معلش يا بنات حد يعرف طريقه الكوسه بالبشامل عاوزه اعملها النهارده ومش عارفه الطريقه باظبط؟

السلام عليكم ورحمة الله وبركاته

ازيكم يا حلوين ملك من فضل الله احسن من امبارح عندها احتقان في الزور وبالنسبة لموضوع رجيلها محدش عارف نامت غلط تقريبا

المحبة للرسول معلش المهم سلامتكم انتوا والولاد بس استغفروا كتير وان شاء الله مش هيحصل حاجة وحشة تاني

موضوع منع النقاب بيتهيألي هيبئى صعب ده هيفتحوا على نفسهم فاتوحة والدنيا مش ناقصة

حبيبة اوسو ازيك يا جميل وازي الولاد انا بكلمكم تخاطيف من الشغل لما يبئة الجو هادي من البيت اصلا ببئى ارفانة اعد على الكمبيوتر حتى لو فاضي

بالنسة للكوسة بالبشاميل انا بسلقها نص سلقة (مش بحب اقليها عشان متبئاش تقيلة) وممكن تتشوح في حتة زبدة صغيرة وبعدين تحطيها في صينية وفوقيها لحمة مفرومة معصجة وفوقيها طبقة كوسة كمان وبعدين البشاميل وفوقه جبنة مودزاريلا
ده لو مقطعة الكوسة حلقات وممكن تتقطع قوارب بالطول وتترص والحمة المفرومة فوقها وبالبشاميل بيكون شكلها اشيك

بالنسبة لحلمي نفسي احج في شبابي وانا بصحتي ووانا وبنتي تكون من حفظة القرآن وربنا يكرمني والتزم اكتر من كدة في العبادات والنوافل وربنا يرزقني برها ويرزق امي وابويا بري انا وخواتي
بالنسبة لاحلامي الدنيوية شقة اكبر في وعربية ليه وشغل احسن او مشروع خاص تحت ادارتي ونفسي اطور نفسي وادرس بيزنس ادمينسريشن وكام لغة كمان وتعليم محصلش لبنتي وبيبي كمان سليم معافى صحيح الخلق والخلقة وربنا يهديني انا جوزي لبعض ويصب حبنا في قلب بعض ويعمي عيوبنا عن عيوب بعض يارب وكفاية كدة ايه الطمع ده

السلام عليكم يا بنات

ام يوسف وام سهيلة صباح الخير

منى

ازيك يا جميل الشفط ما بياخدش حاجة يا قمر وانتى قاعدة او واقفة اعمليه
ومتشكرة على زوقك وان صورة زيزو وياسو عجبتك


اخباري اللى مش كويسة

ان عرفت النهاردة والحمدلله ان شقتى في مصر اتسرقت واللى سرقها البواب

ومش مهم الحاجات اللى اتسرقت ايه الحمدلله على اننا بخير ومحدش جرا له حاجة

لكن اللى عايزة اقوله ان كان عندى احساس ان الشقة هتتسرق وسكت اقصد سكت على وضع غلط

المفتاح كان مع حماتى وحماتى بتعتمد على الشغالات بشكل كبير يعني ببساطة يا فلانة خدى المفتاح وروحى مع بتاع الغاز عشان يشوف العداد

لما نيجي من السفر يا فلانة خدى وروحي نظفى الشقة عشان لما نيجي نلاقيها نظيفة

طبعا الشغالة مرات البواب وعارفة مكان كل حاجة

وكنت دايما بقول لجوزى انا مش بحب حد يدخل شقتى ينظفوا لما اكون موجودة وبس لكن طبعا مش هيقول لمامته هاتى المفتاح بعد ما اداها

ولو غيرنا الكالون هتقول انتوا مش مستأمننى مع انى مش بقول عليها هى حاجة خالص انا قصدى ان محدش غريب يدخل بيتى ايه الغلط في كدة

وهو سرق منها هى كمان ومن اخو جوزى لاننا كلنا في نفس البيت


عشان كدة بقول لكل واحدة لما يكون رأييك فعلا صح وعندك يقين بشكل كبير انك على حق ما تسكتيش وقولى مرة واتنين وزنى

ومع الايام هيعرف انك على حق

انا لله وانا اليه راجعون اللهم اجرنى في مصيبتى و اخلفنى خيرا منها

طريقه الكوسا بالباشميل
بعصج اللحمه مع بصله و فصين توم و اضيف البهارات اللي هي بهارات اللحمه و قرفه و جنزبيل و شويه كاري و ملح و فلفل و ببقي مقطعه الكوسا شرايح طويله و بشويها علي الشوايا دقيقتين علي كل جنبو برش عليها نعناع ناشف و بفرش نصها ف الصينيه و بعدين احط الحشوه اللي هي اللحمه المعصجه و بعدين احط النص التاني من الكوسا و بجيب طماطم معصوره و اصفيها و اسبكها شويه مع ورق لورا و فلفل و ملح و اصب عليها بشويش و اكمل الباشميل و احطه علي الوش و ادخلها الفرن و بالهنا و الشفا

معلش يا مي قدر الله وما شاء فعل واهم حاجة ان انتو بخير بس لما الموقف يهدى كدة بيني ان كان رأيك صح عشان مفيش حاجة تكرر زي كدة تاني