بيغمنت و شادو بودره .. حوسه وانتي تحطينه و ينكب منك.. تعالي اضغطيه هنا

:D

اهلين وسهلين احلى صبايا :27:

كلنا متلعوزين مع البيغمنت والشادو البوجره اذا جينا نحطه.. نصه يروح في خدك :06:

طيب تعالي نضغطه .. عشان يصير اسهل في الحمل و الإستخدام و ما يتكبب عليك و تقعدين تتحسرين على اللمعه المسكوبه

ويصلح تسوين كذا للشادو اللي تكسر عندك و حابته و ما تبين ترمينه




الأدوات المستخدمه (( ما بعد اسويها و لما اجيب الكحول من الصيدليه بسويها و بصورها وبنزلها هنا بنفس الموضوع))


المهم نبي كحول طبي (تركيز 70-90%) من الصيدليه ... مو مسحه .. كحول سايل

نحتاج الشادو او البيغمنت الضحيه :D

نحتاج اما علبة عينات من ماك ((يبيعوا العلب فاضيه ترى)) او علب مكياج فاضيه عندك ((راح نسوي كميه صغيره مو كل البيغمنت))

لو الشادو حقك صغير مثل علب زهور الريف او مايبلين سويه بنفس علبته

و يمكن تحتاجين وعاء للخلط .. حسب يعني اذا كان الظل واصل لين اخر العلبه ما راح تقدرين تخلطينه بنفس علبته .. لازم بوعاء زجاجي ثاني

انا عندي علب فاضيه من ميكب فور ايفر و علب عيانت من ماك راح استخدمهم ان شاء الله

راح تحتاجين دبوس شعر او اي اداه رفيعه للمزج


الطريقه:

حطي ما يعادل ملعقة شاي( اصغر من مللعقة الحلى) من البيغمنت او الشادو او ما يعادل ثلثين علبة العينه حقت ماك او كل العلبه لو كانت حجم زهور الريف او مايبلين

حطي عليها 3-4 نقط من الكحول الطبي و خلطي زين لين يصير قوامها شويه زي الطين.

وزعيها بالتساوي في العلبه اللي تبين تحطينها فيها .. ممكن قالب ظل مخلص عند و ممكن علبه زجاج صغيره و ممكن انتي تصنعين قالبك الخاص و راح اعلمك كيف بموضوع اخر.

خليه نص ساعه و شيكي عليه اذا جف نوعا ما ((ما يلزق على اصبعك لو لمستيه))

لو حبيتي تقدرين تجيبين 5 هللات او 10 او نص ريال .. حسب قطر العلبه حقتك .. لفي العمله بقماش قطن او نايلون و ابرمي حول العمله زين زين زين

و اضغطي على الشادو اللي مزجتيه بقوه متوسطه .. لا تفعصينه مسكين بقوه..

بهالشكل انتي خليتي السطح مرتب و متساوي و خلي العلبه مفتوحه ((لو كانت لهاغطا نفس عينات ماك و زهور الريف و مايبلين)) او اذا قالب شادو سكري علبته عادي .. حنا نبيه ينشف 4 - 6 ساعات بس

+++++++++++++++++

النتيجه ... اللون يمسك بفرشاتك بشكل افضل .. ما تخافين ينكب عليك لو انتي مسافره والا بالدرج والا شنطة المكياج و شادو مايبلين يصير احلى بزياده مع الضغط




انتظروني مع المزيد من الحلول العمليه