حبيبتي انا كمان بنتي عمرها 3 سنوات و نص و ما بتحضر غير براعم و mbc3 ولهلا ما فاتت ع الروضة و مو قلقانة ابدا لأنو في جماعة من الاردن اجو السنة الماضية وبناتهم اكبر هي صارلهم سنة بالروضة و بلشو يحكو الماني لاتقلقي على بنتك راح تتعلم بس انتي حاولي تخليها عل العربي بالبيت مشان ما ضيع العربي

هلا بنات
كيفك اختي اكرام واختي توته
ما تخافو بيتعلمووووووووووووووو
وانا بناتي هيك ما يحكو الا عربي بالبيت
بس حكولي انهم رح يمشو مو مشكله الطفل بيخزن وبعدين بيطلعهم مره وحده

انا اليوم كان عندي موعد مشان كورس اللغه
واتفاجا اللي بيقابلنا اني مو عامله كورس وقدر يتفاهم معي
قام شو حكالي انو ما رح يعملي المنوندلش
بدو يعملي اختبار كتابي واذا نجحت رح يحطني بمسوى الصف الرابع
بس المشكله بناتي فين بدي احطهم
والله انقهرت قلت فرصه بدل ما اضل سنتين هاي الدوره بس 5 شهور
شو اعمل احكولي
زوجي صعب يضل معهم

سلامي للجميع
على فكره انا كل اللي تعلمتو من الانترنت
انا مو لبلب بس تمشاية حال
وبعرف اقرا منيح واكتب
اخ خخخخخخخخخ والله قهر
لو اشحنهم عند اهلي هالفتره ولادي
هاي احدى مساوئ الغربه
لما بتحتاجي تحطي ولادك بمكان ما بتلاقي


جيزانيه حبيبتي امانه ما تواخديني ما سلمت عليكي
كيفك وكيف ولادك
بس توني جايه قلت اخبركم واخد رايكم

سلام

السلام عليكم ......كيفكم بنات

بالنسبه للغه صدقوني ما في داعي تقلقوا لانه الاطفال ما شاء الله بسرعه بيتعلموا وبالبيت دايما بس عربي وهم راح يتعلموا الالماني بالروضه انا الي 3 سنوات ونص ولمده 3 سنوات التلفزيون دايما جزيرة او براعم واولادي صار الفصحي عادي عندهم وبيفهموها ميه بالميه ,وما في عندي الي بنتي الصغيره الي بتحضر بس هاي السنه رسوم الماني ومصره عليه الله يهديها ما بترضي باي رسوم عربيه ,والاطفال بيختلفوا في منهم بيطولوا شويه وفي بسرعه ,انا ابني قعد سنه لحتي اتكلم الماني وكان بالروضه ,واما البنات بسرعه اتكلموا وخصوصا اصغر واحده طبعا ما بتحكي كل شي بس بالنسبه لعمرها ممتاز منها ,اما بنتي الكبيره ما شاء الله كانها المانيه من كتر ما بتحكي واحنا لما اجينا كانت 4 سنوات ومن اول 4 شهور صارت تحكب الماني ,وهم الاطفال لما يكونوا صغارما بيكونوا حاسين انه في مشكله بالعكس بيكونوا مبسوطين بالروضه وما بيحسوا بفرق
ام نور واسراء والله كتير منيح تدرسي الكورس ,خلص ابعتي بناتك عندي وما يكون عندك مشكله,بس ديري بالك ادا حيفوتوكي مستوي رابع لازم تكوني فاهمه القواعد مزبوط ,وما تفهميني غلط بس كتير بيكونوا يعرفوا يتكلموابس عندهم مشاكل بالقواعد ,صارت انه كانوا يفوتوا معنا بنات من مستوي تالت او رابع بس كانوا يتصعبوا من القواعد ,فانا بانصحك لو تحاولي تدرسي الكتب الي كانوا دارسينها بالمستويات الي قبل ,لانه حسب المدرسه الي درست فيها كانوا يركزوا كتير انه نتكلم قواعد مزبوط وصح ,وهي مش صعبه بس الواحد لازم يكون دارسها من الاول يعني بالتدريج لحتي يفهمها مزبوط ,وبالتوفيق ان شاء الله وكم عمر بناتك ليش ما تفوتيهم كندر جارتن او كرابل شتوبي للي اقل من 3 سنوات ,وبما انك راح تدرسي بيكون لبناتك الاحقيه انهم يفوتوا

هلا بيهايند
تسلميلي يا عمري ما تقصري والله
والله يا بيهايند حتى انا تفاجئت انا ما بحكيلك اني بعرف احكي منيح
لا والله عادي على ادي وبدون قواعد ولا هم
وانا بعرف انو لازم القواعد اهم شي
بناتي التنتين الكبار بالكندر قارتن بس مخلييتهم لل12 الضهر
والصغيره بعده ما صارت3
بس يمكن اطلب منهم يخلولي البنات لل4
والصغيره اشوف الموترتسينتروم اذا بيحطوها

والله انا قلت فرصه اشد حيلي فيها واخلص
لاني محتاجيتها للجنسيه
بتغلب لما انزل عالبلاد الا بدعوه

ربك يسهل عزيزتي والف شكر على تجاوبك معي

بالنسبه للقواعد عندي كم موقع ممكن استفيد منهم
على فكره انا مدرسة لغه انجليزي
مشان هيك شايف حالي ممكن ها ممكن يطلع مني شي ههههه
بكبر براسي شكلي خخخخخخخخ

ولو انت اكيد ادها يا ام نور ومدام انك متعوده علي اللغات يعني ما راح تتغلبي ,وقواعدهم مش كتير صعبه طبعا انا بخكي علي قد الي درسته 6 شهور ,وهدا الي بيطلبوه للجنسيه الي انا كمان محتجاها ,ولو فوتي من الرابع يعني حتكون دراستك بس 3 شهور واكيد بينهم اجازه خصوصا ادا درستي بvhs بيكون زي المدارس دايما اجازه ,وبالتوفيق ان شاء الله