الزواج الله كاتبه قبل يخلق الخلق ..
والعقليات في هذا الموضوع متفاوته ابناء اخوتي الابيض يريد سمراء
والاسمر يردها بيض سبحان الله وتزوج بعضهم واخذ الابيض السمراء
وعايشين حياتهم بسعاده مافي اشكال واعرف الكثير بنفس الطريقه
اهم شي التوفيق من رب العالمين ولافرق الحين البيضاء تدور شي يغمقها
والسمرا تدور شي يبيضها .. والشي راجع مو عشان الون المرغوب لا عشان التغير
بس وش الهدف من موضوعك ..وين تبين توصلين له!!
يعطيك العافيه
دمتي بود،،

اذكر مثل يقول
قولي بيضاء واسكتي وسمراء واوصفي
المعنى لما يجي احد يخطب بس قولي لهم بيضا مراح يسألونك كيف تقاطيع ملاامحهاا .بعكس السمرا
والزواج قسمه ونصيب والموفق ربك

مرحبا اخواتي
موضوع حساس شوي في مجتمعاتنا الشرقيه
مع العلم انا في دوله اجنبيه وهني يدفعووا مئات الدولارات لتسمير البشره
لان عندهم البياض ولاا يهـم... لاهو صغرا في البيض ولكن هذا الدارج عند الغرب
السمـر اكثر جاذبيه من البيض
وبالاخيـر مثل ماكلنا نقول هي الاخلاق اهم شي

:: انماريه :: :26:

صحيح كلامك .. للاسف رغم ان دينا جاء ليمحو التفرقة بين البشر .. الا ان هذا الشي للحين موجود .. يعني مثلا يستغربون ليش فلان ماخذ فلانه لانها سمرة ووووو .. من هذا الكلام الي يقهرررر ..
وانا بعد نفسج .. لوني حلو .. يعني لاني بيضة وايد .. ولا سمرة .. في الوسط .. وانا راضية عن نفسي وهذا اهم شي ..
ومن ناحية الجاذبية .. ابصم لج بالعشرة انج صادقة .. لكن اكثر الاوقات الي اتخطب للولد هي الام .. والام دايما تتمنى البنت الجميلة في كل شي .. واكثر الاذواق تكون ناحية البيضة ..
على العموم سوري اذا الموضوع ضايقج .. لان انا قريت مشكلة عن نفس الموضوع .. فنزلته لكم لاعرف رايكم !!!

ويعطيج العافية حبيبتي على مرورج وردج .. :)

::::::::::::::::::::::::::::::::::::::::::::

:: دوسرية كول :: :26:

الصراحة استغربت من ردج .. وكانج داشة علي بشراع وميداف ..


مابي اوصل لشي .. ابي اناقش معاكم هالمشكلة في مجتماعاتنا .. واخذ رايكم .. هل صحيح ان لون البشرة يأثر على البنت ولالا ؟!!!

وادري ان الزواج قسمة ونصيب .. وكل شي بهالدنيا قسمة ونصيب .. حتى اللقمة الي تاكلينها لانها من نصيبج .. لكن هل هاي معناته ان خلاص الواحد مايتكلم ولا يتناقش عن بعض الامور في المتجمع بحجة انها قسمة ونصيب!!! شي غريب الصراحة !!

فاذا انتي شايفة ان الموضوع مايأثر وعادي .. احترم رايج وخلاص انتهت السالفة..

لان اذا هاي الموضوع شايفة ان ماله هدف .. غيرج كثير يشوفون ان له هدف .. وخذي لفة بسيطة في قسم المشاكل وشوفي البنات الي يشتكون من هالشي ..

وكمثال .. في بنت من قرايب امي من بعيد ماشاءالله حلوة وجميلة والكل متكلم عنها .. وفي مره ام الولد شافت البنت في عرس وقالت الصراحة هي جميلة ماشاءالله ولكن "عيبها" انها سمرة !!!!

ترى هاذا الشي صار .. واذا انتي مستغربة من هالشي وماسمعتي عن هالنوع من الناس .. فالحمدلله ان الله ابعدج عن هالعقليات .. والله لا يبلينا ولا يبلي احد من الاخوات بمثل هالناس ..

يعني بالعربي هالمشكلة موجودة في مجتمعاتنا وحبيت اناقشها معاكم واعرف رايكم وبس ..

على العموم مشكورة على ردج ويعطيج العافية !!!!

::::::::::::::::::::::::::::::::::

:: ريفه :: :26:

ضحكتيني بالمثل ههههههههههههه .. حتى هذا الشي مطلعين عليه مثل .. سبحان الله !!!

ومثل ماقلتي .. يعني يوم وحده اتقول انا بيضة وماتزوجت .. يعني ان شي غريب كيف بيضة وماتزوج .. لكن لو سمرة وماتزوجت .. يقولون اي المسكينة يمكن عشان سمرة :S ويبدون يعطونها نصايح واهتمي وحطي وبيضي وووو .. سبحان الله

ويعطيج العافية حبيبتي على مرورج وردج .. :)

::::::::::::::::::::::::::::::::

:: nora-87 :: :26:

انا بعد في الغرب .. وصحيح الي قلتيه .. والله اذكر مره رحت اشتري كريم اساس من كلينك .. وقالت لي تبين كريم اساس يسمر.. واغمج من لونج .. قلت لها لاااا .. لوني اوكي وابي نفس درجة لوني بالضبط .. قالت تدرين احنا نموت على السمار وانتوا تحبون البياض .. واخر شي قالت الانسان طماع ومايشبع اذا الشي عنده يشوف الي عند غيره ..

سبحان الله وصادقة كانت .. طبعا لانها مب مسلمة .. تقول جذي .. واحنا لان مسلمين نقول الواحد مايحمد ربه ويشكره على الي عنده ويطمع بالي عند اخوه ..

واذا على الموضوع انه حساس .. لازم احنا نناقش هالمواضيع .. لين متى واحنا نبعد عن المواضيع الحساسة .. وصادقة بان اهم شي الاخلاق .. لكن من يسمع ؟!!!

ويعطيج العافية حبيبتي على ردج ونورتي الموضوع :) ..

::::::::::::::::::::::::::

دمتم بود

مسلمة للابد

حلو موضوعك..:)