http://forums.fatakat.com/thread168057

السلام عليكم ورحمة الله وبركاته
الهم ما اصبح بي من نعمة فمنك وحدك لا شريك لك فلك الحمد ولك الشكر

بوتا ازيك ياجميل موضوع الشراء ده للأسف كلنا بنعاني منه بس اقولك حاولي تقسمي مرتبك وممكن مش تخرجي الا ومعاكي
مبلغ صغير احتياطي وتكوني عامله حدود لنفسك
وممكن لو فيه مبلغ باقي من مرتبك حتي لو بسيط ممكن تعملي موضوع الحصالات يعني واحده للصدقه وواحده تحوشي فيها الباقي
وكل فتره تشتري حاجه ناقصاكي او خاتم مثلا او حاجه للبيت او الولاد او تدخلي بيه جمعيه كل شهر ......... يارب اكون فيدتك يا قمر

ام سوسو صباحك فل يا قمر معلش انا عارفه أني وعدتك ابعتلك صورتي وان شاء الله ابعتهالك النهارده واهي فرصه باللوك الجديد
قوليلي اخبار بنوتاتك ايه ؟؟ وانتي عامله ايه دلوقتي ؟؟

كنزي صباح الخير يا قمر احنا كمان صحينا متأخر جوزي صحي علي صوت التليفون من الشغل وقلق المهم انه كان مندوب عنده اول يوم ليه في الشغل وكان مستنيه من اكتر من ساعه طبعا انا صحيت وهو بيقوله انا في الطريق قصادي نص ساعه قمت قولتله صباح الكدب قالي يعني اقوله ايه (( اذا كان رب البيت بالدف ضاربا ........ وانتي عارفه الباقي ))

لميا حبيبتي تروحي وتيجي بالسلامه ويارب يجعلها اجازه سعيده عليكم استودعتك الله الذي لا تضيع ودائعه

روني صباح الفل يا جميل اخبارك ايه يا قمر

كموري بصره ياعم انا وانتي عملنا نيولوك ان شاء الله تتهني بيها يا حبيبتي ويارب يسهلك ولادتك وتقومي بالسلامه انتي وام مريم ومرمر وكهرمانه وام جميله وايناس ومادو وتوته ويرزقكم الولد السليم المعافي

توته انتي فييييييييييييييييييييين قلقتني عليكي


يالا نخلي دعائنا النهارده عشان سعة الرزق


اللهم اكفني بحلالك عن حرامك واغنني بفضلك عمن سواك

قصة سعد بن أبي وقاص مع أمه



يقول سعد -رضي الله عنه : (وما سمعت أمي بخبر اسلامي حتى ثارت ثائرتها وكنت فتى بارا بها محبا لها فأقبلت علي تقول يا سعد

000ما هذا الدين الذي اعتنقته فصرفك عن دين أمك و أبيك؟ والله لتدعن دينك الجديد أو لا آكل ولا أشرب حتى أموت فيتفطر فؤادك

حزنا علي ويأكلك الندم على فعلتك التي فعلت وتعيرك الناس أبد الدهر )

فقلت : لاتفعلي يا أماه فأنا لا أدع ديني لأي شيء )000الا أن أمه اجتنبت الطعام ومكثت أياما على ذلك فهزل جسمها وخارت قواها

000فلما رأها سعد قال لها يا أماه اني على شديد حبي لك لأشد حبا لله ولرسوله ووالله لو كان لك ألف نفس فخرجت منك نفسا بعد

نفس ما تركت ديني هذا بشيء )، فلما رأت الجد أذعنت للأمر وأكلت وشربت على كره منها،

ونزل قول الله تعالى :"ووصينا الانسان بوالديه حملته أمه وهنا على وهن وفصاله في عامين أن اشكر لي ولوالديك الي المصير. وإن

جاهداك على أن تشرك بي ما ليس لك به علم فلا تطعهما وصاحبهما في الدنيا معروفا واتبع سبيل من أناب الي ثم الي مرجعكم فأنبئكم بما كنتم تعملون "

طبعا قصة سعد مع امه مثال علي بر الوالدين وحسن الخلق رغم انه كان حديث عهد بالاسلام ولكن فطرته السليمه وحسن خلقه
جعلته لا يتكبر علي امه باسلامه ولا يجرحها بقول او عمل ولكنه كان يشفق عليها بداخله ويدعوا لها بالهدي

ولكننا نجد في زماننا هذا ان الابن عندما يجد نفسه تقرب الي الله وزاد في الطاعات والعبادات وتأتي امه في موقف مثلا يتعارض معه في شئ يتعامل معها بأسلوب فظ وكلام جاح كأنه رأي منكر وينسي حينئذ حقوق الوالدين حتي وان كانا كفار اقتداء برسلنا واصحاب سيدنا محمد صلي الله عليه وسلم

صباح الخير

ام يوسف وبوتا مبروك النيولوك حمستونى اروح انا كمان اغير قصه شعري انا صبغته قريب احمر نحاسي بس مش عاجبنى عايزة اعمل هاى لايت

حبيبه اوسو حلوة الخلطه بتاع النمل دى هجربها

كنوزة عودتى احمد على الحمام ولا لسه الموضوع ده شاغلنى اوى

ام سوسو ان شاء الله تاخدو التاشيره قريب ربنا يسعد ايامك

رونى عمورة عامل ايه

اللهم اكفني بحلالك عن حرامك واغنني بفضلك عمن سواك


كاميرا فيديو ربنا يسهل ولادتك ويتمم حملك على خير

لميا تروحى وترجعى بالسلامه ياقمرر

باقي البنات صباحكم ورررررد