بيسافر اندونوسيا(ساعدوني)

السلام عليكم كيف حالكم انا اول مره اشترك معكم لكن من زمان متابعتكم حبيباتي بدخل في الموضوع على طول مشكلتي ان زوجي يبي يسافر اكره بلد على قلبي وقلوب كثير من بنات حواء حسب ماقريت من مواضيعكم وهي اندونوسيا مع العلم ان تكلفه السفر كلها مهي عليه لان الديون غرقانين فيها بس مديره تبرعله بقيمه التذاكر والاقامه على ان زوجي يعرفه على واحد يبيع عود هناك لان زوجي قبل زواجنا سافر هناك وجلس شهر فعنده معارف المشكله يابنات انا ماني مرتاحه لهذي السفره وانا ماأيد ان المتزوج يسافر بدون زوجته غير كذ الي زاد خوفي ان زوجي يقول بتسلف فلوس عشان اجيب عود واتاجر به من قل العود في الرياض مع انه حلف انه ماعد يمد يده لاحد لاتقولون كلميه بهدوء لاني لو قلت ماني راضيه عن سفرتك عاند زياده لانه مايحب احد يفرض كلمته عليه وبيني وبينكم تعبت من المشاكل معاه طوال خمس سنوات وماصدقت اني ارتاح هالأيام بسبب انه كل ماقال شي وافقت عليه حتى لو قال ارمي نفسك في البحر سويتها انا احبه واموت فيه وهو بعد بس احيانا يحس اني بفرض كلمتي عليه عشان زوجه ابوه كانت كذاطولت عليكم بس اتمنى تقولون لي طريقه اخليه مايسافر بشكل غير مباشر وجزاكم الله خير:26: