السلام عليكم خواتي
انا انشاء الله بتخرج السنه الجاية من الثنوي وداخله علمي
وادرس بالرياض
وناوية اشد حيلي ان شاء الله السنه الجاية واجيب نسبه
وانا بشد حيلي عشان ادخل اي تخصص ابيه
بس للاسف مافي شي ببالي ..
ياما وياما حطيت شي ببالي بس طلع في شي مايناسبني
وانا ودي ادخل شي يكون له مستقبل بحيث اني اكون اشتغل بالبزنس او
بمجال مهم باللمجتمع واكون متمتعه فيه
بس بعيد عن التدريس
فمره فكرت بالطب بس الطب مايناسبني لاني ضعيفه بالنسبة للأشياء الجراحية
وكمان مافيني حب للطب يجبرني اني اختلط برجال وبعدين بتصير فترة الجامعه كلها دراسه بدراسه وبتعزلني عن غيري بسبة الدراسة
و فيه وحده داخله علوم طبية مو طب اللي هو طب ومانشوفها خير شر طول الوقت تدرس فما بالكم الطب....
وبالنسبه اذا تخرجت لو كونت اسره اسرتي ماراح تكون مثل اي ااسرة لان دوامي بيأثر......... فالطب محيته
قلت العلوم الطبية ... تنقسم لاكثر من شي اظن صم وبكم و فيه اشياء غيرها ومن ضمنهم التغذية هذا لو درستوا واتخرجت بصير
اخصائية تغذية: وهي اللي تكتب للناس ريجيمات ..ومره عجبني هالتخصص وفكرت ادخله بس طلع اغلب دراسته لما سالت وحده درسته
انه كيمياء وانا الحمدالله ربي موفقني بالكيمياء بس ما اتمتع فيه اتغصبه تغصب فمحيته نفس الشي.......
وعلم النفس علم مررره حلو وانا ماعندي اي علم عن التخصصات اللي عندنا بالرياض
يقولون ان علم النفس له اكثر من تخصص ومن ضمنهم شي للي داخلين ادب وهذا اللي يدرسونه وشي اخر مناسب للعلمي حيث ان الوحده تصير اخصائية نفسيه على مااظن وياليت تفيدوووووووووووووووني بهالشي وتعطوني معلومات اكثر عنه وباي جامعه يدرس وكل شي عن هالتخصص لو سمحتوا .......
وانا مره شفت محاضرة بالتلفزيون بقناة سمارت وي لدكتور مصري
كان كلامه مره حلو.. وكان التخصص اللي يتكلم فيه هو
البرمجة اللغوية العصبية ... بس مره سمعت انه مو موجود للأسف عندنا بالرياض
وياليت تعلموني لو فيه تخصص شبيه له
حيث ان هالتخصص يتكلم عن الحركات الجسدية وعلاقتها بالحركات العصبية الداخليه على مااظن ........
وانا امنية حياااااااااااااااااااتي اني ادرس واصير وحده مهمه
حيث يكون لي مكتب اجلس عليه وراتب زين ودوام منظم ويناسب مجتمعي
فياليت تساااااااعدوني وتقولون لي عن التخصصات اللي عندنا بالرياض واللي تناسب اللي ودي فيه..........
ولو في وحده تشتغل بالبزنس او بشركه ولها مكتب وراتب زين مثل ماقلت ياليت تعلمني وش درست وكيف مسيرتها ...
والله يوفق اللي يساعدني وينيله اللي بباله ...
وانا ما ودي بصراحه على كل هاللهفه اللي فيني لهالشيء تنتهي بدراسه ماودي فيها او بقعده بالبيت ................
فاللللللللللللله يوفقكم ردوا علي وفيدوني
واسال الله العلي القدير انه يساعد ويفرج الكرب والهموم ويحقق اماني كل اللي يساعدوني
انا عنيت وكتبت ككل اللي عندي واخترت هالمنتدى عشان اكتب فيه لانه منتدى محترم بفعل أعضائة فاتمنى يكون ردكم لي بقدر احترامي لكم وبقدر اللي انا حاملته
اختكم ...lameees
lameees @lameees
عضوة جديدة
يلزم عليك تسجيل الدخول أولًا لكتابة تعليق.
كليه الطب وكليه العلوم الطبيه تخصصاتها مطلوووبه على مدى عشرسنين قدام ويمكن اكثر غير كذا وظايفها حاضره وتستناك بس تقدمين عليها اضافه ان رواتبها ممتازه
الصفحة الأخيرة
اول شي بيد الله لا بيد احد
تاني شي الله يوفقك و تنجحي بتفوق و تحققي امنياتك
اللي فهمته منك انك(في قرارة نفسك) حابة تدرسي شي لكن بالوقت نفسه مش عارفة شو
اهم شي بالدراسة اللي يجي من بعدها العمل انه نحبها و تكون عندنا رغبة قوية فعلا بفرع معين اكتر من غيره
نحن ممكن نعطيك اقتراحات لكن انت عليك فعلا تعرفي شو بتحبي يعني تصنفي العلوم او الفروع التخصصية هذا احبه و هذا لا احبه و تعطينا الخلاصة
مثلا انا انصحك باختصاص مطلوب للمحجبات و هو العلاج الفيزيائي لان واحدتنا لما تبغي تعمل علاج من هذا النوع تدوخ على ما تلاقي واحدة محجبة و هذا في له مجالات عمل واسعة وين ما كان و لو حالتك المادية جيدة تقدري تفتحي بحسابك
و لي رجعة ان شاء الله
و الله يوفقك دائما لما يحب و يرضى