يومياتى

يوم الخميس ........... قمت من النوم تعبانه اوى مقدرتش اودى ايمان الحضانه

فطرنا وبعدين طلعت فراخ من الفريزر للغداء

وبعدين جهزت خلطة المحشى وسلقت ورق العنب وقعدت لفيت المحشى
وبعدينا عملت الغدا .......... محشى ورق عنب وفراخ محمرة

دخلت ع الدولاب فضيت معظم الارفف بتاعته عشان اطلع الصيفى واعين الشتوى وافرز الباقى

رتبت منه شويه وايمان طبعا كانت هايسه ههههههههههههه وعماله تقيش كل الهدوم الى ينفع والى ماينفعش هههههههه

وبعدين هنجت خالص وظهرى وجعنى موووووووووووت

قلت خلاص....... بس خلاص ايه ............


لا لسه


دخلت المطبخ وكنت جايبه طماطم عملتها صلصه ولقيتنى بقه هقع من طولى

قلت كفايه كده وبكره اكمل

قعدت مع ايمان شويه نحفظ قرآن ولعبت معاها ع الكمبيوتر شويه واتعشينا واتفرجنا ع الكرتون مع بعض ونيمتها وقعدت انا شويه بعدها ونمت مهدوده

وبسسسسسسسسسسسسس

....................................................................

امبارح .......... قمت برده تعبانه ....... فتره الصبح دى بتبقى صعبه اوى عليا

فطرنا وقلت بقه تعبانه مش تعبانه هو الشغل هيعمل نفسه يعنى

طبعا اوضة النوم عباره عن سوق هدوم ......... دخلت الاوضه وعطرت الدولاب الاول وبعدين رصيت الهدوم وطلعت الهدوم الى مش محتاجينها على جنب وبكده الهدوم اترتبت كلها فاضل حوالى رفين كده هعملهم على رواقه ان شاء الله

وبعدين روقت الاوضه ونظفتها وكنستها وبس

نظفت اوضه ايمان تنظيفه حلوه وهويتها وشمست البطانيه ونفضت التراب

ودخلت بقه ع المطبخ ........ آه يا ظهرى

غسلت المواعين الى من بقايا الحرب .......... قصدى المحشى

ونظفته وطبخت الغدا

بطاطس باللحمه ورز بشعريه وكان فيه طبق محشى من اليوم الى قبله

وفضلت بقه وانا بطبخ اغسل المواعين اول باول والحمد لله على ما اتغدينا مكنش فيه مواعين خالص

جبت بقه المكنسه ولفيت الشقه كلها كنستها

وبعدين












دخلت ع الحمام بالفيبا والفرشه ودعكت الحوض والتواليت والبانيو والارضيه دعكتها برده بفيبا ومطهر وشطفت كل ده ونشفت الحمام

وبعدين أخدت شور محترم

والحمد لله كده الششقه تمام ناقص بس امسح المطبخ النهارده واغسل البوتاجاز

واتغدينا

وقعدت مع ايمان بقه اتفرجنا ع الكرتون واتكلمنا شويه ونيمتها وسهرت انا زى العاده

وجعت دماغكو ؟؟؟؟؟؟؟؟؟؟؟؟ كفايه عليكو كده

سلام مؤقت هقوم بقه اشوف حاجه اعملها

ام سهيله ....... ربنا يكرمك يا حبيبة قلبى ........... بس معقول تكون ولاده ؟؟؟؟؟؟؟؟؟:(

والف سلامه عليكى يا حبيبة قلبى وبعد كده خلى بالك ......... ربنا يسترها

ريهام .......... جزاكِ الله خيرا يا قمر وان شاء الله اطمنكم قريب وطمنينا عملتى ايه مع زوجك ربنا يهديلك الحال يا حبيبتى

بس يا ريت يا ريهام لما ييجى يصالحك ما تعمليش قلق لان ده هيخليه مع الوقت يطنش زعلك

لكن لما ييجى يصالحك صالحيه عادى وبعد ما تبقى الامور طبيعيه كلميه فى الى مزعلك بهدوء وكده تبقى انتى كسبتى من الناحيتين لكن لو رفضتى الصلح هو هيتضايق اكتر وممكن يعند بقه معاكى وانتى هتبقى متنكده

والموقف هيتوتر اكتر

فمعلش لازم نيجى على نفسنا شويه وبشويه دلع وحنيه تقدرى تعملى الى انتى عيزاه برضاه هو.:35:........ يعنى انتى ممكن تخليه يعمل الى انتى عيزاه برضاه من غير ما يحس ومن غير محايله منك بس بذكاء وطولة بال :27:

صدقينى هتفرق معاكى كتير

ربنا يصلح لنا ازواجنا ويهدينا ويجعلنا خير متاع الدنيا لهم .......... آمين

ام سوسو .......... الف سلامه عليكى يا عسل

كاميوة فيديو ......... منوره يا حبيبتى وبجد باين عليكى طيبه اوى وحبوبه ويومياتك جميله ماشاء الله

بس مش تغيبى علينا كده

باقى البنات كلكم بسلم عليكم واحده واحده :26:

ام مريم كويس يا حبيبتي انكم حددتم عشان تطمني وتهدي شويه قوليلي اخبار روما ايه

لميا يا قمر الف سلامه عليكي يا حبيبتي هو الشعيرات زادت عن ما روحتي للدكتور ؟؟؟ طيب مش انتي بتاخدي علاج ؟؟ خدي بالك يا حبيبتي واعرفي انتي مع الدكتور الصح ولا لأ

توته انا رأيي لازم تروحي تكشفي وتعملي سونار وتطمني وتعرفي فاضلك اد ايه بالظبط

تودو جزاكي الله خير

نيرفانا الف سلامه علي ابنك اللهم اشفيه شفاء لا يغادر سقما وابقي طمنينا عليه يا حبيبتي

رشا ام خالد الف مبروك علي التجديد وربنا يعينك علي الترويق مش عايزه مساعده ؟؟؟؟

ام سهيله صباح الفل يا قمر اخبارك ايه دلوقتي

بوتا يا حبيبتي صباح الخير انتي صبحتي واختفيتي ليه

ريهام عامله ايه واخبار محمد ايه

لميا
ازيك و رجلك عامله ايه دلوقتي

توته
يا ريت الموضوع كان حاجه انا عاوزاها و هو مش عاوزها او حتي مشكله عاديه بس للاسف الموضوع كبير و مينفعش يتسكت عليه خالص

يومياتي

يوم الجمعه صحيت بدري و اكتشفت ان الساعه اتغيرت قولت كويس كان عندي خوخ عملت بيه حاجه كده زي بودنج بالشكولاته و طلع حلو و لذيذ و بعدين جبت الهدوم من المنشر و طبقتها و حطيت لكل واحد هدومه و بعدين حضرت لجوزي الفطار و انا اكلت قطعه من البودنج ده و بس و اخدت استاذ محمد حميته الحمايه التمام و اخدت شورخفيف كده و بعدين كنست البيت و غسلت المواعين و مسحت المطبخ بالحيطان بالرخام بالجاز علشان عندي نمل كتير جدااااااااااااااااااااااااااااااا و مسح باقي البيت و عملت لحمه بمرقه جديده بطريقه هنديه و كانت لذيذه و مغذيه و عملت جمبها بسله بالجزر و ارز و اتغدينا و نمت شويه و بعدين محمد صحاني قعدت معاه شويه و بعد كده قمت عملت مواعين الغدا و بعدين دخلت اخدت الشاور التمام و مسحت جسمي بزيت بيبي اويل و قعدت لحد ما استاذ محمد حن عليا و نام الحمد لله و جيت انام لقيت جوزي جايبلي السندويتشات اللي بحبها علشان اتعشي المهم اتعشيت و نمت و صحيت بدري طلعت هدوم الخروج الصيفي و حطيت الشتوي و عملت لمحمد اكله و اخدناه علشان نطعمه قالولنا انهارده اجازه و بعدين جيت الشغل








انا بقي عاوزاااااااااااااااااااااكم تلحقونييييييييييييييييييييييي حاااااااااااااااااااااااااالا
الصبح لما صحيت لقيت النمل جوه التلاجه مع اني لسه ماسحه البيت كله بالجاز تخيلوا جوه التلاجه ملموم علي فطيره كنا هنفطر بيها تخيلوا علي الفطيره دي بس اخدت الفطير طلعتها و مسحت باب التلاجه و المكان بتاع الفطيره بالجاز و مش عارفه اعمل ايه عاوزه حل ضروري