السلام عليكم ورحمة الله وبركاته
اخواتي محتـــاره بمشكلتي مادري من الغلطان لكن والله وربي يشهد اني مظلومه ظلم مايعلم به غير رب السموات
شوفي قصتي وانا لاحول لي ولا قوه الا بالله العلي العظيم
تزوجت مثل غيري واليوم صار عمري 31 سنه وعندي سبعة اطفال اكبرهم عمره 12 سنه واصغرهم عمره شهر ...مشاكلي مع زوجي مثل اي مشكله بين الازواج اما على عدم الاهتمام بالمشاعر او تقصير مني او منه بالبيت والعيال وكانت تمشي الحياه لاني كنت اتنازل عن امور واعديها له واقول مالها داعي تكبر وهي صغيره واسكت
توقعت انه مع الوقت بيجيني الحب المنشود ...توقعت يجيني الاهتمام والحب والتقدير لكن!!! :(
اول صارت بيننا مشاكل والسالفه انه اختي جايين ناس بيخطبونها وامي مب موجوده لانها عند ابوي في المستشفى والناس يبون يشوفون البنت ويتعرفون على اساس لو عجبتهم البنت بينتظرون لاحد ما ابوي يطلع من المستشفى وبيجون يخطوبون ... قالت اختي لي ابيهم يجون ببيتك بما انك كبيرتنا قلت اوكي واستأذنت من زوجي انهم بيجون الناس ببيتنا وكان الكلام بالليل فسكت ماقال شئ لا قال اي ولا لا واختي معتمده على كلامي لاني ماقلت لها لاتخلينهم يجون ببيتنا ثاني يوم العصر اتصلت اختي وقال الناس جايين لك كلمته قلت الناس جايين في الطريق قال من قالك تخلينهم يجون بيتي قلت انت مارفضت سكت وراح يصلي العصر وانا ادري والله انه هو يبيني اترجاه علشان يجون لكن انا بطلت عادة اني اترجاه لشئ يسويه من طيب خاطر ولا ماله داعي رجع من الصلاه وقال قولي لهم لايجون عندنا يرحون بيت اهلك قلت له انزين استغرب من ردي واتصلت قدامه لاختي وقلت قولي لهم يجونك ببيت اهلك اختي تضايقت وقلت خلاص اسمعي الي اقوله لك ...ورحت احط له الشاي والقهوه وقالت له ابو فلان عادي اروح لبيت اهلي للحريم طالع فيني بنص عين وقال انتي تبين تروحين هناك قلت لو بتوديني بروح قلت زين وطلع من الغرفه ورجع مره ثانيه قال انتي لو ماوديتك ماراح تروحين صح تضايقت من اسلوبه لكن سكتت قلت تبي توديني وديني ماتبي قول مابي وخلاص قال انا بسوي الي تبينه قلت الي ابيه ماتصير مشاكل بيننا روحه فيها مشكله مابي اروح لها وسكت ...وطالعته شو قلت بتوديني ولا لا قال البسي ...لبست وانا ادري انه متضايق ويبي يسوي مشكله لكن اسلوبي حصره وماخلاه يثير مشكله ووداني ساعه واتصل قال خلصتي قلت لا ...قال انا ادور بالشوارع قلت زين روح لبيتك الين اخلص قبل لايسكر قال تراني اليوم ماراح اوديك تشوفين ابوك "ادري بهذي الحركه انه يبي يضايقني ويخليني اتسبب بهواش " قلت الي تشوفه يابو فلان مع اني والله مشتاقه شوفة ابوي اسبوع ماودني له لكن سكتت وقلت بخاطري والكاتمين للغيض ...عقب ماطلعوا الحريم بساعتين اتصلت فيه قلت وينك!! وقام يهاوش انا مو شغال عندك رايح جاي والله مااجيك سواق عندك اوديك واجيبك شوفي احد من الكلاب الي عندك يوصلونك للبيت " يقصد اخواني " قلت تعوذ من الشيطان شو الموضوع قال بس خلاص وسكر بوجهي التيلفون :( لاحول ولا قوة الا بالله العلي العظيم حسبي هو ومالي غيره ...خليته لمدة ساعتين ثانيات قلت بيهدا وبيجيني ولدي الصغير حاطته بالبيت :icon33: اتصلت فيه قال ليش ماتقولين لهم يجيبونك خايفه عليهم يتعبون ووالله اخوي كان جاي من سفر والثاني كان بدوره في الشرطه يعني محد بيجيبني قلت محد موجوده واخوي توه واصل قال انا اقولك مب شغال معك قلت يابو فلان انت لو قلت لي يافلانه انا لو رحت ماراح اجيك لكنت والله لبست عبايتي وطلعت لك !!! لكن انت ماقلت لي انك ماراح تجيني وانا اعتمدت عليك ومتعوده انك تسوي هالحركه دايم توصلني وتروح ومتى نخلص تاخذني !!! سكر بوجهي للمره الثانيه وسكت بعدها بنص ساعه اتصل قال اطلعي برا لو تبين تروحين لبيتك وسكر لبست عبايتي وطلعت حسبي الله ونعم الوكيل وقام يسب ويهاوش ويتلفظ على وعلى اهلي قلت له تعوذ من ابليس الموضوع مايستاهل هالحركات كلها ...وعادي ببيتي قمت بواجبي جبت عشاه قام طردني من الغرفه رحت لغرفتي ورجع بعد ماشبع من سهرة التلفزيون ولا كانه شئ صاير وانا طنشت كل الي صار وشغل النت وعلى المواقع الي الكل يشتكي منها على المواقع الاباحيه وافلام البايخه وانا اطالع قلت له " خاف ربك شو الي تشوفه " قال قولي لنفسك ومالك شغل :angry2: شو يقصد بكلامه قمت تعوذت من ابليس وسكتت ثاني يوم ماقدرت اصبر وانفجرت بوجهه وقلت له انت ماتحترمني ولا تقدرني ولا تطالع فيني كزوجه لها حقوق عليك قال ليش هالكلام يعني قلت يابو فلان انا صبرت لاني احبك وتحملت قلت عسا تتغير من هالجمود وعدم الاهتمام فيني واخر شئ اقنعت نفسي انه طبع فيك لكن انت انسان مثل غيرك من الرجال لو عاطفتك ومحبتك واهتمامك مو لي فوين هم ابي اعرف ؟!! قال عند اخواتك :( تلفظ على اخواتي هنيه قمت طلعت كل الي بخاطري عليه وقلت انا ماصبرت على برودك وجمودك معي الا مخافة من ربي ولا كنت سويت مثل غيري الي انت تعرفهم زين والي انت ماتسويه غيرك يسويه وبخليك زوج مثل ماانت حاطني زوجه وبس وبطنشك لكن لانه مالي غيرك كنت ومازلت اتقرب من واحاول معك شوف شو سويت لك حفلات اسوي رومنسيات اسوي لبس وتعديل صبغ وقص حنا ونقش وقمصان نوم وغرفه مرتبه وعيال مؤدبين ومتفوقين بدراستهم وبيت مهتمه فيه شو تبي اكثر قول لي ليش ماتحترمني وتقدرني ليش ماتهتم لي فهمني ؟!! ليش انت تسوي معي هالاسلوب قال لانك زباله فاهمه ومادام انا مااعطيتك الي تبيه بطلقك وروحي خذي رجال يعيشك مثل ماتبين وطلع
رحت له قلت انت ليش كل ماناقشت بهذا الموضوع تقول لي انتي تبين واحد غيري قال هذي الحقيقه لو ماتبين غيري بترضين بالي انتي فيه !! ارضى باهمالك لي بعدم تقديرك لي ولمشاعري انت كلمة حبيبتي عمري ماسمعتها منك مااسمع منك الا ياحماره ياكذابه وفوق هذا صبرت لاني انتظر منك تتعدل
قلت يافلان لو ماتقدر تحل مشكتك معي وتبي طلاق قول طلقتك لاني عجزت اعطيك حقك عجزت اعاملك مثل ماتعامليني قول عجزت يوصل حبي لربع حبك لي ...
قول الي تقوله لكن لا تتلفظ على بشئ ماقلته وخاف ربك وطلع قال العصر بطلقك وراح :(
صدقوني يااخواتي مب زعلانه على الي صار الي مزعلني صبري الي ماجاب نتيجه صبري على انسان كان يدور اي فرصه يحتقرني وكنت اسوي روحي غبيه لاني ابي احافظ على بيتي وعيالي وما كنت ابي اخد يقول بنت فلانه تطلقت صبرت وهذي نتيجة صبري بيطلقني لاني قلت له يازوجي اخاف على نفسي من الفتنه فأهتم فيني واهتم لمشاعري كزوجه ولا تفتح لي باب الشيطان انا اخاف على نفسي فكان افضل حل يشوفه الطلاق وحسبي الله ونعم الوكيل على كل ظالم
العنقوده @alaankodh
عضوة جديدة
يلزم عليك تسجيل الدخول أولًا لكتابة تعليق.
ياعمـــــري والله تأثرت بكلامك مرة
بس باين انك خلوقــــــة ماشاء الله وحليــمة والا كيف تصبرين على واحـــد زي كذا
يا اختي انا ما املك الان الا الدعاء لك بان الله ينصرك ويعزك ويرفع شانك
بس يبدو لي والله اعلم انه مريض... او عندهـ مشكلة مأزمته ..
وان كان الجواب لا... فهو شاف له شوفــه جديـــدهـ...او يمكن يبي يتزوج ومايدري وش يسوي
حسبي الله ونعم الوكيـــــــــل والله اني متعاطفة معك جدا
بس اذا كان كذا من البداية فهذا طبع الله يعينك والحمدلله على كل حال اذا كان بيطلقك فهذا نصيبك لاتتضايقين وهذا شئ مكتوب والحمدلله انه جت منه ان شاء الله ربي بيعوضك بخــــــير على صبرك يالغالية
بس لاتتمسكيــن فيه طالما قال بطلقك..
اذا تراجع من نفســه معناهــ عنـدهـ استعداد يتغيــــــر
بس اذا انتي تمسكتي فيه بيتمرد عليــك
والله بدعي لك يالغالية
الله يفرج همك ويكشف هالغمة ويسعدك ويعوض صبرك خير
بس باين انك خلوقــــــة ماشاء الله وحليــمة والا كيف تصبرين على واحـــد زي كذا
يا اختي انا ما املك الان الا الدعاء لك بان الله ينصرك ويعزك ويرفع شانك
بس يبدو لي والله اعلم انه مريض... او عندهـ مشكلة مأزمته ..
وان كان الجواب لا... فهو شاف له شوفــه جديـــدهـ...او يمكن يبي يتزوج ومايدري وش يسوي
حسبي الله ونعم الوكيـــــــــل والله اني متعاطفة معك جدا
بس اذا كان كذا من البداية فهذا طبع الله يعينك والحمدلله على كل حال اذا كان بيطلقك فهذا نصيبك لاتتضايقين وهذا شئ مكتوب والحمدلله انه جت منه ان شاء الله ربي بيعوضك بخــــــير على صبرك يالغالية
بس لاتتمسكيــن فيه طالما قال بطلقك..
اذا تراجع من نفســه معناهــ عنـدهـ استعداد يتغيــــــر
بس اذا انتي تمسكتي فيه بيتمرد عليــك
والله بدعي لك يالغالية
الله يفرج همك ويكشف هالغمة ويسعدك ويعوض صبرك خير
لاحول ولاقوة الا بالله
الله يهديه ويسخره لك حبيبتي ولايجيب طلاااااااق
انتي ماشاءالله تبارك الله عقلك كبير واسلوبك عجبني بالذات ذكرك للنقطه الأخيره
انك خايفه على نفسك من الفتنه والمفروض انه يحس بهالجانب ويعوضك
واتوقع انه مو ناوي على طلاق اكيد حيعيد حساباته بينكم 7اطفال ربي يحفظهم ويعوضونك بإذن الله
وبصراحه ماني عارفه وش اقول التعبير يخوني لكن الاخوات هنا مابيقصرون معك
الله يحفظك من كل شر
الله يهديه ويسخره لك حبيبتي ولايجيب طلاااااااق
انتي ماشاءالله تبارك الله عقلك كبير واسلوبك عجبني بالذات ذكرك للنقطه الأخيره
انك خايفه على نفسك من الفتنه والمفروض انه يحس بهالجانب ويعوضك
واتوقع انه مو ناوي على طلاق اكيد حيعيد حساباته بينكم 7اطفال ربي يحفظهم ويعوضونك بإذن الله
وبصراحه ماني عارفه وش اقول التعبير يخوني لكن الاخوات هنا مابيقصرون معك
الله يحفظك من كل شر
klio
•
الله ياجرك على صبرك ..
والشيطان حب يفتن بينكم
ان ابغض الحلال عند الله الطلاق شووفي الوقت اللي يكون هادي فيه وناقشيه بهداووه..
ولو تصبري على وضعك ربي راح ياجرك احسن ماتشتت عايلتك وانتي عند 7 وتوك بعز شبابك يمكن مع الايام يتغير بـس يقرب من الله ويطرد الشيطان عنه ويقدر الجوهره اللي عنده حلاله
يبي له يقرا كتب يسمع محاضرات ونصائح توعيه بالحياه الزوجيه ومكانة المراءه
اليوم حضرت اعاده لبرنامج الشيخ احمد الكبيسي كلام بقمة الروعه عن فضل الزوجه ياليت تحاولي تتعباين هالبرنامج بحضرة زوجك عشان تستفيدون
والشيطان حب يفتن بينكم
ان ابغض الحلال عند الله الطلاق شووفي الوقت اللي يكون هادي فيه وناقشيه بهداووه..
ولو تصبري على وضعك ربي راح ياجرك احسن ماتشتت عايلتك وانتي عند 7 وتوك بعز شبابك يمكن مع الايام يتغير بـس يقرب من الله ويطرد الشيطان عنه ويقدر الجوهره اللي عنده حلاله
يبي له يقرا كتب يسمع محاضرات ونصائح توعيه بالحياه الزوجيه ومكانة المراءه
اليوم حضرت اعاده لبرنامج الشيخ احمد الكبيسي كلام بقمة الروعه عن فضل الزوجه ياليت تحاولي تتعباين هالبرنامج بحضرة زوجك عشان تستفيدون
الصفحة الأخيرة
ويصبرك على ما ابتلاك به الله
وإن شاء الله يغير رأية ويندم على الي قالة وتتعدل أموركم
اللهم ألف بين قلبها وقلب زوجها يااااااااااااااارب العالمين