اهخ ي بنات الله يجبر بخواطركم فعلا معاكم حق لكن الله يشيل حبه من قلبي والحمدلله على كل حال فعلا كلامكم بلسم للجروح ، للامانه كانت لي ايام حلوه معه الي هي اول اسبوع زواج وبعدها انقلبت لجحيم ، وبالنسبه للاخت اللي قالت تروحون دكتور نفسي قلت له قال انا ماني مجنون هو تحاليل المستوصف عيا عنها قال انا مافيني شيء لما كنا نحاول الحمل وكذا قال تبين تتعالجين انتي روحي تعالجي

اخ قهرتيني
ذليتي نفسك كثير ودعستي على كرامتك واحترامك
بعدك صغيره والحياه راح تعلمك دروس استفيدي منها وانضجي وتطوري بتفكيرك وشخصيتك
ثقي تمام الثقه ان رب العالمين اختار لك اجمل وافضل خيره بس يبيك شوي تركزين وتوعين لنفسك وتفهمين عمقها وتتعلمين الدرس
الانجاب ربي ابعده عنك عشان تخرجين منها بسلام خفيفه نظيفه لا هم ولا غم ولا ارتباط بنفقه ومصروف وزيارات ترجعك له ويحتكر حياتك ومستقبلك
ما اشجع على الطلاق لكن اذا اهلك اللي عايشين معاك التفاصيل شارو عليك انك تنسينه اجل احنا البعيدين وش نقول ؟
للاسف الرجال في مجتمعاتنا اغلبهم مستحيل يتقبلون ان الزوجه يكون لها ماضي فما بالك وهو يكتشفه بنفسه بجوالك هذي مصيبه كبيره وصعب جدا ينساها لك
حتى لو ترجيتيه ورجعتي له بالمذله والاستعطاف وحب الخشوم والله ثم والله مستحيل حياتك تكون معاه صافيه ومتهنيه فهل تقبلين تعيشين عمرك بهذا الحال ؟
ويمكن حتى يصير يخونك قدام عيونك ولا يهتم لانه خلاص ماعاد يحط لك احترام لانك اصلاً ذليتي نفسك له عشان بس يبقى معاك وما يتركك فهو مو شايفك شي له قيمه
ولا تتوهمين تقولين يحبني هذا كلام فاضي يضحك به عليك وانتي صدقتيه يبيعك من الكلام الرخيص عشان تعشقينه
ولعلمك حتى الحب والعشق ترى له مده وتنتهي صلاحيته حتى بين الازواج اللي زواجهم مستمر سنوات طويله الحب مجرد افتتان مؤقت يقل ويذبل مع الايام ولا تبقى الا الاخلاق والاحترام والمعامله الطيبه فقط
اصحي واتركي عنك حركات المراهقين حب وعشق واعتذارات وبكاء وذل
مو هذي الحياه اللي اكيد تبين تعيشينها اصحي الله يرضى الله عليك وخذي شور اهلك
وحتى اذا حصل الطلاق عادي ابكي واحزني وازعلي كم يوم ثم اسجدي سجود شكر ان ربي حررك من هذا السايكو
ورب العالمين راح يعوضك بحياه افضل واجمل بإذن الله

خيره صدقيني
وترى رفعتيه ونفختيه فوق حجمه الطبيعي الى ان شاف نفسه عليك
رجعيه مثل ماكان على الارض مثله مثل أي مخلوق دامه قالها لك اكثر من مره عايفك ومايبيك وفوقها استمتع بإذلالك ينام معاك ثم يتفنن بتجريحك وتحقيرك وانتي مطاوعته وراضيه متعشمه ومتأمله انه يسامحك وهو ما همه الا مصلحته اذا عطش وجاع جاك ياخذ حاجته واذا شبع اهانك
عن اي حب تتكلمين بس ؟هذي مو تصرفات شخص يحبك ولا حتى يحترمك ذرة احترام
شاوري اهلك واستخيري والله يكتب لك الخير
والافضل تقطعين تواصلك معاه ولا تراقبينه وتدورين اخباره خلاص اعتبريه انتهى من حياتك

ابوك بنفسه يقولك لاترجعين لأنه حكيم وعارف إن جلستك مع زوجك أكبر ذنب
تسوينه في حق نفسك

ليش متمسكه فيه؟
على بالك بيتغير?
والله ليعيشك في ذلك
وقهر ومهانه .. وليسلبك
الفرح والسعاده والطمأنينه
وليسببلك أمراض نفسيه

وبيضرب ويبخل وبيخونك
وبيسجنك بحجة مالك حق تسألين
أو تحاسبين لأنك خاينه

في العشرين وهذا حالك!؟؟؟

غلطك الي مسكه عليك سويتيه متى؟
قبل أو بعد الزواج؟

طبعا مهما كان نوع هذا الغلط فمليون بالميه غلطانه في حق دينك ونفسك.

لكن إنه هو يغفر وينسى مستحييييل

اصلا مادام الشك دخل اذا خلاص انتهى الزواج
قرار الطلاق والله أفضل لك بمليون مره من انك تعيشي معه المفروض انتي الذي كنتي تطلبي الطلاق
اذا خلال هذي الفتره قد هانك وذلك متوقعه بيتغير وانه بيعاملك غير هذي المعامله والله ماغير بتعيشي بعذاب معه
انفذي بجلدك وعادك بدون اطفال وعادك بأول الطريق افضل لك
الحين انتي صغيره واعتبريها تجربه وفشلت خلاص ماهي نهاية العالم
الطلاق رحمة لك من الشي الذي انتي فيه