بيت العمر

522206

هذا مخطط لدور واحد
اول مرة ارسل صورة مادري طلعت او لا
اتمنى يفيدك

الله يجعله بيت عامر بالطاعه والسعاده والله يبارك لكم فيه ويحفظكم من كل شر

اهم شي لازم تقولين اول مساحه الارض ومساحه المبني عشان تعرفين كيف تقسمين


بالنسبه للغرف النوم حلو فوق بس نصيحه خلي لك لغرفتك زي السويت يعني غرفه ملابسك والحمام الله يكرمك وغرفه النوم وحلو لو تخلين لك صاله صغيره مستقله يعني اذا فيه اطفال كبار تاخذين راحتك في صالتك الخاصه والقريبه من غرفه النوم



الشي الثاااني نصيحه لاتحطين تلفاز بغرفه التووووم يكون التلفاز بصالتك الخاااصه



بالنسبه لتوزيع الغرف فوق كل غرفتين بينهم حمام الله يكرمك


وتكون صاله كبيره للجميع فوق وتحت
بالنسبه للغرفه الغسيل افضل تكون جنب غرفه الشغاله وتكون تحت افضل قريبه من المطبخ

خصصي دفتر واكتبي ووضحي بالرسم ان امكن حتي لو ماتعرفين ترسمين شخبطي
ودوني كل اللي تبين تسوينه في بيتك
واهم شي مواضع افياش الكهرباااء وايضا مواضع افياش التلفاز والاناره
وايضا ارسمي في هذا الدفترمحل ماتبين تعلقين البلازما وايش تحتاجين من ديكور خلف البلازما
وايضا بالنسبه للشبابيك فين موقعها سجلي تبين ترتبين غرفتك وغرفه عيالك وضحي
واكتبي مواقع المكيفات
يعني رسم توضحين فيه عشان بكره تقولي ياليت سويت مذا ولا سويت كذا فتكوني من بدري حاطه ملاحظاتك

بالنسبه للمطبخ فكرتك حلوه اتركي الطبخ في المطبخ الداخلي مع الحوض
واتركي برا الدولاب مثل ماقلتي
انتبهي لموقع المكيف في المطبخ اهم شي عشان تركيب الدولاب لاتندمين علي موقعه فتحه التكييف
الشفاطات الهوايه ايضا لاحظي وين موقعها في الحمانات والمطبخ حتي اذا سويتي التخطيط عند المهندس تقدرين عند التنفيذ تقولين ابغا كذا وابغا كذا من بدري

انتبهي لموقع حوض المغسله المطبخ فين تحطين موقعه وانتبهي للفرن وتركيب الشفاط الخارجي لازم يكون له فتحه خارجيه ويكون الشفاط قريب من الفتحه ويكون لبرا فتحه تهوئيه



مواقع السباااكه ايضا شوفيها وين تحطين البانيو ووين الكرسي ووين المغسله وكلها اكتبيها ودونيها من بدري

لاتنسين المخزن من اهم شي في البيت مهم لادوات النظافه


والله يتمم لكم علي خير


نصيحه الواحد يحب الالوان الجديده في البويه
بس لما تفكرين فيها هي حلوه بس صراحه اكيد الزوج ماراح يرضى نغيرها لانها غاااليه
انا بالنسبه لي احب التجديد يعني مااحب اجلس علي بويه وحده لمده ثلاث سنوات اذا كانت من النوع الرخيص وتقدرين تغيريها وتتجدد حياتك معاها هذا رائ شخصيااا وايضا لاتنسين ورق الجدران هناك عينه حلوه ممكن نحطها في الغرف مثال جهه البلازما ورق والباقي تكون بريه وهااااكذا


وبالنسبه للسراميك خذي الالوان المايله لدرجات البني الفاتح
السكري حلو جنان بس يبان فيه الشعره لو طاحت
وايضا ياسلام لو تاخذين السعر حق السيراميك سعر حلو مايكون غااالي لان اكيد بيجيك يوم وتقولين نبي افرش غرفه العيال عشان البلاط مو طيب لهم او او فعشان كذا خذيه معقول بالسعر وبعد فتره اشتري فلين طبي للاطفال وهذا تلاقينه عند السريع ويجلس سنين مايتغير بس هو في انواع انا اخذت اربع ملي تغسلينه بكلوركس وبالماااء يتجدد بس اهم شي لاتسحبين عليه شي ثقيل مره مع اني والله اسحب عليه الكنب الحمدلله ماانضر ولا انشق

لاتنسين اهم شي اهم شي المجاري الله يكرمك في بعضهم يحطون لك تسليك المواصير البالوعه مع مغسله اليد مع بالوعه الحمام مع بالوعه البانيو
انتبهي لهذي الملاحظه كذا ماينفع ماصوره المغالس الضيوف او العاديه الشخصيه تكون ماصوره وحدها تنزل
ماتنشبك مع بعضها ياليت بس اقدر اوضح لك اإن شاءالله تكوني عرفتي مقصدي


المطبخ اهم شي في المطبخ كثره الافياش ضروريه شوفي وين بتحطين ثلاجتك وفريزرك وغساله الصحون وافياش الفرن الماكرويف الخلاطات يعني ارسمي ودوني ملاحظاتك


والله معاااك
شكلي تكلمت وكتبت كثير وبجلس للصبح اكتب لك سامحيني على القرقره الكثيره
الله يجعله منزل الهناء