بيني..وبين واحد مشخّص (زكرت) كان يامكان في قديم الزمان...

مرة من المرات الكثيرة التي نذهب فيها مع المدام للسوق ...خصوصا
لاصار فيه عرس او مناسبة أو تبي تروح لأهلها ..(اووف ياكره ذيك الايام)..
كنا في مجمع من المجمعات التجاريه المغلقة ..كان فيه محل

زحمآآآآآآآه وكله نساء ..

المهم قلت لها روحي انتي وشوفي الي تبين انا مومزاحم النسوان..

ولاجاء وقت دفع الفلوس جيت- زي العاده- دخلت المدام المحل... عين على

التيورات وعين على ابو العيال لاتروح عينه يمين ولاشمال... جلست انا على كرسي خارج المحل ..

وجلس بجانبي شاب ( زكرت ) - يعني انيييييق مررررره - قلت بنفسي دامنا

فاضين خلنا نسولف شوي معه..صحيح انه لما يشوفني بلحيه يمكن يكش
- شدعوه وحش على غفله - لكن ما فيه مانع من التجربه...:
- السلام عليكم

- هلامرحبا (طبعا قالها وهو مستغرب)

- كيف الحال

- تمام والله

- ياخي السوق مليان حريم (لايفوتك البداية البايخه):08:

- صحيح وقت إجازه... تعرف

- الأخ من المنطقه هنا ؟؟

- إيوه

- لا أقصد يعني اصلك من المنطقه هنا ؟

- لأ انا من سدير ..

- من وين من سدير ..؟

- من جلاجل..

- آآه الي على طريق القصيم ؟

- الأخ من القصيم ؟

- إيه..:17:

- ياخي انتم القصمان متعصبين؟ (شكله حاقد)

- متعصبين لأيش ؟

- قصدي ان المطاوعه كثير بالقصيم...؟؟ (جمله ومفرق):D

- تعرف طبيعة المنطقة محافظه..

- بس حقون -يعني أهل -بريده هم اشد شي

- والله مو كلهم الدشوش ما خلت احد ما خربت أخلاقه إلا القليل

- أنت ببيتك دش ؟

- لأ :rolleyes:

- ولا تلفزيون؟

- لأ بس فديو للأبن :rolleyes:

- طيب وكيف تعرف الاخبار واحوال الدنيا ؟؟

- من الجرايد ومن الكمبيوتر احيانا

- عندك كمبيوتر؟؟

- إيه :09: (فرحان فيه)

- كويس

- !!!!!!!(شكله يحسب اني من المريخ) :(

- انا أشوف ان التلفزيون ضرورة في مثل هذا الزمان..

- انت عندك ؟

- اكيد!!

- طيب ووش تتابع؟؟

- الأخبار والبرامج الثقافيه..(طبعاماقال الأفلام والمسرحيات)

- بس ياخي شره اكثر من خيره خصوصا مع البث الي يجي من برى

- كل واحد هو وتعامله معه..يعي هوسلاح ذوحدين (الكلمة المطاطه المعروفه)

- بس ما تلاحظ ان الناس قل تمسكهم بالدين من يوم ماجانا الغزوالفضائي؟؟
يعني قصات شباب وصياعة بالأسواق وأمور مايعلم بها غير رب العباد

- موكلها من التلفزيون..

- يمكن هو أهمها

- لاااا انت غلطان انا عندي تلفزيون ودش والحمد لله ما تغيرت

- ايهم اكثرالتزاما بالدين انت ولا أبوك ؟

- !!!!!!!!!!!!!!!!!!!!!!!!!كيف يعني (خرجت عويوونه من محاجرها):o


- لاتزعل بس قصدي ان الاولين اكثر تدينا لانه ما كانو يتعرضون للغزو الي حنا نتعرض له

- بس انا اعرف بالدين اكثر من ابوي ومعلوماتي عن الدين اخذها من التلفزيون

- المعرفه شي والتطبيق شي ثاني...

- بعدين يا اخي مع إحترامي الشديد كم نسبة البرامج الهادفة بالتلفزيون بالنسبة للبرامج الفاسده...

- خمسين خمسين ففتي ففتي

- لاآآآآ خلك حقاني (ها ها ها ها):36:

طيب.....وا


شوي إلا جت المدام عيونها طآآآآآيره - اكيد مالقت اللون الموف الي خاطرها فيه الله يستر - يوم قمت انا قالت

- صارلي ساعة واقفه قبالك ماتعبرني ولاشي ؟؟ يآآآآلله خلصنا حاسب وخلنا نطلع:confused:

إستأذنت من محدثي وحاسبت المحل وطلعت,,

لكن اتصور انه يوجد شريحة كبيرة من المجتمع حتى الان ما تدرك اننا منطقة مستهدفة..وانه لابد احيانا ان نتنازل عن بعض الامور التي هي من المباحات حتى على الأقل ما نقع في الحرام بعدين....

ودمتم