الله يوسع عليكم حبيبتي ..

لاتتهورين انتبهي يالغاليه
بالنسبه للديكور والسيراميك لازم يتكسر العمال ماعليهم منه عليهم انهم يسوون شغلهم ويروحون
و17 الف ماراح تسوي شي
بعدين انتي توك عروس وماعندك اطفال ليش كل هالهم
انا سكنت بشقه غرفتين ومجلس وحمامين ومطبخ صغير 14 سنه وجبت فيها كل اطفالي بعدين ضاقت علينا لان الاولاد يبغون غرفه والبنت تبغى غرفه والغسيل لازم له غرفه واغراض المدارس ولبس اطفالي
والى انتي ياعمري لسا ماعندك كل هالحوسه
اقول تعوذي بالله وانشغلي بشي ثاني واصرفي عنك ان البيت ضيق وصغير خلي تفكيرك بشي ثاني وتهني ايام زواجك

ترى ممكن تكوني محسوده والشيطان بيشغلك ويعكر عليك حياتك وان البيت صغير بس عشان ينكد عليك عيشتك
البيت على قدك انتي وزوجك

هههههههههه
تصدقين اني كنت احسب اني انا الي لوحدي تعبانه من بيتي طلع في احد مثلي تخيلي بيتي غرفتين نوم وصاله فقط لاغير الصاله والمطبخ ومخزن في بيت الدرج وحمام والغرفتين وحمام فوق على بالي مسوين فيها فله تعبت منها مره تحت مافي تهويه ابد مافي شبابيك والمطبخ فيه شباك ثابت ماينفتح يعني مأساه مابعدها ولابعد عندي بنت العابها واغراضها حوسه بكل مكان
يالله ربك يعين ويوسعها علي وعليك يارب...

ياحبيبتي احمدي ربك انا بيتي اصغر من بيتك بيتي غرفه نوم وغرفه استقبال وغرفه جلسه عربي وحمام واحد ومطبخ صغنوووووووووون مرررررررررررررررررره والغرفه مساحتها 4في 5 بس والله صح صغير وقبالي السطح وحراررره فظيعه وغباااااااااار بس الحمد لله مرتاح وعندي كمان اطفال واسوي جمعات في بيتي بس احس الضيقه مو في البيت الضيقه في الصدر


ما حبيت ادخل وما ارد والله يفك ضيقتك عنك

اختي حلو انه عندك سطح ممكن تسوي مطبخ بالسطح وتحولي المطبخ الداخلي لمستودع او غرفة ملابس
وممكن تسوي مضله حلوة بالسطح وتسوي جلسه و وتسرمكي الارضيه وتحطي اصص اشجار ووممكن جنب المضله تحطي اصص كبيره تزرعي شجرتين عنب عشان تتسلق وتغطي سطح المضله يعني تسوي حديقه بالسطح وممكن تحطي مكيف صحراوي يبرد لك الجلسه
وبعدين لاتضيق بك الدنيا ترى مدامك بصحتك وعافيتك كل شي يتدبر والاجار مهلك لنفسية الانسان
مانصحك تطلعين من الشقه انتي حاولو ا تجمعو فلوسكم بعدين سوي تعديلات كامله للشقه
انا صديقة اختي كانت زي وضعك ساكنه بشقه ظمن بيت اهل زوجهاوحابه تطلع لشقه اوسع لكن اختي نصحتها ماتطلع و اعطتها اقتراحات تعديليه للشقه طلعت شقتها تحفه وزوجها دائما يدعي لاختي انه غيرت راي زوجته وصرفت تفكيرها عن النقل ترى الاجار كريه ويجي الدفع باسوا الاوقات
والله يرزقكم من واسع رزقه