هلا والله خواي احس اليوم متضايقه مررره
افكر بوضع بنتي اشوفها ماتحسنت مع العلاج الطبيعي والبكـــي ملازمها
يعورها لانها متصلبه
ابغى اعرف الي يسون لولادهن كم المده الي قضوها بعلاج الطبيعي
ومن متى لحظتم التحسن
والله من عمرها سنه ادهن جسمها بزيت زيتون وزيت خردل
بس مافي تحسن رجولها متصلبات وعلى شكل اكس يعني اشد نوع
اعذروني اردد الكلام اقول يمكن الي فات ماحد شافه
ياربي احس بوجع بصدري من قلت الحيله
الحمدلله على عطاه بس نفسي اسوي الي اقدر عليه
ماقصر معها اسوي مساج يومي بلبيت ويوم ورى يوم بمركز


تكفون افيدوني ودعواتكن الصادقه لاختكن الموجوعه

السلام عليكن ورحمة الله وبركاته ..


اذكركن ونفسي في هذا اليوم الفضيل (يوم الجمعة) :

بـــــــــ قراءة سورة الكهف
والصلاة على النبي صلى الله عليه وسلم
والدعاء في ساعة الإجابة

واذكروني بدعوة في ظهر الغيب

( اللهم احفظ بلاد الحرمين من كل شر )

تقبل الله مني ومنكن صالح الأعمال..


:26:

http://forum.hawaaworld.com/showthread.php?t=2950445

هلا وغلا

حبيبتي الصياح لابد منه

انا ولدي بديت معاه بعمر 8 شهور وماتتخيلين كيف كان يبكي لدرجة المعالجه كانت تقول لي ولدك عن عشر اطفال اسوي لهم علاج طبيعي وقلبي يتقطع على بكاه لدرجة اكثر من مره افكر ابطل علاج طبيعي وكان يغشى ويتشنج مع البكى ياخذ شهقه ويقعد ثانيتين ثلاث مايرد نفسه اموت من الخوف واقول بس تشنج بس الحمد لله يرجع بعدها بس صبرت وبدون مبالغه بس هالشهر يمكن من اسبوعين 3 هو اللي بدا يسكت مع المعالجه ومو دايم بس تراها حبه حبه اصبري ياختي والله حاسه فيك وداريه باللي تحسينه بس ربي ماابتلانا واختارنا من بين كل هالخلق الا وهو سبحانه عارف انه احنا قدها ونقدر شوفي ربي مايرزقنا شي الا واحنا قادرين عليه لانه هو وحده عارف كل واحد وطاقته وقبل كل شي استشعري ان ربنا يحبنا ورزقنا بهالرزق عشان تتضاعف حسناتنا بالصبر والمجاهد عشانهم..

ووقفي هالرسايل السلبيه اللي ترسلينها لنفسك موجوعه وضايق صدري لا قولي الحمد لله وراح تتحسن وبشوفها احسن عباد الله وبتعوضني ان شاء الله كل هالتعب اللي تعبته معها وتذكري انا عند ظن عبدي بي فظني خير وتخيليها تمشي وتلعب وربي ماراح يخيب ظنك..

انا دعيت بطلعة راس ولدي وانا اولد بان ربي يبلغني فيه امام للحرم وقارئ لاتضحكون علي تكفون جتني ايام ابليس يلعب براسي وبس ابكي واقول بنفسي وييييييين امنيتي ووين ولدي واصيييييح اخر الليل واقول يارب عوضني بغيره بس الين جتني رساله عن الخيال قبل النوم هي من كلام الدكتو سلمان العوده او عائض القرني مني متأكده وبرضو عن الدكتور اللي سوا دراسه عالمساجين المحكوم عليهم بالاعدام وكان الزبده من الكلام ان الواحد اذا تخيل كل الجسم يستجيب للخيال وفعلا قول الرسول فيما معناه لاتتمارضو فتمرضوا وكان كلام الدكتور العوده او القرني انه الساعات الاخيره قبل النوم تتحكم بمجريات اليوم اللي بعده فاحلم بكل ماتتمناه من خير ليتحقق باليوم اللي بعده فماتتخيلون قبل انام ايش اتخيل...
اتخيل فروس رجال بدقن وثوب قصير وغتره من غير عقال يسلم على يدي وراسي يااااالله ماتدرون قد ايش تغيرت حياتي وانا بس احلم قبل النوم بولدي وامنيتي انها متحققه والحين زدت اصرار انه يكبر ويصير زي مااتمناه اول اقول ربي يرزقني بولد سليم غيره ويحقق امنيتي بس ان شاء الله وبإذن الله مو محقق امنيتي الافروس حبيبي..

قرفت حياتكم بالكلام بس من جد بنات اتركو عنكم الرسايل السلبيه والحزن وتذكروا رحمة ربي واسعه فينا وفيهم ولاتيأسون اكبر شرف لنا انهم شفعاء لنا بإذن الله يوم القيامه يارب لك الحمد...
مغروره لاعاد اشوفك متضايقه انا عارفه تجينا لحظات ضعف بس احنا هنا لبعض كل وحده تقوي الثانيه وربي معانا ..

الله يجزاك الجنه ميالة الخير كلامك كالبلسم

والله ياختي اني مومنه بقضاء الله وقدره
بس كلام الناس يوجع لما يدقون تلفون علي يقولو شخبار بنتك المعوقه
قلبي يتقطع هي موب عوقه تفهم وتضحك وكلش فيها زين عندي امل انها بتمشي
حتى التشنج مايجيها بس الي مقلقني انو ابوها مسافر وانا نفسي اعالج فيها
ولا بيدي شي وهو مو متفرغ مشغول
والله اخواني موب مقصرين بس تعرفون المسئوليه صعبه
والميزانيه لها دورها

الحين الطب تطور يبغى الي يدابك فيه ولا يستسلم للمرض
الله يسخر لبنتي يارب

يارب تشفي عيالنا يارحم الراحمين