blue sky صح كلامك بالنسبه للجنسيه ,انا كنت فاهمه غلط وسالت زوجي قلي مش مهم الضريبه ,وانه لو كان دافع ضريبه لمده 60 شهر بيصحلوه يقدم للجنسيه ,وبعرف انه بتطلعلنا احنا بعد 6 سنوات يعني علي حسابهم فاضل النا سنتين ,الله ييسر وباسمع انه بون اسهل مدينه في اجراءات الجنسيه ,وقوليلي شو بالنسبه لبريطانيا انا بعرف انه بس خمس سنين ,شو الي عقدوه معلش قوليلي اصله احتمال نروح هناك بس مش واضح كمان شهر بتتوضح الامور ,وادا عقدوها خلينا هان احسن

moony,والله الاولاد معقديييييييييييييييني وجننونيييييييي وبنتي الكبيرة جايه عندها صحبيتها تنام عندها اليوم ,وبتقولي بدها تيجي الاسبوع الجاي كمان صاحبه الها عشان تنام شوفتي بالله,وانتي كيف اولادك اكيد مبسوطين بهالجو ,على فكرة انا بنتي وابني بيطلعوا لوحدهم يلعبوا بره وكل الصغار زيهم بس انا مش عجبني الوضع بس شو بدي اضطر اطلع معهم وانا مابحب ولانهم ما بيقتنعوا بساعه او تنتين لا بدهم طول اليوم

شوفي احنا اجى لزوجي السنة اللي فاتت عقد على بريطانيا في جامعة مانشيستر ومركز يعني وقررنا نروح هناك قلنا اللغة احسن والجنسية اسهل بس سبحان الله بدينا باجراءات الفيزا وخذي التعقيدات لازم يعمل امتحان توفل ومعدل عالي مع انه يعني عرض من الجامعة بس عمل الامتحان وكل شئ وانا بالصدفة كنت ابحث عالنت لقيت القوانين متغيرة بالنسبة للجنسية بعد 5 سنين بتاخذي الاقامة الدائمة والجنسية حاطين من 6 ل 10 سنوات وهم بيقرروا على مزاجهم الموضوع يعني ممكن تاخذيها بعد 6 سنين وممكن بعد 10 سنين انتي وحظك وغير هيك ال kinder geld ونظام التامين المانيا احسن وبتدفعي هناك ضريبة بس ملكيش نفس الانتفاعات اللي بياخذوها المواطنين يعني شغلات كثير خلتنا نفضل هان خصوصا انه ضايلنا سنتين وبنقدم عالجنسية قلنا ليش نروح نبدا من اول وجديد لانه الجنسية احنا ضرورية خصوصا اذا فكرتي تروحي تشتغلي في بلد عربي سبحان الله مرت ايام صعبة كثير وكنا محتارين كثير وبس ربك سهلها وقررنا نضل هان وكمان الاولاد قلنا خلص تعودوا وصاروا يتكلموا منيح اللغة

بنات بدي اروح اعمل فطاير جبنة وزعتر للعشاء اتفضلوا

blue sky وحتي انا زوجي صحله عقد عمل بس مش في جامعه في مؤسسه ,ومركزه كتير حلو بصراحه ما كان يتوقعه,وبصراحه الراتب كمان كتير احسن ,وحكينا اللغه كمان احسن لانه بنستفيد منها بعدين وكمان في مدارس اسلاميه كتير بالمدينه الي رايحينها ,بس لسه الموضوع مش اكيد وانا كمان محتاره وبقول نضل هان واتعودنا علي الوضع وكلها سنتين وبناخد الجنسيه بس زوجي كتير متحمس ومتشجع لبريطانيا وبيقولي كل الي هناك عرب ومدارس اسلاميه يعني لو طولنا مش مهم ,والله محتارين ومابعرف اعتقد نفس المؤسسه هيا الي بتطلعله تصريح العمل والاقامه وهو متاكد من هدا الموضوع ومحتارين ,وكمان انا بعرف انه هناك متلا التامين الصحي للكل ,بس مابعرف بالنسبه للكندرجيلد وهيك شغلات ,وهو راح يعرف كل شي الشهر الجاي حيسافر بريطانيا وبعدها بتكون الامور اوضح النا ,والله هاليومين في حيره كبيره وهلا زوجي بيسعي يطلع تصريح العمل وكمان متغلب مع هالالمان ,طيب هان كمان في ضريبه ولا هناك بندفع اكتر ,انا اداشفت الوضع مش كتير مشجع حافضل نبقي هان