كوبونات الراقية تسجيل الدخول

alfurkan2
alfurkan2 •
جيزانيه في المانيا جيزانيه في المانيا :
اهلين فرقان لا تطالعين بهذا ولدك يطلع ينط نط مثله اخبار الحمل معاك
اهلين فرقان لا تطالعين بهذا ولدك يطلع ينط نط مثله اخبار الحمل معاك
طلعت ومشي الحال الله يستر :)
الحمل بسلم عليك والحمدلله الوضع صار احسن
وينك ماسمعنا رايك بالنقاش بينتي بس وقت الاكل :42:
سلامي الك :26:
rabbouche
rabbouche •
klaraa2 klaraa2 :
صباح الخير صبايا شو ما حدا حابب يشاركنا عن موضوع تربية الاطفال والله انه موضوع مفيد كتير بيهاند وينك شغلت التجمع حبيبتي ورحت ههههه اعطونا رايكم باقي الصبايا بلو كمان رايك كمان ممكن يفيدنا ما شاء الله عليك ربوش وفعلا غريب اولاد الالمان اهدا من اولادنا وبيستجيبوا للاوامر بسرعة وكتير تاثرت بعد ما قرات القصة يعني الاهل بيفكروا بالغصب انهم بيحببو الاولاد وهنن بيكرهوهن الله المستعان يعني لازم الاهل ياخدو براي الاطفال بكل شى والله انا حتى لبس الاولاد بسالهم شو بتريدوا اشتريلكن وبحاول اامنه الهم وان كان غالي بستعيض بشبيه وبحطهم بالصورة وبشاركهم بالخطة الاقتصادية تبع البيت وحتى حفظ القران باخد رايهم نحفظ ولا لا طبعا لما حببتهم بالقران ما رفضوا يعني المهم لازم ناخد راي الطفل بكل شى وبالنسبة للبلاس لازم يعرف انه تنتهي حريتك عندماتبدا حرية الاخرين وومو نكفر كل الناس لانه الكفر والشرك مو لاهل الكتاب مرة سالني ابني انا مسلم بدخل الجنة طيب انا زعلان على رفيقي هو مو مسلم قلتله وان شاء الله تكون اجابتي اله صحيحة مين قلك انه بس المسلمين بيدخلوا على الجنة هو حباب ولطيف وبيعرف الله وكل الانبياء ممكن يدخل على الجنة وبالاخر الله يعينا على اسالتهم يسلموا على الكعك ربوش هي اكلة لبنانية صح ؟
صباح الخير صبايا شو ما حدا حابب يشاركنا عن موضوع تربية الاطفال والله انه موضوع مفيد كتير بيهاند...
اهلا كلارا، والله طريقتك حلوة بتربية اولادك الله يفرحك فيهم يا رب وتشوفيهم بأحسن المراتب.
لازم نحط أولادنا بالجو ونفهمهم شو عم يصير، حتى يقدروا وضع اهلهم، والله اليوم الي بكون مشغولة بس بدي نيم الاولاد بقرالهم عالسريع الفاتحة والاخلاص والمعوذات، بعيطلي ابني وبيقلي ماما سبح باسم ربك الاعلى، ما تتصوري فرحتي كيف.
نحنا العرب ما شاء الله عنا جينات رهيبة (ههههه) بتلاقي اولادنا شاقين الارض وطالعين منها، بينما اولاد الالمان كلمة Nein من أهلهم خلص بيسكتوا وبيقتنعوا.
الله يوفقنا ونربيهم ويكونوا اولاد صالحين.
اه هيدا الكعك لبناني، بس في سوريين بيعملوا منه باعتقد، يمكن حسب كل مدينة، معقولة أهل حمص بيعرفوه!!.
alfurkan2
alfurkan2 •
ربوشة
تسلم ايدك
بس ليش سيارة ابنط طالعة بالصورة هههههههه متل عندي االعاب ولادي العفو ممكن تلاقيها بالحمام هههههه
ياستي هالكعك مابعرفه انا مابعرف اذا مدن تانية انا من حلب هلا بتنصدم كلارا ههههههههههه
انا بعمل واحد بس بالسميد مو بالطحين وبحطله حبة بركة ويانسون ومحلب وشومر وملح وكمون بطلع كتير طيب معروف عنا بكعك العيد بكون مدور وهي صورته
rabbouche
rabbouche •
alfurkan2 alfurkan2 :
طلعت ومشي الحال الله يستر :) الحمل بسلم عليك والحمدلله الوضع صار احسن وينك ماسمعنا رايك بالنقاش بينتي بس وقت الاكل :42: سلامي الك :26:
طلعت ومشي الحال الله يستر :) الحمل بسلم عليك والحمدلله الوضع صار احسن وينك ماسمعنا رايك بالنقاش ...
أختي سمالي:
يعني اذا بتحسي ابني يتضايق لما تقري له القرآن، قبل ما تبدأي بالقراءة ممكن تغني له أغنية اطفال وتسايريه شوي وبعدان مهدي الموضوع وقولي له مثلا: يلا ماما بدنا نقرأ القرآن حتى ربنا يحبنا وينبسط منا وينجحنا بطريقة حلوة وان شاء الله بيقتنع
وبالنسبة لمسألة الهاريبو، بعمري ما اشتريت منه لأولادي، وكل الشغلات الي بشوفها عبارة عن صبغات وألوان ما بدخلها البيت، وعودت اولادي على هالاساس، حتى اولادي ما بياكلوا منهم ولا يتسلطوا عليهم اذا كنا في السوبر ماركت.

هيدا موقع ديني كتير مهم اذا بتحسي حالك بتضيعي بالمواضيع الدينية بين الصح والغلط:
http://www.islamweb.net/mainpage/index.php

وان شاء الله المسا بكتبلك اسماء مواقع حلوة للاطفال ودينية.

أم منى
الله يخلي لك ولادك ويكونوا من الصالحين باذن الله.
يعني اخواتهم وولاد عمهم الالمان، بيمارسوا ادام ولادك عبادات معينة، يعني بيصلبوا او شي؟؟
rabbouche
rabbouche •
alfurkan2 alfurkan2 :
ربوشة تسلم ايدك بس ليش سيارة ابنط طالعة بالصورة هههههههه متل عندي االعاب ولادي العفو ممكن تلاقيها بالحمام هههههه ياستي هالكعك مابعرفه انا مابعرف اذا مدن تانية انا من حلب هلا بتنصدم كلارا ههههههههههه انا بعمل واحد بس بالسميد مو بالطحين وبحطله حبة بركة ويانسون ومحلب وشومر وملح وكمون بطلع كتير طيب معروف عنا بكعك العيد بكون مدور وهي صورته
ربوشة تسلم ايدك بس ليش سيارة ابنط طالعة بالصورة هههههههه متل عندي االعاب ولادي العفو ممكن...
الله يعافيك يا الفرقان، ما شاء الله صورة كعكاتك بتشهي، يلا بدنا الطريقة.
بالنسبة لسيارة ابني، ما تسألي كل النهار لملم اللعب من ورا الاولاد، هالكيني.
وكلارا حلبية طلعتوا بلديات هههههه.
في عندي صاحبة لبنانية امها سورية، مرة اتجادلت انا واياها ساعة، انا قول لها انه المرقد لبناني، وهي تقولي لي انه سوري، وما عادت تقتنع لان امها حمصية بتساويه. فقلت ربما أهل حمص بيعرفوه.