معقولة فيه احد بالزمن هذا تصدق واحد يقول انه يحبها وبيتزوجها؟ اللي يحب يتوجه لولي امرك بدون لف ودوران (واتوا البيوت من ابوابها ....).
الله يهديك ياصاحبة الموضوع , انتي تطلبين من البنات كيف تنسيه ؟ يعني مافكرتي في الذنب اللي ارتكبتيه؟ تكلمين اجنبي وتقولين له احبك؟ طبيعي بيقول وانا بعد احبك علشان تستمري معاه بالعلاقة وياخذ اللي يبيه وبعدين يرفسك ....مستحيل يقول انا اكرهك ?! وزين فيه ماوعدك بالزواج , هذا محترم شوي , غيره يقول بتزوجك واحبك ووووو.....وياخذ اللي يبي ويسحب عليها .
هذا واضح مايحبك ابداااااا,,,, وعندي احساس اذا تزوجتي ماراح يتركك , ياانه يكلمك ويقول انا الحين جاهز بتزوجك, بس تطلقي واخطبك, تأكدي بيقولك هالاكذوبه علشان يخرب حياتك. او انه بيشوه سمعتك حتى يكرهك زوجك... توقعي منه كل شيء.
توبي الى الله واطلبي منه الستر, واقطعي علاقتك نهاااااائي مع الاجنبي , احذفي رقمه , وغيري رقمك وحساباتك وكل شيء,, ترى الله اعلم بنيتك, اذا تبتي فعلا بيوفقك , واذا انتي مستمره بالذنب راح تتعبي في حياتك....

8 سنوات كافيه ان حبيبك يكون نفسه ،، لو يحبك كان تزوجك
وايش هذي الظروف اللي عند اهله مخليته 8 سنوات مو قادر يرتبط
وبعدين مو كل قصة حب نهايتها سعيدة ومو كل اللي يتزوجزن عن معرفة سابقة
ناجحين وسعيدين بحياتهم ،، اقرب مثال انا و زوجي تزوجنا عن حب دام 3 سنوات
هي 3 سنوات بس ندمت اني ضيعت عمري مع واحد مايستاهلني وندمت اني ماقست نبضه من البداية
ما اقول ما فيه ايجابيات بالعكس عنده ايجابيات بس سلبياته طاغيه على ايجابياته ،، من صفاته اللي ماتعجبني
وماكنت ملاحظتها طوال 3 سنوات البخل بخيل في حاجات كثير ، ثاني شي العصبية عصبي بشكل ماتتصوريه
، ثالث شي الجفاف العاطفي ،، كان دايم يقول لي كلام معسول في ايام الحب ودايم يقول بسعدك واللي تبيه بوفره
وكنت وقتها انجرف ورا كلامه المعسول ،، بس بالنهاية بعد الزواج تبين لي انسان ثاني و السبب في هذا كله اني كنت معمي على قلبي فما كنت اشوف سلبياته كانت سلبياته بالنسبة لي ايجابيات وشي من السهل ان ينحل وهذا من الاسباب اللي خلتني ادوس على عقلي واتبع قلبي وهذا الشي الغلط والشي الثاني اللي خلاني انجرف لهذا الطريق اني فاقده الحنان عند اهلي وفاقده الكلمات الحلوة و الشي الثالث اهلي مايعرفو احد نهائياً انطوائين بشكل مو طبيعي وهذا سبب من الاسباب

فـ نصيحة : انصحك دوسي على قلبك وخليكِ على الخطيب واتركي الحبيب واهلك ماوافقو الا وعارفين مصلحتك بالبداية صعبة تنسين حبك الاول بس مع الوقت تتعودي ..

يانسيم الله يفرج همك ويريح بالك
والله العظيم بقولك شي قالوه اغلب صديقاتي وقريباتي اللي مروا بنفس مامريتي

قالوا والله اليوم الي انكتب فيه كتابنا انه استحقرنا نفسنا على الماضي ودموعنا ع واحد ماعرف باب بيتنا ..

اقسم بربي كل وحده قالتها لي انا شخصيا بطريقه مختلفه ..
سبحان الله تحسي ملكك وحلالك وقدام الناس بس اهم شي ادي نفسك وقت وفرصه تتقبليه وتحبيه والماضي ارميه يمكن يكون صعب فالبدايه بس اذا عودتي عقلك الباطني انه انا انسى الحبيب صدقيني حيقوى قلبك ولو جلستي تفتشي ف المسجات والرسايل القديمه ماعمرك تتقدمي خطوه وحده ..

عشان تبدأي صح ماحقولك من اليوم بس من ليله الملكه غيري الانستقرام والسناب والبيبي ورقم جوالك وكل وسائل التواصل الاجتماعي اللي تجمعكم عشان بكره لاتضعفي ولا هو يرسلك ويلعب عليك

والله يوفقك ومبروك الله يتمم لك على خير وتكوني احلى عروسه

عطي نفسك فرصه و صدقيني بتحبين زوجك بإذن الله و انتبهي لـا يضحك عليك ابليس !

مشاعر متوقعه من انثى تنساق ورا كﻻم الحب
بس 
8سنوات وانتي تضحي 8سنوات وانتي ضحيه اعتقد ﻻزم تنسيه ﻻني اعتقد والله اعلم ماحب غير نفسه
بس جاء دورك تحبي نفسك وصدقيني الزمن كفيل بانك تنسينه
وتنسي ايام انضحك عليك فيها كﻻمي هذا يمكن الحين ماراح تحسين فيه
اﻻن بس بعد الزواج راح تضحكي على حالك