يالله ان تحيي هالخشش ...خشه خشه
برحب وبهلي ومنيب رافعه خشمي على اهلي وناسي حتى لو البس موف <<فاهمه غلط
سبحان الله مايتسلط الحتسي الا اذا اقبل زول الاختبارات ...
العطله جايه ..والعروس بتهل مثل المطر ..و سوق ومشغل وخياط وبالنهايه يخرب الفستان
سيناريو كل عطله لاتخلو من قطرة ندى وحش بعد العرس ومصوع بالظهر من قو التنكس ..ماقد شفنا خير تقل مطلوقين من سجن
مدخل
العرس
احس ذا الكلمه تطلع لي في كل مكان ...احاتسي صديقتي تبي تعرس
اجلس في عزيمه يحكون عن العرس
فلانه اعرست فلانه بتعرس فلانه تملكت فلانه مخطوبه اجل ماعزموكم لعرس آل فلان ..وش بتلبسون ..
عند عمانك وعماتك تسنعي عشان العرس
عند صديقاتك تميلحي وتدلعي عشان العرس
في بيتكم اطبخي وانفخي عشان العرس
تجلس في غرفتك لا لك ولاعليك تفتح النت ...يطلع لك عرس
اخاف انوم القاني اتنكس في عرس
كلن يبي يعرس...ياذا العرس ...اشغلونا عنده
ندري سنه الحياه عشان اللي وده يتفلسف يهون
ترى عادي اعرسوا بيديكم ورجليكم والله يخلي ماليزيا بعد العرس ...كل السعوديين هناك يارب يغيرون هالموضه ويدعسون لنيجيريا ترى التغيير زين
نجي للموضوع <<كل ذا وماجيتي
وموضوعي فيه نوع من الهجمات المرتده على كل واحد شايف نفسه ومصدق عمره
عاد طفح الكيل ...وشاب الراس من اللي اسمعه
وش ذا بناتنا عنسوا ..جاهم المرض..من زينكم يوم تتشرطون
شوفوا هالموضوع ماكتبته الا يوم قالت لي وحده من صديقاتي انهم يدورون بنت عشان يخطبونها لاخوها من سنتين وللحين مالقوا له
قلت لها الله واكبر عليكم سنتييييييييين !!! واخوك من زينه... يبي ملاك من السماء يومه يتنعفق سنتين...
...
المراد ...انها تدور فيذا الجامعه بدال ماتدرس اشتغلت خطابه على شارعين ...مابقى وحده ماخذت رقمها ...واحنا بس ضحك عليها ...اصلا بيزحلقونها هي واخوها ...
يعني اللي اعرفه اني اللي يتشرط يكون عنده مؤهلات تخليه يتشرط ...بس معليش كل قام يتشرط عز الله محد معرس
مسكتها على جنب وقلت لها يمي ترى شكلتس غلط وانتي تلاحقين بنات خلق الله ارسي على بر وزوجي اخوتس الله يشغل العدو اشغلتينا ...
بجد كل واحد و وحده بالشعب السعودي يبون ملك من السماء ينزل عليهم ...تراها تساهيل ..تسمح يسمح الله امرك
<<كيفني وانا انصح وشوله بيضاء ...شعر طويل ..وخشمها سلة سيف وعيونها مدري وشو ..ترى اهم شي الاخلاق يمكن شغالتنا ستي احسن من ذا اللي تبيها ...نظرا لاخلاقها وطيبتها ودمتم سالمين <<لاعمرك تحكين
شوفوا الحل واحد من اثنين يا انا نخربها ونتشرط مثلكم بالسنطي والملّي والا صبر جميل والله المستعان
<يقال حليتيها وترى محدن باغيكم دام هذا هرجكم
مخرج
******
حتى اليسا تأيدني ...يقطع اوم ذبة الوجه اللي عيلها
ابطال الفلم
اختبارات
هجمه مرتده
اخو صديقتي
سلة سيف
اليسا
واللى يتشرط هذا يطيح على خشته وياخذ شيفه ويطير فيها
قراءت مره عن شروط شباب بزوجه المستقبل
العجب بعينه
واحد يقول
ابيها عندها اخوان واجد
عشان يودونها ويجبونها
وانت وش حضرتك
والحين بزمن وارتفاع الاسعار
تغيرت نظره الشباب
يقولك ابيها موظفه
عوراء
حولاء
اهم شي موظفه
كلش زاد سعره بالبلد الا حنا يالحريم
رخاص
خذ زوجه والثانيه مجانا
الفضائيات ياوخيتى انا شاكه فيها
يشوف الشاب
بنات فديو ولد كليب
ويقول
يمه ابى مثل هذه !!
واكيد اهم شي الاخلاق وحب الوطن