بين الزواج والحب

بسمه نور النور
انا فجر اليقين عضوه جديده واخصائيه اجتماعيه على وجه التخرج يسعدني اعرض مشكله احد الزميلات واتمنى انكم تعطونها حل يريحها لانه مشكلتها وايد تعابتها نفسيا وجسديا ...
زميلتي هذي اسمها روان عمرها 23 سنه مثقفه وواعيه وملتزمه بدينها مشكلتها تتلخص في انها تزوجت من سنه ونصف وللاسف ان زوجها طلع شخص ذو شخصيه محدوده الملامح يعني تفكيره محدود مايرتقي لمستواها ومايوصل للمستوى العادي بالنسبه لاقرانه مايعتمد عليه بشئ اهو شخصا انسان رائعا اي زوجه تتمناه بس شخصيه معدومه يعني مايعرف ابسط الامور بالحياه وحتى ثقافة الدينه بسيطه جدا حاولت ان اهي تساعده وتطوره تعطيه كتب يقراءها بس مالقت فايده لان مايعرف مصطلحات وايد تصوروا ان يسالها شنو يعني ضمه الي قلبه وغيرها وايد..... اهي مو قادره تعيش معاه واهو بهاي المستوى وبنفس الوقت الانفصال صعب والبقاء اصعب لان سذاجه زوجها تخليها في وضع محرج وخصوصا ان عائلتها كلهم مثقفيا ومستواهم الفكري مرتفع منهم المهندس والموظف والمسؤول و....الخ في معظم المناسبات الي يتجمعون فيها تلاحظ التعليقات الي تدور حول زوجها واهو ياغافلين لكم الله مو قادر حتي يرد او يكون في موضوع نقاش ضايع بينهم مو عارف وين اهو ،اهي ماتبي تنجب اولاد منه واهو بهاي الحال بنفس الوقت عرضه حالته على احد الاستاذه بالجامعه وقال لها التغير صعب لانه انسان بسيط جدا ممكن يتغير بس يبي له عده سنوات وتحمل وتعب اهي سلمت امرها لرب العالمين وواصلت حياته معاه الي خلاها تتراجع وتعب نفسيتها انها حملت ولما عرفت الخبر نزل عليها مثل الصاعقه وكانت تبكي والله اخذ بيدها وفرج عن نفسيتها وحست بشعور انها خلاص تبي الطفل وانها راح تربي لحالها وبعدين الله ماقدر وسقط البيبي واهي بحالتها بالمستشفى تقول لها الدكتوره وقعي عشان العمليه قال زوجها لا انا ماراح اوقع خلي الوالد يجي يوقع اتصلي باهلش يجون وغيرها من مواقف وايد ...سوري طولت عليكم بس شنو رايكم بمشكله رفيقتي تستمر وياه والا تنفصل عنه مع الاخذ بعين الاعتبار مشكله الانفصال ومايتبعها وصعوبه البقاء وصعوبه تغير الشخص وعلى فكره اهي تحبه مثل اي شئ الا الزوج عندها فكره انها تبتعد عنه عاديه وممكنه جدا
والله يوفق الجميع