احساس رسامة والله انا زيك دورت عليه في المحلات التركية حتى العربية ما لقيته عندهم يمكن انتي تلاقيه في محل عربي انا بحب احطه مع الحلويات

هلا بنات
الف سلامه عليكي يا بلو
والله الاولاد بدهم مربيه خصوصي بس لالهم
وعن جد زي ما حكت بيهايند بتعلموا كثير شغلات وسخه من الروضه

الله يعطيكي الف عافيه يا بهيايند
يالله حبيبتي مشان تعرفي قيمة الرجال بحياة المراه
الله يحميهم كثير شايلين حمل عنا
انا عملتك هاي مستحيل اعملها
يمكن اجيب بس الضروري لاني بكرعه اشي اسموحملان ومشي خخخخخخخخ
على كل مرقت على خير
وديري بالك على ابو الاولاد لما ييجي دلعيه اخر دلع ههههههه

كيفك يا احساس وكيف صار ابنك بالروضه
والله بنتي هاريينها
كل اسبوع ركورس اللغه يعطوها ورقه مليانه كلمات ولازم تحفضهم
واكيد صرت احفظ انا وهي
ما عندي علم اذا الكريم كراميل موجود عند الالمان
انا بجيبه معي من الاردن او احيانا عند الاتراك بيلتقى

موني يعطيكي الف عافيه
يالله هالاجازه منيحه بترتاحيلك شوي من المشاوير

والالمان معطلين الله يكثر اعيادهم
اتوقع باعتقادهم اسمو هيمل فارت
يوم ما طلع المسيح للسما
الله ياخدهم وياخد اعيادهم

سلامي للجميع

والله اولادك شكلهم شطورين ,انا مشكلتي بس مع الصغيره عنيده جدا وقويه وودايما لازم تعمل مشكله باي موقف من لاشيئ المهم تعمل مشكله وتصير تصرخ,ان شاء الله بكره بتهدي .بي بجد اصعب شي الطفل العنيد صدقي لو اما بعرف منيح الماني كان استشرت حدا هنا ,بس لغتي علي ادي .المشكله انها بالروضه وعند كل الناس بتكون ميه الميه بس معي انا وابوها غير

اهلين ام نور واسراء .والله حبيبتي اكيد عرفين قيمتهم بس بجد لما يغيب الواحد بيحس بقيمته اكتر,,,,,بعدين هو الي لازم يدلعني مش انا بيكفي اني اتحملت مسئوليتهم اسبوعين ولسه كمان بدي اتحمل
وبجد ديروا بالكم الاولاد بالروضه بيتعلموا اشياء جدا وسخه وخصوصا الاولاد اكتر من البنات والله مره ابني اجي قرفان من الروضه وقلي شو صار اشي بجد مقرف وعمري ماتخيلت هيك الصغار هان ,طبعا ما بقدر احكي شو هي الحركه بس بجد اشي فظيع ,والحلو في اولادي انه كل شي بيحكوه

والله يا بلو شكلك متلي
انا كمان بدي اولادي يمشوا متل المسطره
وكثير بنسى انهم صغار وبدهم يعيشو حياتهم
واكيد كل شي بتصرفوه وبعملو بختلف عنا
يعني انا اذا اكلنا بضل مراقباهم مشان ما يخبصو بالاكل ويلعبو فيه
لانو لو راحو عند ناس بيصيروا يتصرفوا هيك بقلة ادب
ودائما المحرمه بايد كل وحده مشان تمسح اللي بتكبو على نفسها او على ايدها
وعلى طول غسيل الايدي اكيد قبل الاكل
واجباري وخاوه بعد الاكل ههههههههههه
بعرف انهم اطفال ولازم اتركهم بحريتهم بس بتعرفو بحس الازولاد هون
اذا اعطيتيهم عين بتمادوا
مشان هيك انا ماسكه العصا من النص لا برخيلهم عالاخر وكمان ما بشده كثير
بس هاد كلو يا عزيزتي يا بلو بعملو بدون انا ما اعصب واجيب الجلطه لحالي
لا بكل هدوء واذا اضطريت بضرب ولا اني انا بفقع
لانهم بالاول وبالاخر محتاجين النا اكثر شي
ولا سمح الله لو بيصير للام شي بيضيعو الاولاد

ديري بالك على نفسك عزيزتي وعلى ولادك
وربي يحميهم ويهديهم ويبعد عنهم كل شر