حبيبتي هونيها الله يفرج عليك وينصرك ان كان لك حق

عليك بالدعاء والمظلوم مابينه وبين الله حجاب ادعي في الليل فسهام الليل لاتخطي

واذا كان ولدهم مو قد الزواج ليه زوجوه والا كالعاده عشان يعقل وبنت الناس بحريقه

الله لايبلانا وحسبنا الله ونعم الوكيل الا ان كان مريض فالله يشفيه

لاعاد شباب صاحين ولا اباء يردون لهم عقولهم

اقسم بالله تعبت من اللي اقراه بالمنتدى مجتمعنا يبغاله اعادة تأهيل والاصحاء ينعدون ع الاصابع اللهم ياكافي

انا مااعمم ابدا ولكن شي يقهر بناتنا زي الورد مطلقات ومعلقات ومهملات

وش صاير فينا الله يهدينا الى سواء السبيل اجمعين

كان الله بعونك اول سنوات الزواج كلها مشاكل لكن بعدين يهدا الوضع انتي انسيه حاوي تطنشينه شوفي اشوف يوم قلتي له ما ابيك قال لا انا ابيك بعدين ابو رجالك يبيله حل قبل الولد كلهم ماهم صاحين الله لايبلانا الله يصبر قلبك صراحه شي يكسر الخاطر اشكي امرك لله وادعيله كود الله يهديه استغفري بستمرار واقري سوره البقره ويس يمكن عين ماصلت ع النبي

والله انا برايي :
بلا انتقام بلا هم فكري بولدك حبيبك اللي جايك .. وعيشي واستمتعي بكل لحظة وانت حامل وعشان تنسين الهم فكري وش اتسمينه وكيف بيكون شكله وطالع على مين وادخلي مواقع للأطفال ...... ..
وترا الوقت يمر وانتي كل اللي تفكرين فيه كيف تعيشين بذا الوضع ..
واذا محتوم عليك تفكرين بذا الموضوع .. مافي الا انك تلتمسين له العذر وتنسينه بعدها..
على فكره انا طحت بمصايب مو بمشاكل والله انها انحلت عندي قبل كل الناس .. وخذيها مني >> طنِش .. تعِش .. تنتعِش .. واللي موب عاجبة .. ينفقش << طزززززز بهموم الدنيا وبلاويها والحياة حلوة..
بس اللي يعرف يتحايل على الدنيا تحلى له العيشه حتى بالمشاكل.. ولو انها تاخذ وقت..
واللي انا اشوفه انك .. ماشاء الله قويه .. والدليل انك صابره عليه .. (وبعد الصبر الفرج) <لا تطبقين ها الجمله بس غيري مفهومها.. يعني قولي:الصبر والفرج.. اخلطيهم مع بعض

احسه انه مريض نفسي او محسود
التجئي الى الله وادعي الله انه يحنن قلبه عليك
ربي يسعدك دنيا وآخرة ويصلح لك اللي فبطنك يارب وتعيشين بسعادة آآمين

حسبنا الله ونعم الوكيل