بلو وينك مش مبينه ,اكيد اليوم كان متعب

والله انا اليوم صار معي فصل ,الله لايوري لحد ,كل جسمي مكسر وبيجعني ظهري ورجليه وايديه وكل شي في منهيه علي الاخر.اصلي روحت اعمل تسوق من الليدل واخدت معي ابني وبنتي ويييييييه علي الي صارلي اول شي سله التسوق تاعت الليدل كتير كبيره وانا ما انتبهت وصرت اشتري اغراض واقول بدي اتسوق لعشره ايام ,وعلي اساس انه بس احمل كيسين كبارووكان عندي اعتقاد انه في سيارات تاكسي قريبه من الليدل مش عارفه كيف خطر علي بالي وهو اصلا محل لتاجير سيارات وانا ملخبطه المهم انا اشتري اغراض واولادي ماقصروا يزيدوا والمهم اجيت احاسب الا اغراضي اخدت كل طاوله تاعت الكاشير لا وكمان ما كفت !!!!!ولما انتبهت جبت اربع اكياس من اكبر حجم وقلت لنفسي يلا بركب تاكسي وحطيت الاكياس في عربه التسوق وطلعت ورايحه اخد تاكسي وهييييييي مافي وشو اعمل وكيف اوصل محطه الباص بعيده شوي وفي اشاره مرور واربع طرق موصوله في بعض ومعاي اولادي والله كنت حابكي ,لاني مافي امل اقدر احملهم ,اتصلت في صاحبتي تبعتلي زوجها طلع بالشغل وهي اولادها مريضين ما في امل تساعدني ,وما في حل الا امشي بالعربه لحد المحطه واحط الاغراض هناك وارجع ارجع العربه للمحل ,والعربه تنحت بالمشي وانا اهري واعصب علي بنتي تمشي وكنت فرجه لكل الشارع والعربه ماترضي تطلع الرصيف يالله كانت لحظات صعبه ووصلت المحطه وكنت لازم اقطع الشارع والاشاره بعيده عني وقطعت الشارع بدون ما اشوف الاشاره ومعايه العربه واولادي جنبي وطبعا بنتي بتمشي اقل من مهلها ياربي ....وبعدين تركتهم عالمحطه مع الاكياس لوحدهم وارجعت ارجع العربه وكتير كنت خايفه عليهم وهم طبعا 5 و3 سنين باعرف انا مجنونه بس ماعرفت كيف اتصرف والمهم اجا الباص بعد 20 دقيقه ولما نزلت حرامممممم حملت ابني اخف كيس وصار يسحبه عالارض لانه بدي خمس دقايق لاوصل البيت والمهم ارجعت بعد اصعب موقف بجد مر عليه ,وطبعا ما احكيلكم قديش الاكياس كانت تقيله وانا بالمره ما بقدر احمل وهلا كل جسمي مكسر من التعب وكل مفاصلي بتجعيني ,الحمدلله الي مر اليوم علي خير

مساء الخير يا صبايا كيفكم
كلارا كيفك اسكتي من امبارح وضغطي عالي وكثير خفت خصوصا انه زوجي مش موجود وضليت طول اليوم تعبانة بس نايمة يادوب اودي الاولاد وارجع انام مع صداع بس هلقيت الحمدلله حاسة حالي احسن انتي كيفك وكيف الاولاد بدي احكي معك بس ما بلاقي وقت مناسب

يافوية يسلموا ايديكي عالحلو انا بعمله بس اسمه ليالي لبنان والطبقة اللي تحت بتكون بسكوت واخر طبقة بحط قشطة وبتطلع كثير زاكية

ام نور واسراء كيفك حبيبتي سلامتك وشكرا عالتنبيه احنا كمان مددوا الاجازو خميس وجمعة يعني راحة شوية

موني وينك اليوم ما طليتي الله يعطيكي العافية

بيهاند كيفك ييجي جوزك بالسلامة ان شاءالله

جيزانية وربوش وكل البنات كيفكم

اهلين بلو ,ان شاء الله حيجي بس اربع ايام وبعدين حيرجع,وسلامتك من شو تعبانه

يييييييييه يا بيهايند على هالفصل الله يكون بعونك والله كثير صعبة الحمدلله اللي وصلتي بالسلامة بس تعرفي كان ممكن تتصلي بتاكسي ييجيكي كان ريحتي حالك بس خلص الواحد بيتعرض لمواقف اكثر من هيك في الغربة حصل خير هلقيت بدك راحة يومين منيح اللي في اجازة علشان ترتاحي شوية

الله يسلمك يا بيهايند والله ما بعرف امبارح تعصبت شوية وبعدين حسيت حالي تعبانة وقست ضغطي لقيته عالي