بين الدورة والعذرية ودوا السكري<<قصة وعلاقة

السلام عليكم
اانا وحدة افكر كتير فبتيجي ببالي اسئلة اكثر واتوقع منكم اجابة اكثر واكثر :42:
انا تتأخر دورتي ولو ما اخدت شي ينزلها ممكن تغيب خمس شهور واكثر وغالبا الاشياء الطبيعية متل الحلبة والمردقوش ما تفيدني فأخد ادوية وتكون الدكتورة كاتبيتلي على منع حمل اخد كم شهر وبعدين يجيني شعور انو خلاص بتيجني الدورة ولما اوقف الدوا ترجع تغيب بالشهور
المهم بلا طولت سيرة بدي احكيلكم شو خطر في بالي
انا لسة ما اتزوجت يعني عذراء
وعلى حد معلوماتي العلمية الطبية انو الدورة الشهرية تنزل من المهبل من خلال غشاء البكارة وغشاء البكارة فيه فتحات ليمر الدم
هلأ انا من لما بلغت يعني تقريبا من تسع سنين وانا يمكن تيجيني بس خمس مرات بالسنة او اقل وانا ما كنت اهتم كتير بالموضوع لأنو كنت اتعب كتير من وجع الدورة فلما تغيب انبسط بس الحين لما صرت على وجه زواج واتعمقت بالموضوع اكتشفت انو جهلي راح يضرني بالمستقبل وخفت اني لما اتزوج يتأخر الحمل فقررت اني ابدا علاج بنفسي من اليوم
وفكرت اني اخد اعشاب تنظف الرحم لأنو الدورة لما تيجيني تكون خفيفففففففة جدا جدا لدرجة اني ما احتاج فوطة ورقة محارم تمشي الحال !!!! مع انه اول ما بلغت كانت تيجي الدورة غزيرة لدرجة اغرق فيها.. سبحان مغير الاحوال
بس خطر بببالي انو لما اخد اشياء للتنظيف يعني راح يصير ينزل من المهبل الدم جامد وعلى شكل قطع.. وخفت انو يكون رحمي ملياااان بلاوي فهل ممكن هالأشياء تكون جامدة وتفتح الغشاء وهي نازلة.. يعني تفقدني العذرية..

يعني سؤالي ببساطة بعد هالقصة الطويلة والتفكير العميق.. الشيء اللي تاخده البنت نفسه اللي تاخده المتزوجة.. ولا وضع البنت عذراء يختلف
وسؤال ثاني
انا عملت صورة صوتيه للرحم وحكتلي الدكتور عندي تكيس صغير وقالت لي اخد دواء للسكري مع حبوب منع حمل.. اخدت ياسمين بس خفت اخد دوا السكري,, تنصحوني اخده ولا لأ ؟؟؟ حد استخدمه واستفاد؟؟
شو تنصحوني بعلاجات طبيعية للتنظيم وللتنظيف من ترسبات التسع سنين


ردوا علي وما تفشلوني :eek:

الله يرزقكم ذرية صالحة .. وبنات حلوين يشبهوني وأولاد حلوين