتقومى الصبح بدرى كل يوم تعمليلها اكلها

اللهم ارزقنا حبك وحب من يحبك وحب كل عمل يقربنا الي حبك
اللهم كما جمعتنا بدون سابق معرفه ولم نري بعضنا ولكنا تجمعنا حبا فيك وتقربا اليك
اجمعنا علي حوض نبيك واسقنا من يده الشريفه شربة لا نظمأ بعدها ابدا
اللهم اجعلنا ممن يوروثون الجنان ويبشرون بروح وريحان ورب غير غضبان
اللهم حرم وجوهنا علي النار واسكنا الفردوس الاعلي بغير حساب
امين ........ امين ......... امين
مبروك الملف الجديد وربنا يبارك فيكم كلكم
وطبعا بحبكم فى ****

فى الفطار:
بسكوت سادة او بشوكلاتة اللى بيحبة
او بيضه مسلوق وجبنة نستو
ساندوتش جبنة
ساندوتش مربى فىعيش مدهون نستو
زبادى
ارز باللبن
مهلبيه
لبن

الغدا :
فى الغالب شوربة خضار
معاها شوية رز

مكرونة باللحمة النفرومة

رز وخضار

رز وشوربة

مكرونة بصوص بشاميل خفيف

والحلو بعد الغدا ثمرة فاكهة حسب الموسم موزة تفاحة برتقالة جوافة يوسفى

انا كنت بودى الفاكهة صحيحة وهما يقطعوها لبنتى وقت الاكل عشان تبقى فريش
وبيدفوا الغدا برضه قبل ماتاكل


طبعا انتى بتجهزى كل حاجة فى علبتها من باليل فى التلاجة والصبح على طول ترصى فى الشنطة

هو انا الحضانة بتاعة بناتى كانوا بيمنعوا حد يجيب اكل للطفل بعد سنة ونص بيعلموهم انهم ياكلوا نفس الاكل فى نفس الوقت
لكن قبل السنة ونص كنت شوربة الخضار بعملها على قد يومين تلاتة بالكتير واعمل غيرها

ولو طابخة من باليل لتانى يوم اكل مناسب ليها كنت بوديلها منه على قدها

لكن عمرى ما شيلت اكل الاطفال فى الفريزر الفريش افضل اكيد