السلام عليكم ورحمة الله وبركاته
بجد بحبكم كلكم ربنا ما يحرمنا من بعض انا داخله علي السريع عايزه اقول حاجه
انا والحمد لله فاقده التركيز تماما بجد والله تصدقوا اني بقرا الصفحه اكتر من مره وبرضو مافيش تركيز طبعا ده كله من الضغوط
لا وكمان لختي كلمتني امبارح علي النت وقالتلي حاجات تتعب نفسيا اوي عن بابا وتفريقه بينا وبين اخواتي الولاد
ههههههههههههه يالا بالمره عشان يبقي من كله بس تعرفو والله حاسه بنقطه في قلبي مضيئه حاجه كده جوايا
مخلياني هاديه ومبسوطه انتو عارفين دي علاقتي بيكم والله مش كلام ده احساس الحمد لله انا حاسه بيه

نفسي اكتب لكل واحده منكم كلام كتير بس مش عارفه بجد يا ريهام اوعي تزعلي يا حبيبتي امبارح لما قريت كلامك قلت اكتبلك عشان موضوع التسنين والانجليش ونسيت خالص
والنهارده قريت تقريبا روني بتسأل ام سوسو عن سما بنتها استغربت هي سما مالها ولما رجعت لقيتها كانت كاتبه انها تعبانه ربنا يشفيها ويعافيها يا رب
معلش يا حبايبي بجد انا حاسه اني ببذل مجهود فزيع عشان احس ان حياتي ماشيه كويس واني قادره اتحكم فيها
دعواتكم لية ولو حد عندوا حل او اسم دوا معين للتركيز يكتبهولي وجزاها الله خير
يالا هروح انام دلوقتي طبعا انا وجوزي بقالنا يمكن 3 ساعات كلام ومناقشه ويوسف بالعافيه نام من 5 الفجر وانا هموت واشوف السرير معلش دوشتكم بس هي فتره وهتعدي ان شاء الله

امبارح بقي كنت عند ماما و حصل موقف من جوزي و تطور الوضوع لما روحنا و فضلت اعيط طول الليل و الصبح و عمال يحاول يصالحني بس انا مش قادره اسامحه و معملتش حاجه ف البيت و نزلت الشغل متأخر و مش حضرت و لا فطار و لا عشي ليه و ليا كمان

معلش يا مي
ربنا يرحم جدك و يدخله فسيح جناته

ام سوسو
مخدتش بالي ربنا يشفي بنتك يا رب

ام يوسف
ولا يهمك يا حبيبتي المهم انتي عامله ايه مع جوزك دلوقتي انا بس كنت بسأل لان محمد عمال يزن كتير و عاوزني ابقي حطاه ف حضني علي طول فقولت يمكن بيسنن بس البنات بيقولوا مش ده السن اللي الاطفال بيسننوا فيه هروح للكتور و اطمن ان شاء الله

ميرو
انمتي ما مضتيش حضور هناك المهم ربنا ينصرك ان شاء الله

الصفحات بتفتح عندى بصعوبة وكل ما اكتب حاجة تروح



الاول صباح الفل

هكتب تانى من اول وجديد

ورده روقي شويه وحاولي تفوتي انا حسه انك وجوزك قاعدين لبعض عالواحده

دموع مطنشاني يا جميل كتبتلك الملف اللي فات ومردتيش والنهارده داخله لا سلام ولا كلام ماشي يا ستي سماح علشان خاطر روان