السلام عليكم

والله دمعت عيني وعورني قلبي وتذكرت الغالي الله يرحمه ...الله يخليلك الوالد ويطول بعمره ويبارك فيه ويحفظه في حله وترحاله ...

احضنيه لما تحسين بطقطقة عظامه وعمرك ماراح تشبعين من حضنه الدافي ..الله لايحرمك منه ... وسويله كل اللي يحبه ولاتنسين تجيبين له هديه يكون اهو محتاجها ..محفظة أو شماغ جديد او اي شي ينلبس عشان يقول جابته بنتي فلانة ..أذكر ابوي الله يرحمه ينبسط مرة من الهدايا ويتباهي فيها قدام أهله ..آه ياقلبي الله يرحمك ويغفرلك ويرزقك جنة الفردوس الاعلي يارب

وسامحيني على القصور

موفقة يارب

كل ما اردت ادخل الموضوع ما اقدر اقوم واتذكر ابوي

اختي دينا 22
الله يوفقك حبيبتي وشكورة على ردكٍ
اللهم امين ومشكورة على هالدعاء
انا فكرت في موضوع الاكل وفعلا راح اعمله الي يحبه راح ارصى الاكل الله يكون في عونه بس في عملية الهضم
اما اني اهمز رجلينه والله فكرة جديد بذات لانه ما تعود عليها مني فراح اعمله له
والله انه راح يفرح فيها مرة
وعلى فكرة انتي ما تاخرتي هو اصل سافر ليلة الاحد يوم31/7


اختي لموية العسولة
الله يجزاكٍ خير
وما عاش الي ينزل دمعتك ويعور قلبكٍ
وانا اسفه لي اني جددت الحزن عليكٍ
مش اسمع طقطقة عظامة
ناوية اضمه ااقوى ماعندي
وبس الله يكون في عونه يوم يجي هنا رغم هو باقي له اسبوع وراجع
تدرين فكرة الهدية مرة روعة راح اشترك مع اخواتي واعمله


اللهم لك الحمد أنت نور السموات والأرض ومن فيهن، اللهم لك الحمد أنت قيوم السموات والأرض ومن فيهن، اللهم لك الحمد بالإيمان اللهم لك الحمد بالإسلام، اللهم لك الحمد أبدا،اللهم لك الحمد عدد كل شيء، اللهم لك الحمد كما ينبغي لجلال وجهك وعظيم سلطانك
اللهم اغسل والداي دينا ولموية العسولة بالماء والثلج والبرد ونقهما من الذنوب والخطايا كما ينقى الثوب الابيض من الدنس
اللهم جازهما بالحسنات احسانا وبالسيئات عفواً وغفرانا
اللهم اغفرلهما وارحمهما وعافهما واعفوا عنهما واكرم نزلهما ووسع مدخلهما
اللهم اجعلهما مع النبيين والصديقيين والشهداء وحسن اولئك رفيقا
اللهم وارزقهما الفردوس الاعلى من الجنة
اللهم واسكنهما فسيح جناتك

ادعوا يابنات لي امي وابوي عشان ربي يهديهم
وطبعا هم متخاصمين الان وممكن المشكلة الحالية توديهم لي الطلاق
وطبعا ابوي ما طلع مسافرة لتبوك طلع مسافرة لبلد تاني
وطبعا كلمني انا من قبل سفريته 4 ايام
وما كلم امي للاسباب انا اشوف انها مقنع بالنسبة لي
ما كلمها الي لمن كان له 5 ساعات على الرحلة طبعا هي واخواتي
وطبعا قلبت حلبة مصارعة مابينهم ولا قدرن نودع ابوي
الله يكون في العون بس
لو تبغوا احكي لكم المشكلة ما عندي ما نع
بس ما تبخلوا علي بالدعاء اني ربي يهديهم الي اثنين
ويسخرهم لبعض
وترجع المياه لمجاريها

عزيزتي ماريا

اذا انت زعلانة على فراق أبوك طاق فتأكدي إنه زعلان مئة طاق

عندي فكرة إرسلي له بعد مايسافر من جوال أمك رسائل حلوة بدون ماتدري الوالدة
مثلاً اكتبي له اشتقت إليك فعلمني أن لا أشتاق
أو مثلا اليوم تأكدت إن حياتي من غيرك مو حياة
ورسائل من هذا القبيل وكل هذا من غير ماتدري أمك يعني امسحي الرسائل المرسلة
هو بدوره راح يرد على أمك برسائل مشابهة وهذا يقرب بنهم أكثر وأكثر

وحتى لو مارد الرسائل هذي راح يكون لها مفعول السحر على قلبه

بالنسبة للأماكن الحلوة في تبوك كثيرة فيه حدائق لكنها عائلية
وفي أماكن حلوة مثل جبال رايس لكن ماتصلح في الصيف


لكن اللي يبغى يتونس صح يروح حقل وأنا متأكدة لو زار حقل ما راح يروح المرة الثانية إلا وإنتم معاه فيها شاليهات حلوة كثيرة بس أكثر شي عجبني شاليهات النورس وسعرها باليوم 500 ريال بس ممكن يوون تخفيض في بعض الأيام أيام الدراسة سعرها 200 ريال باليوم عبارة عن غرفة نوم رئيسية مع الحمام
غرفة نوم إضافية
حمام
صالة كبيرة
طاولة طعام
مطبخ كامل
تلفزيونين
رسيفرين
بلكونة
مسبح ( في الحوش )
مسبح في البحر
موقف للسيارة

جبته كامل ( لازم يسوولي تخفيض حق الدعاية )

ربي يرجعه لكم بالسلامة

الله يجزاكٍ خير اختي العمر احبك
ايه والله يوم نتصل عليه ما تصوري كيف يكون ملهوفة وتحسيه مشتاق لنا ويفرح من يسمع صوتنا انا واخواتي
بالنسبة لامي ما عندها جوال حتى لو كان عندها
فابوي فاهم امي
25 سنة زواج
يدرى انها ما تطلع هالكلمات ابدا بسهولة
واليوم الصباح كانت تكلمه عشان تخيره
يا يطلقها او يخلي الارض الي راح يشتريها
بس ما قدرت تكلمه عشان معاه اخوانه سكتت

على فكرة هو كذب علينا في موضوع السفرة طلع ما نوا رايح لتبوك راح على بلد تاني
عشان يشترى ارض لنا وياخذ جنسية
عشان مصلحتنا ومصلحته كذب فينا
بس امي مرة منفجرة فيه
على كل انا اسفة تعبتك معاية عشان توصفي تبوك
والله يجزاكٍ الخير