------------

صباح الخير علي كل الحلوين
ام البنات الحمد لله ان عزومتك تمت علي خير وكمان مبروك ان ورق بنوتك خلص

لميا كويس انك بداتي بالوصفه يالا قوليلنا الاخبار ايه

ام يوسف ايه لسه مع الكليماري كلي بسرعه وتعالي طمنيناانا لسه واكلاه يوم الجمعه بس جاهز واعتقد انه بس كان ببصل وطماطم ومحطوط في الفرن لكن ماما كانت بتحطله بقدونس

ميمسي معلش يا جميل ان شاء الله مامتك ربنا يصبرها بس خدوا بالكوا منها خصوصا في رمضان لان المناسبات لما بتعدي علي الواحد بيفتكر الذكريات فيها اكتر

ميرو لما فتحت الرابط جالي ذهول حسيت ان علي النظام ده محتاجين تفرغ جسيت اني محتاجه اعيش لوحدي عشان اعرف اعمل كل اللي مطلوب

عروس انا اقدر مسالش عنك يا جميل بس دخلت الصبح وقلت انت اكيد لسه معادك بعد الغدا وبعدين قعدت اكلم ماما طول الليل

ام سوسو صباح النشاط ماشاء الله عليكي ربنا يقويكي ويقدرك يا جميل انت فعلا بتدينا شعلة نشاط لما بتقرا يومياتك

انجي ايه الاخبار طمنينا عليكي ان شاء الله تكوني احسن

وكل البنات ان شاء الله تكونوا كلكوا بخير

اه سؤال الغساله لما بحط فيها غسيل اسود بيطلع ملطش بفتل بيضا مع اني بحطه لوحده وكمان بفك الصفايه اللي فيها ديه وبنضفها فياريت حد يقوللي لو فيه حاجه او لو بتعملوا دوره بحاجه معينه لاني مش عارفه

مى وعروس ورشا رونى وام يوسف وام سوسو وريهام وكهرمانه وزوجه مصريه ودموع ورانيا وعطر اوعى تكونى اعتقلتى البنى ادمين الى عندك وكل البنات اخبارك ايه مى ربنا يصلح الحال لوالدتك مهما كبرنا فى السن برضه الاهل غالين
عندى صداع جامد وحاجه ورمه فى اللثه كانت صغيرة وكبرت واللثه منمله الموضوع الى قلتلكم ضيقنى وصدعنى وخالنى ادخل فى ذكر سيرتها ومخنوقه انا عزلت من مكان لماكن وكنت من احد الاسباب وسبحان الله برضه مش سيبانى فى حالى ربنا يهدى عبيدة الله يكون فى عونك ياعروس وزوجه مصريه بقالى فترة مجاليشصداع كنت نست المه ماسك من عنيا لحد رقبتى استغفر الله العظيم لى والوالدى واصحاب الحقوق على

رشا غسالتك الى بتفتح من فوق لو هى يبقى مش هينفع تغسلى الاسود او الغوامق فيها ولو اتوماتيك التقليدى شغليها بدون ملابس او مسحوق بكوب خل

السلام عليكم ورحمة الله وبركاته
اللهم اغفر لى وارحمنى وعافنى وارزقنى
اللهم اغفر لى وارحمنى والحقنى بالرفيق الاعلى
ام البنات بجد الملف من غيرك ناقصه كتير كنت قلقانه عليكى وتعبك بعد العزومه
لكن كله فى ميزان حسناتك ان شاء الله وموضع نقل الكلام والغيبه افضل حل
انك ما تسمعيش لل بتنقل لانك لازم حا تتكلمى وثوابك يضيع لان كل من يغتابك
يهديكى من حسناته
ام سوسو يومياتك ما شاء الله والتغيير بيجدد النفسيه والف سلامه على البنات
شربيهم ليمون وعسل وقبل النوم تدهنى صدرهم بزيت زيتون دافىء
حا يناموا نوم هادىء بدون كحه ومقالاتك كلها جميله وان شاء الله اجرب
الصلاه فى الظلمه وربنا ينور قبورنا جميعا بالعمل الصالح ويجعله روضه من رياض الجنه
عطر الف سلامه عليكى شوفتى نتيجة الاحلام
الموضوع بسيط مش محتاج دكتور فى دهان حلو جدا من اول دهنه بيجيب نتيجه
لكن الجميل فى الموضوع انى مش فاكره اسمه خالص معلش الزهايمر
وعلاجك تنشيف بين الاصابع بعد الوضوء
ام يوسف ما تسليقيش طبعا الكاليمارى ومش بياخد وقت فى الفرن
انا بعمله بصله وتوم وطماطم معصوره وجزر مبشور وشبت او بقدونس
ليمون وتوابل وزين بسيط تقلبى كله على بعضه وتغليه على النار عشر دقائق
وبعدين تغطيه بفويل على الفرن تقريبا نصف ساعه
وجربى الوصفات مضمونه جدا
تادو الحمد لله ان الوصفات عجبتك واى استفسار انا تحت امرك
رشا يارب تكونى اطمنتى على ماما وحاولى اغسلى الغسيل الاسود على الظهر
اقلبى الملابس قبل وضعها فى الغساله لان لو فى فتل حا تكون متجمعه فى الظهر
والوش نظيف واتكدى من الجيوب ممكن يكون فيها كلنكس هو ال بيعمل فتل
منى بتغمرينا كلنا بحنانك واهتمامك جزاك الله خيرا والحمد لله الصداع احسن
مى شفط البطن جميل جدا انا استمريت عليه فتره ممتاز النتيجه مش بتظهر
بسرعه لكن لما بتنزل البطن مش بترجع تانى
ميرو انتى فين عايزين نطمن عليكى وفين الافتكاسات والسريع المريع
ربنا يفك كربك وييسر لك امورك
ورده القطه دى قويه ومشيه جوزها صح هى تنام وهو يشتغل وينظف
لو حيناها لازواجنا بكل ثقه حا يقولك هو انا قط
لميا جربتى التمرين ال قلت لك عليه مهم جدا تنامى على الارض
وترفعى رجلك على كرسى لمدة عشر دقائق بيقلل الالم جدا
بوتا موضوع خطف الاطفال جارتى بتحكى لى عن وحده هنا فى الكويت
وابنها اتخطف فى الاجازه ورجعت من غيره الولد كان نازل يشترى من السوبر ماركت
والام حالتها صعبه ربنا يصبرها
اهم حاجه الولاد ما تنزلش لوحدها ما يفتحوش الباب لحد ولما يكونو معامى فى مول
يكونو فى ايدك لانى سمعت ان حالات السرقه فى المولات كتيره
ربنا يحمى ابنائنا جميعا مع الدعاء والالتجاء لله هو الحامى
يومياتى رتبت البيت وكنسته ووضعت البطاطين والمخدات فى الشمس
وغسلت الحمام وعملت غدا تورلى ورز والتورلى كان برام فى الفرن
البنات ال عاوزين يخسو جربوا البردقوش قبل الاكل بيقلل الشهيه جدا
وخصوصا وجبة العشا مش حا تحتاجلى تتعشى بعدها
سبحانك اللهم وبحمدك اشهد ان لااله الا انت سبحانك استغفرك واتوب اليك