بين خوف وحيره

مساكم الله بالخير
عندي أخو الله يسامحه كان متزوج وحده بنت حلال ملكة جمال والله كل من شافها يتكلم عن جمالها وأخلاق وسيعة صدر وكريمه وصابره على اللي سواه فيها أخوي وعندها منه بنتين وولدين والله شافت الضيم منه وأتحملت وأصبرت على فقره ولا مرضه ولا عمرها شكت ولا تكلمت وفي يوم ضربها ضرب والله أنه سحبها سحب لشارع ورماها وهي ماعليها إلا ملابس البيت وحاول يخنق عياله وهي تصرخ كان يتعاطى مخدرات وتحملته ويوم جاء أخوها قال خلاص مالك جلسه عنده وأخذها وأخذ عيالها ورفعوا عليه قضية وطلقوها منه وحضانة عيالها عندها بحكم من المحكمه لسوء أخلاق أخوي وحنا تهاوشنا معها وزعلنا منها ومعاد نكلمها وتركناها لأن ماودنا تطلق من أخوي وحاول أخوي يرجعها سنين وهي رافضه بعدها مل وتزوج وحده مو حلوه أبد وأخلاقها أعوذ بالله وجابت منه عيال وأخوي كل تفكيره بطليفته يحبها يعشقها لحد الآن وطليفته توظفت وربي رزقها البيت وحالتها الماديه تحسنت صارت حرمه ماعليها قاصر الله عطاها ع قد نيتها الطيبه ومن رمضان أخوي مزعجني كلمي فلانه ترجعلي وأقوله ي أخوي وشلون أكلمها وأنت عذبتها وحنا طاوعناك ماأقدر مالي وجه قال أبطلق زوجتي ماأحبها قلبي متعلق بفلانه واليوم أتصلت عليها وليتني ماأتصلت فشلتني وقالت لي ظلمتوني وربي نصرني عليكم وأخوك لو مايبقى بالدنيا إلا هو مارجعتله يحمد ربه حصل وحده رضت تأخذه وهو مجنون ودعت علي وتحسبت علي أنه الله مايوفقني ع ظلمي لها والله أني حاولت أعتذر لها بس ماقبلت أعتذاري وحاسه بتأنيب الضمير خصوصا أني في هم مايعلم به إلا رب العالمين
قولوا لي وشلون أخلي طليقة أخوي تسامحني والله أنا وأهلي وأخوي كلنا ندمانين على اللي سوايناه فيها خصوصا أن أخوي مدمن مخدرات
والله أني تمنيت أني مافاتحتها بموضوع الرجعه وجددت جروحها 😭💔