بيت المشب fireplace ....منقول

السلام عليكم ورحمة الله وبركاته

أعجبني الموضوع والفكرة جديدة وحبيت انقله للفائدة


موضوعي اليوم أو تصميم اليوم عبارة عن غرفة شتوية .. أو Fireplace
شبة النار بالشتا لذيذة .. ولها حميمية خاصة .. وأنا من النوع اللي لازم اصلح الشي
تمام التمام والا اتركه .. يعني البربسه ما أحبه ابد ..

المهم أنا عندي غرفة بالسطح مستقلة .. وعلى شكل دائري وحبيت إني استغله بشكل حلو
وبشكل يناسبني كمصمم ديكور ..
مريت لمحلات خاصة بالفاير بليس أو المدفأة .. وصلخوني باسعار مجنونة اللي يقولي
ب10 الاف واللي يقولي ب20 .. لا ويتشرطون بعد ..لازم افتح الجدار انا .. وامدد أنا
قلت أوريكم الشغل ..
وتركب راسي الفكرة الا اصمم لي فاير بليس وعلى مزاجي أنا وبسعر اقل بكثير
اللحين قلت لكم القصة تعالوا مع الصور .. وحبة حبة .. قبل وبعد ..
اذكروا الله .. واستمتعوا

اتصلت على عمال خاصين بالمشبات العادية .. الملاحق وبيوت الشعر ..
وجوا عندي وما هي الا دقايق الا النور يشع .



وبلش الزقرت البناء






كلها كم ساعة والبناء انتها ..



ثم دورت لي مبلط واتفقت معه .. وانا والحجر عشق وصداقه




ثم اتصلت بعامل الجبس .. وعطيته الفكرة .. والباكستاني فهم وش ابي
وقام يدهر



ثم جا الدهان ... وتعرفوني ما احب الجدران الملونه .. لون واحد وبس ..
الجدار أوف وايت والسقف ابيض .
خصل الدهان ..
واتفقت مع الباركية .. بس الغرفة الدائرية جننتهم ..





بعد ما أنتهى الباركية .. اتصلت على حبيب قلبي النجار الباكستاني ..
قلت له مرني أبي كم شغله منك .. وخليته يسوي لي كم إطار خشبي .. ويعلق لي لوحة
خاصة ان الحجر غير منظم المقاسات فلذلك طعمته بخشب أسود
ولاحظوه على حدود الفايربليس



واثناء هالمعمة .. رحت اختار نوعية الاثاث .. وكنت محتار وش اختار، ولا أبي شغل الكلسك
وخشبيات وزاويا قزاز والا مخدات أبو عصفور .. أو كنب يضيق المكان
وبعد تفكير وعصر مخ .. وعدة رسمات تخيلية
طلعت لي بتصميم يكون بين المودرن وبين البساطه وأهم شي يناسب .. وبتشوفونه تحت


برب لاحد يرد