السلام عليكم ورحمة الله وبركاته
كل ال سألو عنى جزاكم الله خيرا الحمد لله احسن منعت البردقوش
لانى طبيعتى ضغطى منخفض وهو بيخفض الضغط فمنعته
عطر تسلمى على الاهداء الجميل حا ارجع اشوفه بروقان
صحيت الساعه 8 على جرس الباب فتحت لقيتها جارتى
بتعطينى مفتاح شقتها عشان لما ولادها يرجعو من المدرسه
لان حماتها توفت اليوم فى المستشفى رحمها الله
فرحت لجارتى وفرحت للمريضه رحمها الله
جارتى دى هى وزوجها نموذج نادر فى هذه الايام
نموذج رائع فى بر الام
جارتى عمرها 55 سنه وحناتها عايشه معاهم عمرها 90 سنه
مريضه لا تتحرك غير للحمام وكل جارتى ما تشوفنى تقولى ادعى لى تستقر حالتها على كده
وانها تتحرك للحمام دى نعمه كبيره فاهمه حالة حماتها جدا والادويه بنظام دقيق
ونظام اكلها وتحممها بجد نموذج رائع البنت بتتعب وتمل من امها
لكن دى زوجة ابن لا يمكن حد يتوقع انها زوجة ابنها لانها بتعمل بحب مش بتأدى مهمه
كان عندها موعد فى المستشفى وحماتها معاها على كرسى متحرك عشان ما تقدرش على مجهود
المشى تقولى تركتها ودخلت الحمام رجعت لقيت كل النساء الموجودين فى الانتظار
اتجمعوا عليا يبوسوا راسى لما عرفو انى زوجة ابنها
لان كلهم كانو متابعنى بعيونهم واهتماها سالو الام هى بنتك قالت لا زوجة ابنى
فكان الكل منبهر جدا ربنا يرزقها اجر ما قامت به
الابن فى رمضان الاسانسير عطلان والام عندها موعد فى المستشفى وضعها
على كرسى وحملها من الدرو الرابع للارضى وطلع بيها بنفس الطريقه
وهو صائم فى حر الكويت الحراره لا تقل عن 50
الام دخلت فى غيبوبه لمدة اربع ايم وتوفاها الله اليوم غفر الله لها ولجميع موتى المسلمين
قبل ما تدخل فى الغيبوبه بساعه قالت لزوجة ابنها سامحينى من قلبك وفكرينى
باسم والدك ووالدتك رحمهم الله عشان ادعى للناس ال ربوكى هذه التربيه
وبعدها دخلت فى غيبوبه فاقت منها امس ودعت لها كتير لها ولزوجها
تخيلو هذه الزوجه قاست من حماتها فى بداية زواجها
واول اربع سنين من زواجها الحماه عملت المستحيل عشان ابنها
يطلقها لانها كانت تتمنى لابنها زوجه اجمل
عشان كده قالت لها سامحينى من قلبك
معلش ضايقتكم لكن القصص بيكون فيها عبر كثير
جارتى ما شاء الله فازت فازت برضى الله ودعاء الحمى
وفازت ان ولادها تربوا على اب وام بيراعو الجده
بكل حب وبدون ضجر فلازم حا يبرهم ابناءهم لانهم تربوا على البر
احيانا الشيطان يصور لنا اخطاء حمواتنا على انها نهاية العالم
وان قلبك لا يمكن يصفو لكن لو قلبك صفى وبرتيها
لعله يكون سبب لدخولك الجنه
احى هذه الزوجه اكثر من زوجها لانها لو ما كنتش انسانه
تتقى الله مهما كان هو حنون مش حا يعرف يبر امه
لان الحمل على الزوجه كان كبير
اللهم اعنا على بر والدينا ووالدى ازواجنا
هى مهمه مش سهله لكن ثوابها عظيم
اللهم آتنا فى الدنيا حسنه وفى الاخره حسنه وقنا عذاب النار
يا حى يا قيوم برحمتك استغيث فاصلح لى شأنى كله ولا تكلنى الى نفسى طرفة عين
اللهم قربنى من طاعتك حبا وطمعا
وابعدنى عن معصيتك خوفا وكرها

السلام عليكم وحياكم الله

اسال الله ياهدى ان يرحم والدك ويهون عليه مصابه ويجعله رفعة لدرجاته

هايا سلامتك البنوته وماتشوف شر

ام يوسف افضل شئ لتنعيم الشعر ومن تجربه مع بناتي المايونيز او مخلوط من زيت سمسم وزيت الخروع تحفه من جد ويبان مفعوله على طول

مي والله صرت طول وانا واقفه بالمطبخ شافطه بطني وفاكراكي بالخير ياحلوه لازم تعملي نادي لينا وترتاحي

بنات هو سوأل وكل وحده تجاوب عليه ماهي الامنيه العظيمه اللي تتمنيها بعد رضا الله والوالدين يالله كله يجاوب هههههههه داخلين امتحان

سلامي للجميع

السلام عليكم
ازيكم يا بنات بسلم على الكل
لسه مقرتش الى فات
هقرا وارجع باذن الله
لميا عاوزه منك موقع لتحميل الصور غير موقع العملاق احسن كل مره احمل فيها يفشل عاوزه اوريكم شويه حاجات
ولو حد يعرف موقع حلو يا بنات ينزله

اتمنى ان الله يهون على ويخفف سكرات الموت لانى مرعوبه منه ويحسن خاتمتى
انى ادخل القبر مطمئنه ويكون اليوم دا احب يوم عندى واكون فرحانه
اعيش فى الدنيا احفظ القرءان عن ظهر قلب انا وولادى وزوجى واتمتع فى القبر بسماع صوره المائده من الشيخ منعم (هيا امنيه غريبه بس انا بستمتع بسماعها فى الدنيا واتمنى انى اسمعها بصوت هذا الشيخ فى القبر؟)
اروح احج مع جوزى بالرغم من صعوبه هذه الامنيه للماديات العاليه ولكنى اتمناها
اما امنياتى فى الدنيا
ان يجعل الدنيا فى ايدينا ولا يجعلها فى قلوبنا
وفيه شويه امنيات صغيره لو قلتها يمكن تضحكو عليا
راجيه عفو ربى انا مش عارفه انتى عاوزه امنيه واحده ولا ايه بس انا قلت الى فى نفسى ولو تحبى اقول باقى الامنيات الصغيره ماشى بس اوعو تضحكو عليا هههههههه
محدش يزعل انا مقرتش الااخر صفحه شويه وارجه باذن الله

يارب سهل لاختي حبيبة اوسو امرها وهون علي وعليها واخوانا المسلمين سكرات الموت واكتب لها الحج بقدرتك ووسع عليها رزقها

حبيبتي كل الامنيات وان كانت صغيره ويراها غيرنا تافهه الا انها تظل لنا حلم جميل وامنيه نود تحقيقها هاتي اللي عندك

الباقي فين