بيرجعها بس عشان عيالها

السلام عليكم ..

بنات وحده من صديقاتي هي وزوجها بمشاكل دايم ..

وبسبب الشك .. هي فيها غيره وتشك فيه لدرجة انها تغار عليه من خواته وامه .. وتكره اهله من غيرتها .. وعلى فكره زوجها مطوع ..

وزوجها دفش يعني يفتقر للاسلوب شوي ..

المهم انه طلقها وبينهم اولاد .. وهو تعب وجاه السكر من كثر المشاكل ..

وهالحين يقول تبين ترجعين ارجعي بس عشان عيالك وماتطالبيني بشي بتعيشين في بيتك معززه مكرمه وكل طلباتك باجيبها بس ماتقولين وين انت رايح وين انت جاي ..


وانا اقول لها ارجعي .. احسن من الطلاق على الاقل عيالك ماينحرمون من ابوهم وبصراحه في بيتك تاخذين راحتك اكثر من بيت اهلك ........ وفي بيت اهلك مانتي ماخذه راحتك بتربية اولادك الكل بيتدخل في التربيه وفي بيتك انتي المربي الوحيد وبعدين انتي قادره على انك تغيرين من طبايعك معه وتخلينه يحن لك ويمكن ترجع حياتكم احلى من اول .. وبعدين ياما ازواج عايشين وصابرين عشان الاولاد ... وهي تقول لا مانيب راجعه .. مع انها ودها ترجع ..

وعدتها بتخلص ..


وشرايكم بنات احسن تتطلق والا ترجع عشان عيالها