بيت ولا مشروع ...الله يخليكم يا مشرفات لا تنقلون الموضوع

السلام عليكم
الموضوع يابنات تعبني وما ادري من الصح ومن الخطا وايش التصرف الصحيح وكيف اسوي عشان انسى او اقتنع
لنا سنه ونص من يوم جينا على الرياض من جده على اساس بنشتري ارض ونبني وكان المبلغ حق الارض موجود لاكن ابو الشباب اصر انه يحطه في صيانه لمحلات تجاريه له في جده على اساس انها دخلنا الاساسي اللي تخلينا بنبني بيت وللأسف احوال المحلات بعد ما بعدما نقلنا الرياض صارت مترديه من سيئ لأسواء تعرفون العمال هاليومين نادر فيهم الامين خذوا راحتهم وكل واحد لعب لعبته ويستغل من جهته حسبنا الله ونعم الوكيل (هذا نتيجه طبيعيه عشان زوجي ما عاد هو المشرف على العمل حقه )والمال السايب على قولتهم يعلم السرقه مع اني قد نصحت زوجي وقلت له من اول بيع محلاتك وانقل نشاطك للرياض بس ما اقتنع يقول الشغل فجده احسن واخيرا اقتنع وفرحت قلت بيبيع المحلات ونشتري ارض واسمنا في البنك العقاري طالع من كم شهر وبنبدا نبني وباقي فلوس المحلات بيحطهم في محل متوسط يمشي الحال لاكن فاجأني انه حط نصف الفلوس في مشروع يعني الله يخلف على الارض ماعاد فيه اناه زعلت وعصبت وضاق صدري وقلت له ليش ما تفكر في بيت اول يعني حق المحلات مع القرض بالراحه بيجيب بيت متوسط مع العلم انه يستلم راتب تقاعدي حدود 55000 زوجي عسكري وطلب تقاعد مبكر عشان النظام ما يسمح العسكري يسوي اي مشروع تجاري واحنا صرنا عايله نحتاج بيت ملك الله لا يقدر حوادث الدنيا ماحد يضمنها تعبت من انتضار بيت ملك وهولا اشترى ولا احنا مرتاحين في بيتنا اجار والواحد مهما سوى ما يحس بأمان فالاجار ولا يقدر يسوي اللي يبي
والله مدري انتوا فهمتوني ولا لا احس كلامي مو موزون ولا مرتب
احيانا اقول بأزن عليه لين يسوي شي يا يشري ارض يا بيت واحيانا اقول يابنت وسعي صدرك وانسي وعيشي حياتك والسنين يا سرعها وبعدين يدبرنا بكيفه ببيت



شسوي انصحوني