اولا وحشتونى خالص
دى قديمة واكيد انتوا عارفيين ومش محتاجيين أقول
صح؟؟

بس برضو وحشتونى والله اوى اوى

اما بقى موضوع حامل دى أضربكم عليه يعنى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أتوا هتفولوا فى وشى ههههههههههههههههههههههههه

لا الحمد لله كدا تمام اوى بس انا اقر على بودى بس

حتى من فترة كدا كانت البلية لعبت ف عقلى وقلت قال اية اشيل اللوب وخلاص بقول لجوزى قالى لاء مش دلوقتى وبعديين تشلي وتأخدى اية غيرة سبية هو أأمن وسيلة خلاص فشكل برضو معندوش استعداد بصراحة انا اتلككت

يالا يفعل الله ما يشاء

اما بقى مستغفية فى أية فغالبا كدا فية ناس عافيين برضو هو فعلا فكرة موقع متخصص للطفل فى كل حاجة فى الدني
بس طبعا انا مش لوحدى فية ناس كثير بس برضو لما بس يكمل كدا بس نعلن عنه علشان يكون فى شكل رضى ربنا اولا ويساعد ناس كثير ثانيا

وان كنت عايزة اقولكم ان الشيطان طبعا موتر علاقتى بأبنى بشكل رهيب وبالتالى ممكن كثير اوى اقف ومعملش حاجة واقول اصلح معاه الاول

هو ذى ما انتوا عارفيينا لشقاوة كمان من يوم ما بدانا تعليم الحمام وهو متوتر ومشدود وعصبى جدا وبيتجنن لما يعمل على نفسة بس مش علشان عمل فى حد ذاتة لاء علشان مش عايزنى اعرف
وفى نفس الوقت انا برضو مشغولة جدا بالموقع و5000 كتاب مفتوحين جنب بعض ووقة هنا ورقة هنا ومجلة وافلام ما يعلم بيها اللى ربنا

لكن انا معتفة انى قصرت كثير حتى ف البيت نفسه مش عاجبنى حاسة انى عايزة اعمل تنظيف عميق مش عاجبنى خالص
وكمان علشان عامله رجيم فمبقتش اقعد معاهم على الغذا على السفرة وواضح ان مضايق جوزى وهو برضو مشدود وعندة امتحانات
بس انا النهاردة كنت عصبية جدا مع بودى لحد لا تتخيلوه بوض عندى البريود ومبتنزلش كالعادة حاسها فى جسمى ويدوب نقطة كل يوم الصبح بمعنى نقطة ودمتم
بس دى الفكرة

مكنتش ناوية اصدعكم فحالى ولا بحب اكتب لما اكون فى مود وحش كدا لانى بمر بلخبطة فى كل حاجة فى حياتى حتى فى علاقتى بابا وماما واخواتى كله فترة عجيبة سبحان الله

لكن حسيت انكم متضايقيين من عدم دخولى وذى ما بتقولوا كدا صاحبة الفرح ومش موجودة بس انا مبعتبرتش كدا والله كلنا واحد واكيد انتوا حاسيين بكدا


ادعولى واودعكم بأذن الله هتلاقونى معاكم على طول
بكرة بأذن الله هروح لماما وهاتكب لكم اكثر لما بودى يتلهى شوية مع اختى او ماما

بس ثقوا انى بحبكم اوى اوى وربما يعلم

السلام عليكم يا قمرات

انا داخله عالسريع وقلت اسلم وكان عندى سؤال وقلت اكيد البنات هنا هيفيدونى
انا عندى تلاجة نوعها كريازى لاحظت من اسبوعين ان الاكل بيكون مجمد في الارفف السفلى منها
مش عارفه هل المشكله في درجه الحرارة ام ماذا؟
وحبيت اعرف المفروض درجه الحرارة في الثلاجة تكون كام ؟

معلش مش بقدر اطول لان النت عندنا فاصل دعواتكم يرجع بالسلامة علشان اعرف ادخل واشارك براحتى

ازيكم يا بنات
يارب يكون يوم سعيد عليكم

ايمان وانتى كمان وحشتينا وربنا يوفقك


ام سوسو سلامتك ده من العضه

تودا وحشتينا
بوتا بارك الله فيك
ام البنات يارب يعينك وتبقى احلى عزومة واسهل
انجى ورشا ومنى ومى وا سهيله وعروس وام يوسف ورشا ام خالد وحبيبة اوسو ورانيا وكل القمرات كلكم واالله يارب يحفظ اولادكم ويهدى ازواجكم ويبارك فيكم

يلا ادعو لى ربنا يخفف الم رجلى وترجع طبيعيه

ازيك يا هبه

التلاجه كريازى الاكل بيتجمد عندى لما يكون لازق فى الارفف اللى من جوه

بس مش عارفه ازاى
يارب تكونى بخير

الحمد لله يا ولاء انا بخير

والف سلامة على رجليكى شفاك الله وعافاكي يا قمر

بصي هيا التلاجه المفروض انها نو فروست بس لاحظت مثلا انى حاطه تفاح في علبة التلاجة جيت ببص لقيت التفاح متجمد والعلبه فيها قطع تلج
مش عارفه ده من ايه؟
ولفت نظرى ان المؤشر بتاع درجة الحرارة بيتحرك بسهوله فقلت يمكن السبب درجه الحرارة اتغيرت

ربنا يصلح الحال

سلامى لكل البنات
بحبكم في الله وربنا يارب يجمعنا دايما عالخير
ودعواتكم ان النت ييجى بدل البهدله دى