ازيكم يابنات عاملين ايه وحشتونى كلكم

امبارح تميت 3 سنين جواز كان يوم عادى مفرقش لان نفسيتى تعبانه حاسه انى داخله في دور اكتئاب مع انى مش بعدى المناسبات دى حتى كمان معملتش لمحمد عيد ميلاده كل ده بسبب العزومه الزفت عملت عزومه جامده انا متاكده ان حماتى هتحكى عنها لسنه جايه عملتها لوجه الله وعلشان جوزى
عملت في العزومه كفته وكباب حله وبفتيك وحمام محشي وبط وبيكاتا بالشامبنيون وشيش طاووق ومحشي ورق عنب ومحشي بدنجان وفلفل وكوسا ولازانيا ورقاق محشي باللحمه المفرومه وكبسه وفته سوري وملوخيه وشوربه لسان عصفور وعملت سلطه بطاطس بالماينويز وسلطه خضرا وسلطه طحينه و سلطه زبادى وكول سلو ومخلللات انا اللى عملها في البيت
والحلو جاتوه جاهز وحلويات شرقيه وفاكهه وعملت شاي وبيبسي بسسسسسسسسسسسسسسسسسسسسسسسسسسسسسسسسسسسسسسسسسس

ومن ساعتها وانا متنحه جسمي كله مكسر حماتى وحمايا بعد ما العزومه خلصت مش مشيو لاء باتو عندى يومين يعنى مافيش رحمه خالص
طبعا لازم خدمه خمس نجوم فطار وغدا وعشا الصبر منك يارررب

ام البنات ربنا قادر على كل شيء وقادر يشفي والدك ياررررررب قلبي بيتوجع لما بتحكى عنه

مى قدر الله وماشاء فعل فداكى وفدا جوزك وولادك ربنا يعوضك خير يارب

امنياتى انى اعيش في هدووء مع جوزى وابنى ومحدش يتدخل في حياتنا ابدا وان ربنا يكرمنى بولاد وبنات كتير وان ربنا يكرمنى واكمل الماجستير ويبقى عندى بيت صغنن بجنينه حواليه اعيش فيه انا وولادى ان شاء الله وان ربنا يسترها معانا ومايخليناش نحتاج لحد وان ربنا ينعم علينا بالستر والصحه ونعمه الرضا بما قسمه لينا وحسن الخاتمه نفسي ربنا يجعل ابنى انسان مسلم صالح محترم
نفسي الناس تبقى طيبه والواحد يتعامل معاهم وهوا مطمن مش كل حاجه مشكوك فيها ومافيش امان
نفسي ربنا يجمعنى بزوجى وابنى في الجنه سوا وانه يسهل حسابنا ويرضى علينا ويجمعنا بالرسول عليه الصلاه والسلام
نفسي افتح واغمض عنيا الاقي اخواتى خفو وبقو كويسين ونفسي ان ربنا يخليلي ماما وبابا واخواتى ويحفظهم من كل سوء

سومه ماشاء الله عليكي طيب يا ستي حقهم يطلبوا يتعزموا عندك كل يوم ما انت عامله بوفيه من كل بلد اكله علي العموم ربنا يجازيكي خير ويقويكي ان شاء الله وعقبال 100 سنه جواز

ارجو عفو ربي ان شاء الله انت والاولاد تكونا بخير وتنورونا في جده كام يوم كده ونشوفكوا طبعا انت عارفه ان جده غير مش كده برضه

ام جميله وورده وكهرمانه جزاكم الله خير علي المواقع

ام البنات ربنا يقويكي ويخفف عن باباكي ان شاء الله ويجعله في ميزان حسناته

دموع معاكي ان شاء الله انا كنت بدات في الحفظ هنا في دوره نبع المنتدي لكن مستمرتش عشان المواعيد وعندي الاحاديث علي الكومبيوتر ان شاء الله انزل اللينك بتاع الكتاب ويالا انا موافقه اساعدك بس ابقي حطي سؤال في الامتحان عن السنن اللي هنزلها كل يوم ان شاء الله

راجية عفو ربي

كلامك جميل ومش قادرة ارد ربنا يخليك على ذوقك وكلامك الحلو بحبك في الله

منى

انا عايزة احفظ معاكى وممكن يبقى هنا ماشي والامتحان في موضوع تانى ولا ايه مش عارفة

سومة

ربنا يبارك لك العزومة ما شاء الله تحفة ربنا يجازيك على تعبك ونيتك الحسنة خير ان شاء الله
ويشفي اخواتك ويطمنك عليهم و يبارك لك في صحتك وكل عام وانتى وزوجك اقرب لبعض

عطر انتى تقصدي هالة فايق ؟؟؟ انتى قلتى ان جوزها شغال في قطر وانا قريت كدة في الخبر برده

بيقولوا ان اتسرق من خزنتها اوراق والفلوس والمجوهرات كانت زي ماهى

ولا انتى قصدك حد تانى