حاضر يا توته من عنيا
فطيره الفراخ
بصله مبشوره تحمريها في السمنع و ثم ضعي عليها 2 فلفل اخضر و بشرت جرزه كبيره و علبه مشروم و 2 صدر دجاج ني مقطع و يحمروا مع بعض ثم اضيف 3 ملعقه دقيق و اقلب ثم اضع 2 كوب لبن و اقلب لحد ما يوصل للسمك اللي عاوزاه و بعد كده احطه في صينيه و جبت عجينه الباف باستري قطعتها مربعات و رصيتها فوق بعض و دهنتها بيض و رشيت عليها سمسمو و حبه البركه و علي الفرن لحد ما تنفش العجينه و تحمر و بالهنا و الشفا

سلامتك يا حبيبتي طمنينا عليكي

الله يرحمه و ينور قبره و يثبته عند السؤال


ام البنات
ربنا يهون عليكيم ويشفي باباكي طمنينا عليه عامل ايه انهارده

غاده
اهلا بيكي معانا و ان شاء الله نفرح فيكي اقصد بيكي قريب ان شاء الله و تمليلنا البيت وؤوؤه

ماقلتوش شافطين بطنكم ولا اجى افتش هههههههههههههه

غادة

متشكرة يا حبيبتى على اقتراحاتك بالنسبة لى انا ممكن اعمل كدة لكن اللى عندى مش عايزين سندوتشات ولا قراقيش ولا تفاحة ولا يسقوا ولا الحاجات دى

حتى الفول بالليل مش مفضل عندنا

هو البيض اللى اساسي ممكن انوع فيه

لميا

شفطتى بطنك ولا هااااا

هههههههه شكرا يا قمر على الوصفة بس الشاورما عندنا مش بالليل برده


روشانا وتوتة ونيرفانا صباح الخير

لميا

نسيت اقوللك ادهنى زيت زيتون على بطنك او اى كريم مرطب بس استمرى

وردة صباح الخير

ازيك يا نيرفانا ربنا ييسر لكم امر الشقه يا رب وتلاقى شقه مناسبه وتكون خير لكم



غاده ...... اهلا بيكى يا حبيبتى على فكره انا كمان خريجة آداب إنجليزى بس مش بشتغل وربنا يرزقك الذريه الصالحه يا رب


بصو انا فى الفتره الحاليه بجد نفسيتى متسمحش خالص انى ازورها او حتى اشوفها ....... انا دايما والله بعدى كل حاجه ومهما يحصل بهدى شويه وبروح ازورها ولا كأن حصل حاجه لانى زى ما قلت قبل كده بعامل ربنا وبس

فانا بس محتاجه فتره عشان اهدى واشوف نفسى كده

وخلى بالك اصلا الى يغيظ بجد انها تروح تشتكى لاختها وتقول حاجات محصلتش والله ولما اختها سالتها انتى حطيتى البط فين قالت لها والله جنب باب الشقه ع السيراميك ...... سبحان الله
فانا لما قلت لاختها ع الى حصل بقت مكسوفه منى خالص وتقولى حقك عليا كده وعلى فكره هى الى قايله لاختها تقولى بس الظاهر مجاش فى دماغها ان اختها هتقولى الكلام بالتفصيل وان انا هقول الى حصل فعلا

وبالنسبه لزوجى انا حكيت له الى حصل بالظبط والحمد لله مزعلش لانه عارف مامته كويس وكمان اتضايق منها جدااااااااا لان الى حصل ده ميرضيش حد

يا بنتى دى بتقول لاختها مبتجبليش مخلل على الاكل ........ وانا والله اصلا معنديش مخلل لانى مش بحبه

لكن انى ازورها فى الفتره دى بجد مش هينفع خالص

يومياتي

يوم الجمعه
صحيت علي صراخ محمد الساعه 4و نص الفجر قلت الحمد لله علشان اصلي حاضر رضعته و حاولت انيمه و قمت صليت و دعيت لبنات كتير في القعده بجد و الله
و بعد كده قلت مش جايلي نوم قمت عملت فطيره الفراخ و بعدين غسلت المواعين و قلت اعمل جمبها صينيه بطاطس و فوقيها سبانخ بالكريمه اجربها المهم عملتها هي كمان و طلعت ما شاء الله الاكلتي حلوين قوي و عجبو جوزي و صحبتي عدت عليا بعد شغلها فقدمتلها تتغدي عجبوها بردوه قوي المهم قلت بعد ما طبخت انام شويه نمت يدوبك لقيت استاذ محمد صحي و عاوز يلعب قعدت معاه و بعدين قمت لمعت كل الموبيليا في البيت و كان في غسيل ملموم من المنشر و ضبته و عنته في الدواليب و بعدين جوزي صحي من النوم و طلب يفطر بيتزا المهم عملتله البيتزا بعملها بطريقه سهله خالص و مش بتاخد و قت و عملت عصير كوكتيل جديد و لذيذ و بعد كده غسلت باقي المواعين بتاعت الفطار و بعدين دخلت حميت استاذ محمد و اديته لابوه يلبسه و هو نزل يصلي و انا قعدت كنست البيت كله و غيرت مفارش السرير و حطيت غسيل يتغسل و جوزي جه اتغدينا و صحبتي جاتلي و زي ما قولتلكم و بعد ما نزلت قلت ادخل انام خلااااااااااااااااااااص مش قادره استاذ محمد عمال يصرخ طول الوقت حتي و انا شغاله و مش عرفت انام الا و انا شيلاه و بعدين قعد يزن صحيت و رضعته و بعدين دخلت عملت مواعين الغدا و نشرت الغسيل و حاولت انام و انيم فيه مافيش فايده صريخ متواصل و بسسسسسسسسسسسسسسسسس