بيطلقني عشان لون البيبي...!!! / قديم

خواتي ...من بعد الله مالي الا انتم افضفض له


لاني اعيش بحاله اكتئاب بسبب هالناس اللي حولي
.قدر الله وحملت من دون تخطيط وكان الحمل مهدد بالاجهاض ...ويعلم الله كم عانيت حتى احافظ عليه ورغم وضعي وانشغالي بوظيفتي...ومع المعاناه اللي مريت فيها كنت اتمنى اللحظه اللي اولد فيها عشان ارتااح
والحمد لله كانت ولاده سهله وجبت ولد ...كان وزنه صغير ولونه ازرق ...غسلوه وجابوه لي كان ابيض


لما نزلت لغرفه الولاده بعد ساعتين صار احمرررررر غامق...الا الخشم اصفر فاتح...واليدين والرجلين بيضااا


لاخظت فيه ورم مثل النفخه في اعلى الراس قالو لي انها زنقه ولاده..بسبب ضيق الحوض..وتروح مع الوقت.استغربت لان ماشالله الولاده كانت سهله


بعدها في اليوم الثاني جاه صفار..وصار اسمررررر غامق ...لدرجه لما يبكي يصير اسود..
فتره نفاسي كانت كئيبه لان كل من شافه قال وش توحمتي عليه ولدك طالع اسود


اهل زوجي اكلوني اكل بكلامهم..وانا اتحمل...امي تصبرني وتقول بيفتح لا تشيلين هم
والناس تقول دام احمر مسمر واذنه سمرا على حمار بيسمر..وفوق هذا شفايفه ورديه بس من النص سمرا وفروه راسه حمرا نفس لون وجهه


انا راضيه بولدي لو يكون كيف ماكان...والحمد لله..انا بيضا وابوه ابيض بس جدي اسمر الله يرحمه...واخواني وابوي وامي كلهم بيض
بس توصل لدرجه يرمون علي كلام من فين جبتيه..وما يشبه لنا ...اكيد بدلوه...ولما عرفو ان جدي اسمر تقل كان مصيبه صارت..لان الله يرحمه توفى وماشافوه


وبس درت حماتي تقول لو كنت اعرف ماناسبناكم..وبدت تغلط


حاليا خلصت الاربعين واعيش حاله اكتئاب فضيعه..ودي اخبي ولدي عنهم...وعن كل الناس...ماودي احد يجرحه بالكلام


قتلو فرحتي بولدي الله يسامحهم حتى زوجي صار ساكت كاني مسويه جريمه وجايبه لهم عار


ساعات اقول لو عندي كرامه ماقعد ببيته..وساعات افكر بعيالي ومصيرهم..وساعات ادعي ان الله يفتح بشرته ويطلع ازين ماخلق ربي


شورو علي