بيحصل لزوجي

بسم الله الرحمن الرحيم
والصلاة والسلام على خير خلق الله سيدنا محمد وعلى آله وصحبه أجمعين


ما أدري هل هو المنتدي الصحيح لطرح موضوعي لكن راح اطرحوا والله المستعان
زوجي في بعض الاحيان لمن يكون نايم تجيلوا كتمه لدرجة انوا مايقدر يقلب نفسوا عشان ياخذ نفس ولمن يصحى يقولي وانا ما أحس بيه
لكن هاذي ثاني مره بيحصل ليه أمر عجيب لمن يكون نايم يقول يحس انوا السرير يتحرك كأنوا في أحد بيطلع عليه
يقول أحسبك انتي او بنتي الصغيره لانوا بعض الاحيان تنام جمبوا الي يلاقي أحد ماسك كتفوا ومايقدر يتكلم أو ياخذ نفس ويقول ادف أحد من فوقي وما أقدر أدفوا ولمن بيدفوا يحس كأنوا أحد جسموا شعر وهو مو شايف أحد قداموا
وفجئه يقدر يقوم وما يلاقي أحد يقول بعدها الي أقدر أسمي وأقرأ بعض سور القرآن
مع العلم أني كنت نايمه عند أولادي عشان ولدي الصغير تعبان وما أقدر أجيبوا عندي عشان لايزعج أبوا تعرفوا عشان الدوام
أفيدوني اي الي بيحصل لأني راح أموت رعب