بيجلطوني هههه

السلام عليكم
انا سلمكم الله عندي ثلاث إخوان ما شاء الله تبارك الله أعمارهم فوق الثلاثين بين الثلاثين و الأربعين اللي بالأربعين مريض و حالته حاله اما الاثنين الباقين صاحين ما فيه اصحى منهم مشكلتهم ما يبون لا الوظيفة و لا الحرمة! امي كبيرة بالسن و خلاص انتهى دورها أعتقد بعد ما بلغنا الثلاثين انا عمري الحين ٣٧ و لسة ما تزوجت لكن انا نفسي في طفل و الخطاب ما اقول ما فيه فيه بس انا اعسر الموضوع و اتظاهر اني رافضة! شلون اتزوج و اخواني حالفين مية يمين ما يتوظفون و يتزوجوا قاعدين على قلوبنا امي بترتاح في اخر عمرها و انا ابي اكون اسرة و هم قاعدين بالبيت لا شغلة و لا عملة! ساعات أحس أنهم يسوون هالشي عناد ، و الله ان اخواني على أخلاق بس ما يصلون و يدخنون انا استغرب هالسلوك منهم هم في حالهم بس لازم اساعد امي فيهم مستحيل اجيب شغالة و اتزوج و اخليهم مع الشغالة ثلاثة طالعة داخلة و بنفس الوقت ابي اكون عائلةردوا علي وش اسوي مع اخواني ورجاء ردود محترمة ما ني ناقصة ردود سيئة!
لا أحلل نقل الموضوع لأي منتدى آخر أو وسائل التواصل أو غيره