بيطلعوني من برنامج حافز لإني حامل!!!!!!!!!!!!!!!

السلام عليكم ورحمة الله وبركاته
كيفكم يا بنات حواء ان شاء الله بخير

أنا الحمد لله اخذت الدفعة الاولى والثانيه من حافز وقبل استلامي للدفعة الاولى دقوا علي مركز طاقات للتوظيف تبع حافز
وجيتهم اول مره والتقيت بالمشرفه اللي راح توظفني ورحت لهم اكثر من مره
المهم المره الاخيره قالت راح اعلق ملفك بالبرنامج لانك حامل والقطاع الخاص ما يوظف الحوامل

جلست بعدها يمكن شهر والا لقاءات مرسلين لي رساله ورحت لهم وسويت امتحان وكل شي وما طلعت النتيجه.
اليوم الصباح رجعت دقت علي مشرفة طاقات تقول ولدتي؟ قلت باقي كم شهر على الولاده ان شاء الله
قالت خلاص راح اطلعك من السستم قلت ليش مو علقتي ملفي ليش تطلعوني مره وحده من البرنامج
قالت لا انت حامل والقطاع الخاص ما يوظفك ولازم ننهي ملفك معانا وارجعي بعد ثلاث شهور قدمي من جديد
على حافز
قلت لها مو انتم قلتوا انكم برنامج توظيف ماله علاقة بحافز واللحين تغير كلامك قالت لا حافز هو اللي يرسلكم علينا والاعانه يقطعها حافز او ما يقطعها مالنا شغل فيها

وش رايكم بالله بهذا الظلم؟
اطلع من البرنامج علشاني حامل وانا مستوفيه الشروط
اتصلت على امي في منطقة ثانيه ابكي واقولها خلاص ماراح يعطوني حافز وتقول لي لا ماعليك بالموظفة
انت جامعية ورياضيات ومستحقة للشروط وسبع سنين جالسه بدون تعيين وهذي يمكن تلعب عليك لإن الإعانة من الدوله مو من عندها
ما أقول إلا حسبي الله ونعم الوكيل