ام نور واسراء :

السلام عليكم تسلميلي يافاويه كل ذوق والله عزيزتي بنوته تاكل توته ما في حواليكي صاحبات عربيه ياخدوكي من فين تنجاب هالاشياء يا ستي عندك الساه اوند اه كثير بتلاقي ملابس للاطفال بتجنن وحتى للوالده متل حمالات الصدر اللي بتنفتح مشان الرضاعه بالنسبه للفرش ممكن بالكاوف هوف جاليري تلاقي عنده وفي محل اظن اسمه تومي في كثير اغراض للبيبي وتاخدي معك عالمستشفى الله يقومك بالف سلامه اكيد لبسك انت من بيجاما للنوم وروب بيتي تحطيه عليكي لما بتطلعي من الغرفه وملابس داخليه وكثري منها وحفاظات لالك اذا كنت متعوده على نوع معين مستلزماتك الشخصيه من شامبو معجون سنان فرشاية شعر مناشف وبشاكير للبيبي الله يجيبه بالسلامه اكيد الملابس الداخليه اللي بتيجي متل الافرهول وبتتسكر اللبسه اللي بدك تطلعيه فيها عالبيت لانو طول ماهو بالمستشفى يضلو يلبسو من عندهم يعني لبسه وحده الو تجيبيها معك وبس جيبيلو جاكيت زغنون مشان اذا برد جيبيلوا كمان حرام مشان تغطيه وانت طالعه واكيد الكرسي تبع السياره اذا بدكو تروحو بالسياره اذا بالقطار او بالباص ماتنسي عربايتو الله يجيبو بالف سلامه خلي الكاميرا معك مشان تصوريه وصوري القسم والممرضات اللي تعبو معك انا والله كل ما بخلف بجيب هديه للمرضه اللي بتولدني لانهم ما شاء الله عليهم كثير بيحاولو يخففوا عنك وكثير حنونين شو زوجك بدو يفوت معك على غرفة الولاده والا بيخاف زي زوجي انا لوما صاحباتي بيجوا معي بيحكيلي مستحيل افوت معك لانو بيخاف بيفوت بس يسمع صوت البيبي الله يقومك بالف سلامه ذكرتيني بايام الدلع الحلوه وخليكي لحد ما يطروكي من المستشفى خخخخخخخ مشان ترتاحي لانو حتروحي على الشغل والتعب هاد كل اللي عندي واي شي بتزكروا بحكلك ياه اذا بدك ابعتيلي رقم تيليفونك اضل اتطمن عليكي واطمن البنات لما تقومي بالسلامه متى موعد ولادك سلامي للكل

السلام عليكم تسلميلي يافاويه كل ذوق والله عزيزتي بنوته تاكل توته ما في حواليكي صاحبات عربيه...