جزاك الله خييييييييييييير يا المتفائله
بالنسبه لزر التجفيف زين قلتيلي عنه كان محيرني لان الارقام فيه تزيد لين توصل 1400 وكنت محتاره فيه
بالنسبه لسؤالج زر الدرين ماعرفتله بس فهمت انه مضخه مدري قصدهم تضخ ماي زيااده ع الغسيل؟
انا لان للحين ماتمكنت من الغساله فما احب اتعبث فيها
وزر سبين+رينس هذا شطف وتنشيف يعني اذا غسلتي شي على يدج وتبينه ينشطف ع السريع حطيه عليه
بالنسبه للغسيل على ديليكيت انا ناسبني وناسب ملابس عيالي مره
يعني انا كنت اختار للملابس الملونه برنامج قطن وكانت تطلع بااااهته الالوان تروح والصور الي ع ملابس الاطفال كمان تتقشر من اول غسله ...جد جد مره علي ايام كرهتها وكنت اغسل يدوي واحطه بس تنشيف
بس من جربت ديليكيت مرتاحه ع الملون مررره لان خبرج مايتوسخ مره نفس الابيض
كلها ملابس اطفال انلبست ساعتين 3 بس مع ه الجو لازم تنغسل
تنزل نظيفه والوانها ثابته حتى عندي بجامه لبنتي جاتها هديه كنها حديقه كلها ورد طباعه من شفتها خفت تعدمها غسالتي بس للحين صارلها اكثر من شهر تنغسل شبه يوميا لان بنتي تحبها مرررره من تنشف تاخذها من الغساله وتلبسها بس والله للحين الوانها نفس ماهي
جربي ديليكيت للملون درجه 30 اذا وسط واذا وسخه مره خليها 40\
امس جربت النيله وحسيت الملابس احسن والله بس يبيلها استمرار عشان اتخلص من الصفار نهائي
الله يجزاها الفردوس عطر الليالي

الله يسعدكم يارب يعيناويه للنخاع انتي وعطرالليالي اللي اسعدو قلبي وروحتي عني هم كبيرررر من هالغساله
وابغى اقولك ان الارقام اللي تطلعلك عند التجفيف هذي عدد دورانها في الدقيقه
جربت نظام الكويك لما اختاره يطلع الوقت 30 ولمااختار كثيف يصير الوقت 40 بس برضه حلو ولا ساعتين
ولما اسمع الجرس حقها انبسط وماني مصدقه صراحه انجاز عن اول تسلمون يالغاليا واطال الله في اعماركم وحققلكم كل مناكم

تسلمووووووو أستفدت كثير وفعلا موضوع تجعد الثياب صارت لما غسلتها على درجة 90 لكن رجعت وغسلتها على درجة 30 وماعاد راحت التجاعيد ولا انكوت الثياب
وبصراحه ممتازه بس تاخذ وقت فعلا وتكمش مع التجفيف بجامات ولدي القطن ماأدري وش الحل؟؟

الحمد لله اننا قدرنا نفيد بعض
ولا الغساله هم كبير صدق للي مايعرف لها



انتي غسالتج نفس هذي بالضبط اختي؟
عشان نقدر نفيدج
انا مالاحظت انها تكمش

$متفائلة$
الله يعافيك الخل ماجربته ابدا واتوقع انه قوي علي الملابس والغساله
جربي طريقة النيله للملابس البيضا

والملابس السكريه اغسليه بصابون بس علي قطن حراره 60 وبعد ماتحسي انه كفايه ونظفت حولي علي كويك
وبتقفل بعد نص ساعه من نفسها

والكويك عندي توصل ل40 حراره المويه رغم ان موديلي اقدم منكم

تاكدي وراجعي الكتيب مو معقول 30 الحراره بس
هما مسمينها كويك 30 اختصار لكلمه (بسرعه ب30 دقيقه)

والشماغ علي ال ديليكيت اغسل لانه بالترجمه للرقيق وعلي حراره مويه 30
ولو تلاحظي علي مهله يغسل وببطء لمدة 10 دقايق وحولي علي الشطف والتجفيف الي هو Rinse+ spin
انا ان كان الشماغ جديد ومن كرتونه اطلعه واحطه بس Rinse+ spin بدون صابون لان بس ابغا النشاء يروح
والشطف والتجفيف مدته ربع ساعه بس

جربي بدون علم زوجك وان شاء الله تعجبك الطريقه الشماغ المهم بغسله يكون بشويش الدوران ختي الكواي بالغساله يغسلو

وطريقه الزيت جربناها من المنتدي كذا مرا عملتها ولا صار شي ولا بقع ولا بيض

ومنقي المويه ما استخدم لان الغساله تصفي المويه والرواسب تكون بالدرج بالاسفل

والصوت والله ماادري بس عالي والله بس يمكن بالموديلات الجديده خف مو صوت مويه صوت الدوران قوي

عيناويه للنخاع

انا لما اختار اسم تنور لمبه جنبه مدري انتو بلمبات والا لا

المهم انصحك للملون اغسلي بالكويك ال ديليت مدته طويليييه وعلي قولك الملون مو بذاك الوسخ يكون
وطول وقت الغسيل يكرف ويهري الثياب

والنيله بعد كم غسله بيتوحد لونه ولو تشوفيهم جنب ثوب ماانغسل ومصفر بتلاحظي الفرق كبير

:صاحبة الإمتياز:

الكرمشه اغسلي الابيض علي 60 والملون علي 40

ال 90 هي الي تجعد الملابس

واعتقد التجفيف ال 100% يكومشها انا ماعندي تجفيف كامل يجفف 80 بالميه والباقي بعد النشر 10 دقايق ونتشف بدون تجعدات

والمده زي ما قلت للبنات فوق لا تستني حولي علي كويك 30 بعد تنظفي الابيض بالقطن 60 والملون اما اغسلي بالكويك بس او اي نظام بس لا تتركيه يكمل حولي علي الكويك اختصار للمده