الى القاء:heart::icon35:

السلام عليكم : أشكركم أخواتي على هذا التجمع الرائع وأتمنى من البنات المقيمات بألمانيا مساعدتي في إيجاد أجوبة لأسئلتي .
أنا وزوجي نفكر في العيش في ألمانيا من أجل الدراسة( زوجي يريد الإختصاص في الطب) ولدينا بعض الإستفسارات
1- في أي مدينة يتجمع فيها السكان العرب ويمكن ممارسة الدين الإسلامي من غير إزعاج؟
2- هل يمكن للعرب أن يجدو فرص للعمل وهل هناك مشكلة من الحجاب في العمل؟
3- هل يتكلم الألمان العاميون اللغة الإنجليزية؟
4- كيف المعيشة من حيث آجارات المنازل وهل تختلف من مدينة لإخرى؟
5- كيف اللغة الألمانية صعبة ولا سهلة مقارنة بالإنجليزية؟
6- هل الجو العام مريح بالنسبة للعرب المسلمون؟

أرجو الرد ممن لديها الخبرة وعايشة في ألمانيا من فترة؟

لكم جزيل الشكر

دره

هلا بيج وبسي السيد
وياااااااااااااااااااااااااارب يوفقكم باموركم وطموحكم يااااااااااااااارب

بخصوص باي مدينه يتجمع العرب بيها
ماشاءالله العرب حاليا متواجدين بكل المدن الالمانيه
بس طبعا اعتقد حاليا عدنا بنات وازواجهم من الخليج هنا بالتجمع وهما هم بعد جايين للدراسه
بالنسبه للدراسه الجامعيه
يقال انو جامعه مونستر للدراسه ممتازه
اختي والحمدلله فيها ومرتاحه وهي تدرس طب اسنان
وبنت عمي تدرس صيدله في مدينه بين شتوتكارت ومانهايم
والحمدلله ثنينهم متفوقات وناجحات ومرتاحين بدرستهم

بالنسبه لفرص العمل بعد التخرج تقصدين
اكيد الشخص الطموح والي ما يحب يكعد بالبيت صدكي يلاقي الشغل وين ماكان
فاذا الرغبه بالعمل بلتخصص بعد التخرج اكيد وان شاءالله يلاكي العمل
بالنسبه للحجاب ماكو مشكله كناس يعني ما شفنا اي رده فعل مو حلوه منهم بسبب الحجاب
والي عدها شهاده ومعترف بيها هنا يعني عادلتها هنا تكدر تشتغل ومحد عليه بحجابها خاصه اذا رب العمل متفهم هالشي
ولو قليل اشوف محجبات لازمين وظائف
يمكن لانو مدينتي صغيره
بس اكو طبيبات اني اعرفهم بغير مدن محجبات والحمدلله

طبعا الايجارات عاليه وبكل المدن وهم بعد تختلف من مدينه لمدينه
المدن الكبيره والي تعتبر سياحيه تكون ايجاراتها عاليه وحتى اماكن التسوق بيها غاليه

اللغه الالمانيه والله الي حابب يتعلمها رح تكون سهله والي مو حابب يتعلمها رح يكول لغه تلوع النفس
بس اني احب لغتهم واشوفها حلوه ولو انها مو سهله
بس الشخص الجيد باللغه الانكليزيه تكون هله عليه اي لغه ثانيه يحب يتعلمها
ممممممممممممم

انكليزي
يعرفون اللغه الانكليزيه لكن ما يحبون يتعاملون بيها
لكن اذا اضطروا يحجون بيها خاصه مع الاجانب الي هما سواح او طلبه دراسه جدد فرح يكونون مجبورين ورح يحجون
واكو ماعدهم مشكله يحجون بيها برحابه صدر
يعني احنا اول ما اجينا كان الموظف الخاص بينا يحكي ويانا انكليزي وكان كلش حباب ومتفهم

بالنسبه للمسلمين والاسلام ووضعهم هنا
الحمدلله كلنا هنا مسلمات وما عدنا اي مشاكل والحمدلله يعني الجوامع مفتوحه وماكو اي ضغوط علينا واغلب العرب بناتهم محجبات
والاتراك يمكن اكثر
ويوم الجمعه شبابنا يروحون للجامع والحمدلله ويصلون صلاه الجمعه وبالعيد هم يروحون صلاه العيد

يعني ما شفت اني بالنسبه الي اي مشكله بخصوص حجابي وان شاءالله ابدا ما اشوف

ويااااااااااااااااااااااارب يريح بالكم هذا بالنسبه للشي الي اني اعرفه واذا انقبلتوا في مونستر اختي مستعده تعاونكم على كل الامور وتدللون
واي شي ان شاءالله نكون بالخدمه

الحقيقه اني اكثر مدينه حبيتها هي مونستر
مدينه جامعيه وحلوه
وشوارعها تذكرني بشوارع بغدااااااااااااااااااااااااااااااااااااااااااااااااد
واسعه ونفهه مثل شوارعنا ببغداد
اويليييييييييييييييييييييييييييييييييييييي

الله يكتبلنا الانتقال الها اذا النا خير بيها

مشكورة أختي على المعلومات القيمة والله يريحك مثل ما ريحتيني ...بس حابة أسأل كم يطلع متوسط آجار البيت (غرفتين وصالة) باليورو ؟؟ وجزاك الله ألف خير
وأتمنى من الأخوات الأخريات اللواتي لديهن تجربة الإفادة بأرائهن بارك الله فيكم.