السلام عليكم ورحمه الله
اخباركم يارمولات واخبار عيالكم
انا لي فتره مادخلت هالتجمع كانت تمر علي ايام صعبه وللحين والله مريت بمشاكل مع قريبي لاني وكلته وكاله عامه كنت وقتها ماعرف وش الصح من الغلط ومحد نصحني اغير الوكاله وجت زوجي الله يرحمه حقوق من دوامه وسالت قريبي هل فعلا وصلت قال ايه قلت ارسلها لحسابي وزعل وتلفظ علي بكلام جارح وهددني بس لاني طالبت بحقي وحق اطفالي
وقال شققي الوكاله وصبرت وسكت والحين ناويه اغير الوكاله واوكل احد غيره بس اخواني وخواتي وامي كلهم رفضوا يقولون كذا بتزيد لمشاكل اكثر وماراح تنحل مشكلتك معاه واحنا نبيكم تتصالحون اذا سحبتي الوكاله بتزيد المشكله ويقاطعكم اكثر
بس هو عصبي وممكن بلحظة غصب يسوي شي غلط وقلت لهم هو قال غيري الكاله قالو بس لانه كان بلحظة غصب والحين صليت استخاره كم مره اني اوكل احد غيره عشان مصلحتي انا وعيالي بس متردده مدري اسمع كلام اهلي ولا اغير الوكاله محتاااره وهم عارفينه عصبي يحاولون يقنعوني انه ماقصر معاك ومع اطفالك كان يساعدني بالمحاكم والبنك وطلع لي صكوك بس الحين بعد ماعصب علي وهزئني لاني طالبت بحقنا خفت من المستقبل وخفت على عيالي صح ماقصر س ممكن بلحظة غضب يسوي شي غير متوقع حتى لو كان اقرب قريب لي خصوصا انه على قد حاله وساكن باجار
هو رجع الفلوس حقتنا بطلعة الرووح بعد ماتدخوا الرجال بالموضوع .. وش رايكم يارمولات تنصحوني اغير الوكاله او لا
انا فكرت اوكل اخو زوجي بس اخواني رافضين يقولون توكلين الغريب واخوانك موجودين وعلى فكره الي انا موكلته هو اخووي الله يسامحه

ام افنان يالغلا الله يربط على قلبك ويصبرك على مرارة الايام

بس انا من رأي ابد مااعمل وكاله عامه لــ اي احد كان عملتي له وكاله خاصه فقط بااستلام او مراجعه اما وكاله عامه اكبر خطأ

استخيري الله وتوكلي عليه وادعيه بااخر الليل انه يخرجك من دائرة الحيره ويختار لك اللي فيه الخير والصلاح

وهذي اموال ايتام اللي ياخذها له اثم كبير

الله ييسر اموري وامورك

والله ياختى وكلى الى تعرفين انه يخاف الله وبعدبن انتى ماقلتى غلط انتى طالبتى بحقك وحق عيالك وهو يعنى مايعرف انك بتحتاجين فلوس ومصاريف والدنيا غلى والاطفال يبقون مصاريف ماتنتهى ليه ماتسوين الوكاله لك وتتطلعين بطاقه وبطاقه للصراف وكل مااحتجتى تسحبين وتحاولى توفرين بمعرفتك ولاتحتاجى تتكلمى معاه كل مااحتجتى وانتى اتفاهمى معاه اول احسن شى والله انا مااثق فى احد

الله يعينك يام افنان ويكتب لك الى فيه الخير

الله يعينك ام افناان
حبيبتى الغى الوكاله
ووكلى واحد امين مومهم قريب اولا وبعدين اذكان عم اولادك مو غريب
وخلى الوكاله للمرجعه عنك وحقوق اولادك وراتب زوجك التقااعدى ينزل بحساابك
حسبي الله مااال ايتاام
لاحول ولا قوة الا بالله
والله معك