هلا بناتين
اليوم بقدم لكم عشا حلو رهيب يصير تاكلونه فطور بعد
اكيد في ناس غير سووها من زمان بس انتو جربوها وعطوني رايكم
ست بيضات
نص بصل ابيض مفروم ناعم
مشروم مقطع شرحات معلب
زبده
ملح + فلفل اسود
جبن سلايس
الطريقة :
حطي الزبد اشكثر تبين ع النار بس مايكون وايد يعني انتي شوفي اشكثر تبين
حطيه بالمقلاه،، اخلطي البيض بالشوكه وحطي به البصل والمشروم المقطع والملح والفلفل وابتدي حركيه ،، بعدين صبيه في المقلاه وخليه على نار هاديه لين تشوفينه ينضج الحين اقلبيه الناحيه الثانيه ،، بعدين وزعي شرحات الجبنه عليه وغطيه ،،، بعد دقيقه تشوفيه صاير مثل البيتزا يهبل
الحين اخذي شرحات السندويش وحطي شوي زبد خفيف ع النار وزعيهم وحمري الوجه الاول من الخبز بس
والحين ادهني السلايس بالمايونيز وحطي به شريحه من البيض المقلي اللي عملتيه
وقدميه حق امج وابوج لو كنتي عزابيه مثلي ،، او قدميه لاخوانك الصغار اللي ماينعطون وجه ههههههههههه ،، وقدميه لزوجك الحنون لو كنتي متزوجه
واذا تبينها تستوي مثل البيتزا بعد ماتوزعين شرحات الجبن على البيض المقلي وهو بالمقلاه ،، قطعي الطماطم شرحات مع زيتون وفلفل رومي ووزعيهم عليه وغطيه بعد شوي بعدين سكري النار وبالهنا ..............
حلوة مربربة @hlo_mrbrb
عضوة فعالة
يلزم عليك تسجيل الدخول أولًا لكتابة تعليق.
محبة الشافعية
•
مشكورة حبيبتي على الطريقة الحلوة
مشكورة حبيبتي عندي خوان وعندي عيال وعندي زوجي الحنون والليله بيجتمعوا وبسويلهم هالطبق بس ادري راح يقولوا بخيله بس عادي يكفي
الصفحة الأخيرة