مساء الخيييييير عليكم كيفكم جميعا ان شاءالله تكونوا بخير
صارلي ساعة بقرأ الردود ماشاءالله
والله يا بنات مش عارفة الفترة اللي فاتت ما كنت بفضى ابدا ومشغولة مع اهلي خايفة ما يقدروا يسافروا وقاعدة على اعصابي وفي نفس الوقت مليش مزاج هيك الجو عامل اكتئاب مستغربة كيف جيزانية بتحب هالجو نيالك انا ما بكون مبسوطة الا اذا شفت الشمس وخايفة هالسنة ما نصيف زي الناس

موني كيفك هاتي فنجان قهوة انا زمان ما كنت اشرب لا قهوة ولا شاي بس هلقيت صرت لازم اشرب كل يوم فنجان او اثنين قهوة عربية الالمانية ما بحبها وعلى فكرة اثبتت الدراسات انه القهوة الها فوائد كثير عكس ما بنتصور يعني اشربي وخذي راحتك بس ما تكثري خصوصا القهوة الالمانية خفيفة يعني مش زي قهوتنا

بيهايند كيفك الله يجمع شملك مع زوجك قريب وترتاحي والله يعينك عالموقف اللي صار معك عنجد الواحد بيكون خايف وعلى اعصابه من غير شئ اذا كان لحاله يلا الحمدلله حصل خير وماشاءالله على بنتك امورة بنتي الصغيرة كانت جنبي وشافت الصورة بتقولي هذه انا هههههه بس شو حلمتي فيا ان شاءالله خير

ا م نور واسراء ويافوية وربوش كيفكم وبالنسبة للحلبة بعطيكم طريقتها بعملها دايما بنحبها كثير

كلارا كيفك ان شاءالله بخير ليش مش مبينة

بنات هذه طريقة الحلبة للي بيحب يجربها
اول شي بتغلي الحلبة عادي وبتسيبيها تبرد ضروري
نصف كيلو سميد وكوب طحين وتلاث ارباع كوب سمنة مع زيت
بتسخني السمنة وبتحطيها على السميد والطحين وبتفركيهم مع بعض وبعدين بنحط نصف ملعقة صغيرة بيكنج باودر وفانيلا ونصف ملعقة صغيرة خميرة و2 ملعقة اكل سكر وبنعجنيها بمية الحلبة وبنحط كمان ملعقتين من حب الحلبة المغلي وفي ناس بيضيفولها شوية ينسون مطحون وجوز هند على حسب الرغبة
بتفرديها في صينية وانا بحبها تكون رقيقة الحلبة وبتقطعهيها وبتدخليها الفرن وبس تطلع بتسقيها بالقطر وصحة وهنا

اختي يافاوية،
الله يشفيك يا رب، ويرزقك بالذرية الصالحة.
بس على فكرة القهوة على الريق بالعكس صحية ومش بتضر ابدا، لان بتعمل تسهيل خفيف للمعدة، والقهوة اجمالا مش مضرة متل ما منفكر، اول شي بتدوب الشحم، ومقاومة لامراض السرطان، وبتزيد الادراك.
والله وانا مدمنة قهوةـ، لكن القهوة العربية، اذا ما شربت قهوة، كل يوم بحس حالي نعسانة وما الي جلادة للشغل، بتصحصحني، اذا ما عندي وقت اغلي ركوة، بستسهل وبعمل قهوة المانية.

بيهاند ذا مون: ما شاء الله، بنتك متل القمر الله يحميها ويخلي لك اياها.
الله يطمن قلبك انا والله معلقة نواسة زغيرة للاولاد بتعطي الوان قوس قزح، ما بسترجي اتركهم بلا ضو بالليل، وكل يوم قبل النوم منقرا قرآن، كلنا معرضين للهمواقف. والله أنا خويفة كتير بس كون وحدي بالبيت بلف البيت غرفة غرفة وبقرا اية الكرسي عصوت عالي حتى اطرد الشياطين، وبعدان بيطمن قلبي.

أهلا بلو سكاي، الله يطمنك عن أهلك يا رب، فعلا بس تكون الدني مغيمة بتطبق عالقلب، وبشعر بالكآبة.
وشكرا على الوصفة ان شاء الله منجربها.

صباح الخير صبايا كيفكن
سامحوني انقطعت يومين سافرنا في الفوخن اندي على برلين نفسح الاولاد شوي حاكم انا وجوزي مدمنين دوارة
بس ادقيش الي بالمانيا هي اول مرة بروح برلين وحلوة كتير واكتر ما يميزها العرب الموجودين هناك حتى اسماء المحلات العربية مكتوب باالعربي عليها وهلكنا من الدوارة امبارح رجلي ما شالتني من التعب
ما قدرت اقرا كل المشاركات شكرا ام نور على سوالك خلص الي بيتعود عليكم ما بيقدر يقطعكن وانا متل ما قلت روحي كتير رياضية مع اني في مشاركة انقطعت من مشاركاتي من المفروض كان تقطعوا كل المشاركات مو نص ونص وللاخت بيهاند حقك علي اذا زعلت انا اعتبرت انه العتاب على قدر المحبة وان شاء ما بيدخل شيطان بينا

كيفك بلو رحت عند الدكتور لركبك ولا لسة طمنينا عنك شكرا لسؤالك
متل ما قلتلك كورس الكمبيوتر اخد نص وقتي 5 ساعات يوميا حابة اعمله بسرعة هيك وبدو 6 شهور
طبعا النص التاني للاولاد