بين سوق المعيقليه بالجنوب وسوق بشمال الرياض مالفرق

معتس وحده مقطعه المعيقليه والتعمير والديره والمولات بس صراحه الجنوب افضل واونس مكان نروح نتمشى ونتسوق ونوسع الصدر يالله لك الحمد

رفع

ماعرفها ولا عمري رحت لها مع اني ساكنه بالرياض
ليتك كتبتي الفروقات بدون غيبه ودخول بالنيات وش عرفك ان العامل يبتسم ابتسامه بغيضه
ماتدرين يمكن انهم اقرب لله منك دعي الخلق للخالق
ودعي ربك يثبتك على الدين ويهديك ويهدي لك

الله اكبر

باقي تكه وتقولين اهل الشمال بيدخلون النار والجنوب الجنه.

لا فروقاتك غير عن محلها انا دايم اروح المعيقليه والتعمير رغم اني اسكن شمال الرياض بس عشان اشتري جمله من البجايم او ملابس داخليه رجالية او بخور احياناً او تكرمون شربات ومع زوجي بس مااحس بالامان اذا راح زوجي يصلي اجلس خايفه الين مايرجع عكس الشمال المولات وأسواق الشعبيه عادي لو امشي لحالي ناس راقيه ومافيه خوف ومن قال ان كلهم عباياتهم وحاجياتهم مو ساتره بالعكس الا الحمد الله الي ماتلبس نقاب ينعدون على الاصابع وترا مو كل من راحت الكوفي الي في السوق او جلست وامشت وأُكلت وكانت لابسه عبايه كشخه انها جايه عشان تفتن الرجال لا ياقلبي هي جايه توسع صدرها وتنبسط وتتسوق ويمكن تلعب عيالها في الألعاب والمكان يحكم انها تجي أقلها عبايه نظيفه ومرتبه مو شرط انها تكون مبهرجة حتى سوداء ساده ومن قال ان البضاعة نفسها في الاسواق الشعبيه نفس البضاعه بس جنوب الرياض أرخص للي بياخذ جمله اما المحلات الي في المول تختلف أكثرها ماركات ومن قال ان مافيه أماكن رخيصه فيه المراكز زي مرجان السعوديه وبيسك وسيتي ماكس والهرم والفيصل وأناقة دبي والسلطان وطقتهم هاذي رخيصه وفي كل فروعها سعرها موحد هو عادي اشتري من كل مكان رخيص وغالي عادي وماركات ماتفرق معي واذا انا بروح من شمال الرياض لجنوب الرياض الي بدفعه هو حق البنزين غير ان ماراح اروح أتمشى هناك الا لحاجه ملحه زي الي قلت لها فوق واذا انتي ماتطلعين كثير للاسواق لاتحكمين من نظرتك للناس او تبينها يصيرون مثلك حاجات الناس مختلفه وطلباتها تختلف من شخص لآخر كذالك قناعاتهم تختلف من شخص لشخص