هالوصفة من قديمي الجديد
من زمان ما طبخت شي عدل باستثناء الاشياء الخفيفة التي لا تذكر
لاني اعاني من الالام في مفصل ابهام يدي اليمنى ورحت المستشفى والحمدلله ماطلع كسر ولا شي بس الم عطوني دوا ولفوها لي ويمكن صار الاعتماد عاليد الثانية والحين احس الالم في مفصل ابهام اليد اليسرى
قلت في نفسي لاحول ولا قوة الا بالله
الله كريم ان شالله
سبحان الله الحياة دروس وعبر
ودوام الحال من المحال
قلت سبحان الله كان عندي شغالتين ماشالله
وحدة انتهت مدتها وراحت والثانية غدرت فيني ولحقتها مع ان باقي لها تقريبا سنة لين تخلص مدتها
قلت الحمدلله لعله خير والخيرة فيما اختاره الله
كل هالمقدمة بس عشان تعرفون سبب تقصيري في تواجدي بينكم
وثانيا عشان لاتحرموني من دعواتكم الله يحفظنا واياكم من كل شر يارب:)
يالله نبدا باسم الله
نجهز صينية الفرن ونحط فيها البصل
ونحط فوق البصل بيض السمك المنظف والمبهر
البهار كان ملح وفلفل اسود ولومي اسود بودرة وثوم وزنجبيل بودرة
نحط فصوص الثوم والفلفل الاخضر المقطع
وفوقه شرائح الزيتون المخللة مع شرائح اللبمون وزيت الزيتون
نغطيه بالقصدير وندخله الفرن الحار لمدة 45 دقيقة او 40 حسب الفرن
في العشر دقائق الاخيرة نشل القصدير عشان يتحمر
يقدم مع العيش الابيض
هذي القطعة اللي بقت كانت ذيذة
ماشالله طالعة كنها كيكة ههههههه
هالمرة سويتها بالفرن
واحيانا نقليها اذا كانت اصغر
والحمدلله الذي رزقنا هذا من غير حول منا ولا قوة
وتسلم يدك ماشاء الله تبارك الرحمن