السلام عليكم
كيفكم يا جماعة أنا جديدة بألمانيا و لهلق حاسة حالي كتير ملبكة و لما لقيت هالملتقى حسيتو كتير ظريف و ان شاء الله بتضل بتواصل معكم اذا بتقبلوني .....
انا سورية من دمشق و طالعة مع زوجي لانو هو مبعوث دولة و عم يكمل دراسته
عندي ولد اسمو رفيق و عمره 11 شهر و مالي كل وقتي
انا خريجة عمارة داخلية من جامعة الملك فيصل بالسعودية و ربيانة بالسعودية و بحبها كتير و يمكن انتمائي الها متل انتمائي للشام اذا مو أكتر
نحنا هلق بمدينة بون و زوجي صار لو سنة تقريبا و انا من شهرين و نص اجيت لهون
حبيت البلد كتير و بون حسيتها قريبة للقلب و مو مستهجنة كتير بس بتضل مو متل بلادنا
لغتي ماشي حالها بمشي حالي بكم كلمة و هلق عم بدرس بالبيت عن طريق مواقع النت و زوجي بيدرسني منيح كمان أول بأول
بالاضافة للتلفزيون ...... يعني ماشي الحال بفهم 30 بالمية من الحكي و اذا انعاد ادامي ببطء بفهم 75 بالمية و بقدر عبر نوعا ما عن الي بدي ياه
هي عرفتكم عن حالي بالتفصيل و ان شاء الله تقبلوني معكم لان حبيتكم من مجرد قراءة بعض المشاركات
و بمناسبة رمضان كل عام و انتو بألف خير و ان شاء الله الله يقوينا على أنو نعمل جو رمضاني ببيوتنا و لو كان الجو براتها أبدا مالو علاقة و الله يعينا على الصيام و خصوصا الأخوات الحوامل و المرضعات الي أنا وحدة منهم ......
السلام عليكم
كيفكم يا جماعة أنا جديدة بألمانيا و لهلق حاسة حالي كتير ملبكة و لما لقيت هالملتقى...
فيه معلومات عن المستشفيات بميونخ