والله بنات انا مو مختفيه
بس شوي اليوم شفت حالي احسن شوي
لان طول ما عندي تحسس ما بقدر لا اكنس ولا اعمل شي
قمت عزلت البيت
ورحت امبارح اشتريت طاولة سفره مع كراسي
كانو مرخصين
يوم السبت عندي كمان عزومه
والله محتاره شو اعمل
ها جيزانيه طمنينا شو عملتي
انا اشوف اريح شي المشاوي
لانو زوجي اللي بعملو
انا بس على التتبيل خخخخخخخ
بدي اريح راسي من الشغل
والجلي عالجلايه بالنهايه وكان الله بالسر عليم

موني يلا تعالي ياريت والله على حسابك كل المناقيش مع احلى كباية شاي انا جهزت العجينة والحشوة بس بستنى تتخمر شوية واقوم اشتغل
ام نور واسراء اخيرا ظهرتي كلامك كثير حلو بس بيخوف والله زي ما قلتي يا مهون وهم صغار واذا كبروا بدك تلاقي طريقة تحكي معهم وتقنعيهم واهم شئ وهذه نقطة مهمة انه الام والاب ما يتخانقوا قدام الاولاد فسلوكنا ينعكس على الاخرين فما بالك على اولادنا

طيب بالنسبة للقصة اللي قلتيها يعني حتى لو بدك ترجعيهم عالبلاد بعد ما يكبروا مش حتقدري لانه بتكون الحكومة مسانداهم وما بتقدري تفرضي عليهم وين يعيشوا
على فكرة انا هان شايفة نماذج ماشاءالله عائلات اجت هي واولادها هلقيت الاولاد كبروا وماشاءالله عليهم دين واخلاق والله كانهم متربيين في بلادنا يعني الواحد بس يزرع بيحصد ويتعب عليهم وهم صغار وان شاءالله نلاقي ثمرة تعبنا والهداية من رب العالمين

هلا بلو
والله ماحبيت اخوفكم بقدر ما ناخذ العبره من غيرنا
نحاول نتعلم من كل شي نشوفه قدامنا
الله يخلي ولادك ويحميهم
والف صحه عالمناقيش
على اي فرن بتعمليها العادي والافرن للخبيز مخصوص


الواحد بس يزرع بيحصد ويتعب عليهم وهم صغار وان شاءالله نلاقي ثمرة تعبنا والهداية من رب العالمين

هاد اللي قصدته من القصه
واكيد حتى انا بعرف نماذج كثير ناجحه ما شاء الله

بس لنكون محتاطين لكل الامور

تسلمي يا أم نور على هالكلام ... عن جد معك حق قبل ما تصير كل هالمشاكل يرجع الواحد لبلده وبعدين انا كتير قصص سمعتها وديما على فكره وبكون السبب ديما الأهل والجهل بالتربيه .. بعدين فهم الدين بطريقه خطأ فهم بعقدوا الولاد ما بفهموهم صح !!!